ಸಮಸ್ಯೆ ಗೂಡಾದ ಸರ್ಕಾರಿ ಉರ್ದು ಶಾಲೆ

ಸುಸಜ್ಜಿತ ಶೌಚಾಲಯ ಹಾಗೂ ಶಾಲೆಯ ಆವರಣ ಎತ್ತರಿಸಲು 2014 ರಲ್ಲಿ ತಲಾ ₹ 6 ಲಕ್ಷದಂತೆ, ಜಿಲ್ಲಾ ಉಸ್ತು ವಾರಿ ಸಚಿವ ರುದ್ರಪ್ಪ ಲಮಾಣಿ ಹಣ ಮಂಜೂರು ಮಾಡಿ ಭೂಮಿ ಪೂಜೆ ನೆರವೇರಿಸಿದ್ದರು. ಆದರೆ, ಮೂರು ವರ್ಷಗಳೇ ಉರುಳಿದರು ಶೌಚಾಲಯದ ಕಾಮಗಾರಿ ಪ್ರಾರಂಭವಾಗುತ್ತಿಲ್ಲ.

ಅಲ್ಲದೇ ಇದ್ದ ಶೌಚಾಲಯಕ್ಕೆ ಚಾವಣಿ ಇಲ್ಲದೇ, ಸಂಪೂರ್ಣ ಹಾಳಾಗಿದೆ. ಹೀಗಾಗಿ ವಿದ್ಯಾರ್ಥಿನಿಯರು ಪ್ರತಿನಿತ್ಯ ಸಂಕಷ್ಟಕ್ಕೆ ಸಿಲುಕುತ್ತಿದ್ದಾರೆ. ಶಾಲೆಯ ಸುತ್ತಮುತ್ತಲು ದೊಡ್ಡ ದೊಡ್ಡ ಕಟ್ಟಡಗಳಿರುವ ಕಾರಣಕ್ಕೆ, ವಿದ್ಯಾರ್ಥಿನಿ ಯರು ಆ ಚಾವಣಿ ಇಲ್ಲದ ಶೌಚಾ ಲಯಕ್ಕೆ ಹೋಗಲು ಹಿಂಜರಿಯುತ್ತಿದ್ದಾರೆ ಎಂದು ಪೋಷಕ ಎಂ.ಐ.ಪಠಾಣ ತಿಳಿಸಿದರು.

ಶಾಲೆಯ ಆವರಣ ತಗ್ಗಾಗಿರುವ ಕಾರಣಕ್ಕೆ ಶಾಲೆಯ ಮುಂದಿನ ರಸ್ತೆಯ ಮಳೆ ನೀರು ಶಾಲೆಯ ಆವರಣಕ್ಕೆ  ನುಗ್ಗುತ್ತಿದೆ. ಹೀಗಾಗಿ ಶಾಲೆಯ ಆವರಣ ಸಂಪೂರ್ಣ ಮಳೆ ನೀರಿನಿಂದ ತುಂಬಿ ಕೊಂಡು, ವಿದ್ಯಾರ್ಥಿಗಳು ತುಂಬ ತೊಂದರೆ ಅನುಭವಿಸುತ್ತಿದ್ದಾರೆ.

ಈ ಸಮಸ್ಯೆಯನ್ನು ನಿವಾರಿಸಲು ಜಿಲ್ಲಾ ಉಸ್ತುವಾರಿ ಸಚಿವರು ₹ 6 ಲಕ್ಷ ಹಣ ಮಂಜೂರು ಮಾಡಿದ್ದರು, ಆದರೆ ಅದು ಈ ವರೆಗೂ ಕಾಮಗಾರಿ ಪ್ರಾರಂಭ ವಾಗುತ್ತಿಲ್ಲ. ಆದಷ್ಟು ಬೇಗ ಕಾಮಗಾರಿ ಯನ್ನು ಪ್ರಾರಂಭಿಸಬೇಕು ಎಂದು ಪೋಷಕರು ಒತ್ತಾಯಿಸುತ್ತಿದ್ದಾರೆ.

ಅಲ್ಲದೇ 2014–15ನೇ ಸಾಲಿನ ಎಂ.ಎಸ್‌.ಡಿ.ಪಿ. ಯೋಜನೆ ಅಡಿಯಲ್ಲಿ ನಿರ್ಮಾಣ ಮಾಡಿದ, ಮೊದಲ ಅಂತಸ್ಥಿನ ಕಟ್ಟಡದ ಕಾಮಗಾರಿ ಡಿಸೆಂಬರ್‌ 2016ರಲ್ಲಿಯೇ ಪೂರ್ಣ ಗೊಂಡಿದೆ. ಆದರೆ, ಈ ವರೆಗೂ ಉದ್ಘಾ ಟನೆಯಾಗಿಲ್ಲ ಎಂದು ಅಬ್ದುಲ್‌ ಖಾದರ್‌ ಎಚ್‌.ಧಾರವಾಡ ತಿಳಿಸಿದರು.

‘ನಾನು  ಈ ಶಾಲೆಗೆ ವರ್ಗಾವಣೆ ಯಾಗಿ ಬಂದು ಕೇವಲ ಆರೇಳು ತಿಂಗಳಾಗಿವೆ. ಆದರೆ, ಈ ವರೆಗೂ ಶಾಲೆಗೆ ಯಾವುದೇ ಕಾಮಕಾರಿ ಆದೇಶ ಪತ್ರ ಬಂದಿಲ್ಲ’ ಎಂದು ಶಾಲೆಯ ಮುಖ್ಯಶಿಕ್ಷಕ ಎಚ್‌.ಎಂ.ಪಡ್ಡೇಶಿ ತಿಳಿಸಿದರು.

* * 

ಮೊದಲ ಅಂತಸ್ತಿನ ಕಟ್ಟಡದ ಕಾಮಗಾರಿ ಪೂರ್ಣಗೊಂಡು ವರ್ಷ ಕಳೆದಿದೆ, ಆದರೆ ಉದ್ಘಾಟನೆ ಯಾಗಿಲ್ಲ. ಅಲ್ಲದೇ, ಅದಕ್ಕೆ ಕೇವಲ ಒಂದು ಅಡಿ ಮಾತ್ರ  ತಡೆಗೋಡೆ ನಿರ್ಮಿಸಿದ್ದರಿಂದ ಅಪಾಯವಿದೆ
ಅಬ್ದುಲಖಾದರ್‌ ಎಚ್‌.ಧಾರವಾಡ
ಸ್ಥಳೀಯ ನಿವಾಸಿ