ಫೇರ್ನೆಸ್ ಕ್ರೀಂಗೆ ಸಂಬಂಧಿಸಿದ ಜಾಹೀರಾತೊಂದನ್ನು ನೆನಪಿಸಿಕೊಂಡ ಅವರು ‘ವೃತ್ತಿ ಜೀವನದ ಪ್ರಾರಂಭದಲ್ಲಿ ನಾನೂ ಕೆಲವು ಸೌಂದರ್ಯವರ್ಧಕಗಳಿಗೆ ಸಂಬಂಧಿಸಿದ ಜಾಹಿರಾತಿನಲ್ಲಿ ಕಾಣಿಸಿಕೊಂಡಿದ್ದೆ. ಚೆಂದಕಾಣುವ ಆಸೆಯಲ್ಲಿ ನನ್ನಂತೆ ಅದೆಷ್ಟೋ ಹುಡುಗಿಯರು ಸೌಂದರ್ಯವರ್ಧಕಗಳ ಮೊರೆ ಹೋಗಿದ್ದಿದೆ. ನಮ್ಮಲ್ಲಿರುವುದನ್ನೆಲ್ಲಾ ಕಡೆಗಣಿಸಿ, ಇನ್ನೂ ಹೆಚ್ಚಿನದನ್ನು ಬಯಸುವ ಈ ಸೌಂದರ್ಯವರ್ಧಕಗಳ ಬಗ್ಗೆ ಅಸಹ್ಯ ಎನಿಸಲಾರಂಭಿಸಿತು. ಹೀಗಾಗಿ ಆಗಿಂದಾಗಲೇ ಕಾಂಟ್ರಾಕ್ಟ್ನಿಂದ ವಿಮುಖಳಾಗಿ ಅಂಥ ಜಾಹಿರಾತಿನಲ್ಲಿ ಮತ್ತೆಂದೂ ನಟಿಸಲಿಲ್ಲ. ತ್ವಚೆಗೆ ಕಾಂತಿ ನೀಡುತ್ತದೆ ಎಂದರೆ ಒಂದು ಮಟ್ಟಕ್ಕೆ ಒಪ್ಪಬಹುದು. ಆದರೆ ತ್ವಚೆ ಬಿಳುಪಾಗುತ್ತದೆ ಎಂದರೆ, ಅಸಹ್ಯ?’ ಎಂದು ಅಣಕಿಸಿದ್ದಾರೆ ಪ್ರಿಯಾಂಕಾ.