‘ಆತ್ಮಹತ್ಯೆ ಸಂಖ್ಯೆಯಲ್ಲಿ ಹೆಚ್ಚಳ’

‘ಜನ್ಮ ಪಡೆಯುವ ಹಕ್ಕು ನಮದಲ್ಲ ಅಂದ ಮೇಲೆ, ಸಾಯುವ ಹಕ್ಕು ಕೂಡ ನಮಗೆ ಇಲ್ಲ. ಅವೆರಡೂ ನೈಸರ್ಗಿಕವಾಗಿಯೇ ಬರಬೇಕು. ಆಸೆಗಳು ಮಿತಿ ಮೀರಿದಾಗ, ಜೀವನದಲ್ಲಿ ಹತಾಶರಾದಾಗ ಆತ್ಮಹತ್ಯೆ ದಾರಿ ಹಿಡಿಯುತ್ತಿರುವುದು ಕಂಡುಬರುತ್ತಿದೆ. ಅನುತ್ತೀರ್ಣರಾದಾಗ ಅಥವಾ ಕಡಿಮೆ ಅಂಕ ಬಂತು ಎಂದು ಯಾರೂ ಖಿನ್ನತೆಗೆ ಒಳಗಾಗಬಾರದು. ಜಗತ್ತು ಹಾಗೂ ಜೀವನ ವಿಶಾಲವಾಗಿದೆ. ಸೋಲೇ ಗೆಲು ವಿನ ಮೆಟ್ಟಿಲು ಎಂದು ಸ್ವೀಕರಿಸಿ, ಮುನ್ನ ಡೆಯಬೇಕು’ ಕಿವಿಮಾತು ಹೇಳಿದರು.

ಜಿಲ್ಲಾ ಮಾನಸಿಕ ಆರೋಗ್ಯ ಕಾರ್ಯಕ್ರಮಾಧಿಕಾರಿ ಡಾ.ಶಂಕರರಾವ್ ಪ್ರಾಸ್ತಾವಿಕವಾಗಿ ಮಾತನಾಡಿ, ‘ಪ್ರತಿದಿನ ಮಾಧ್ಯಮಗಳಲ್ಲಿ ಆತ್ಮಹತ್ಯಾ ಸುದ್ದಿಗಳು ಬರುತ್ತಿವೆ. ಬ್ಲ್ಯೂವೇಲ್‌ ಆಟದ ಪ್ರಭಾವಕ್ಕೆ ಒಳಗಾಗಿ ಮಕ್ಕಳು ಆತ್ಮಹತ್ಯೆಗೆ ಶರಣಾಗುತ್ತಿದ್ದು, ಇದು ತುಂಬಾ ಕಳವಳಕಾರಿಯಾಗಿದೆ. ಮನೋಸ್ಥಿತಿ ದುರ್ಬಲವಾದಾಗ ಈ ರೀತಿಯ ನಿರ್ಧಾರಗಳನ್ನು ಮಾಡುತ್ತಾರೆ. ಈ ಬಗ್ಗೆ ಮನೋರೋಗ ತಜ್ಞರ ಬಳಿ ಆಪ್ತ ಸಮಾಲೋಚನೆ ನಡೆಸಿ, ಸುಧಾರಿಸಿಕೊಳ್ಳಬಹುದು’ ಎಂದರು.

ಜಿಲ್ಲಾ ಮಾನಸಿಕ ಆರೋಗ್ಯ ತಜ್ಞ ಸರ್ವೇಶಕುಮಾರ್ ಅವರು ‘ಒಂದು ನಿಮಿಷದ ಸಂಯಮದಿಂದ ಜೀವನ ಬದಲಿಸಿ’ ವಿಷಯದ ಕುರಿತು ವಿಶೇಷ ಉಪನ್ಯಾಸ ನೀಡಿದರು. ನಗರಸಭೆ ಉಪಾಧ್ಯಕ್ಷೆ ಲೀಲಾಬಾಯಿ ಠಾಣೇಕರ, ತಾಲ್ಲೂಕು ಆರೋಗ್ಯ ಅಧಿಕಾರಿ ಸೂರಜಾ ನಾಯ್ಕ ಉಪಸ್ಥಿತರಿದ್ದರು.