ಬಂಟ್ವಾಳ: ತಾಲ್ಲೂಕಿನಲ್ಲಿ ಶನಿವಾರ ರಾತ್ರಿ ಮತ್ತು ಭಾನುವಾರ ಬೆಳಿಗ್ಗೆ ಧಾರಾಕಾರ ಮಳೆಯಾಗಿದ್ದು, ಇಲ್ಲಿನ ಬಹುತೇಕ ರಸ್ತೆ ಬದಿ ಚರಂಡಿ ಇಲ್ಲದೆ ರಸ್ತೆಯಲ್ಲೇ ಕೆಸರು ನೀರು ಹರಿಯುತ್ತಿದೆ. ಬಿ.ಸಿ.ರೋಡ್ ಸರ್ವೀಸ್ ರಸ್ತೆಯಲ್ಲಿ ಕೃತಕ ಕೆರೆ ನಿರ್ಮಾಣಗೊಂಡಿದೆ.
ತಡೆಗೋಡೆ ಕುಸಿತ: ತಾಲ್ಲೂಕಿನ ತೆಂಕ ಬೆಳ್ಳೂರು ಗ್ರಾಮದ ಧನುಪೂಜೆ-ಕಮ್ಮಾಜೆ ರಸ್ತೆ ನಡುವಿನ ತಡೆಗೋಡೆಯೊಂದು ಶನಿವಾರ ತಡರಾತ್ರಿ ಕುಸಿದು ಬಿದ್ದು ಇಲ್ಲಿನ ನಿವಾಸಿ ರವಿ ಎಂಬವರ ಮನೆಗೆ ಗೋಡೆಗೆ ಭಾರೀ ಹಾನಿ ಉಂಟಾಗಿದೆ. ಕಂದಾಯ ಇಲಾಖೆ ಸಿಬ್ಬಂದಿ ಸೀತಾರಾಮ ಕಮ್ಮಾಜೆ ಭಾನುವಾರ ಭೇಟಿ ನೀಡಿ ಪರಿಶೀಲನೆ ನಡೆಸಿರುವುದಾಗಿ ತಿಳಿಸಿದ್ದಾರೆ.
