ನವದೆಹಲಿ: ಮೊಬೈಲ್‌ ಮೂಲಕ ಹಣ ಪಾವತಿಸಲು ಸಹಕಾರಿಯಾಗುವ ‘ತೇಜ್‌’ ಆ್ಯಂಡ್ರಾಯ್ಡ್‌ ಆ್ಯಪ್ ಅನ್ನು ಗೂಗಲ್ ಬಿಡುಗಡೆ ಮಾಡಿದೆ.
ವಿತ್ತ ಸಚಿವ ಅರುಣ್ ಜೇಟ್ಲಿ ಸೋಮವಾರ ನೂತನ ಆ್ಯಪ್ ಬಿಡುಗಡೆ ಮಾಡಿದರು. ಭಾರತದ ಆ್ಯಂಡ್ರಾಯ್ಡ್‌ ಮೊಬೈಲ್‌ ಬಳಕೆದಾರರು ತೇಜ್‌ ಆ್ಯಪ್ ಬಳಸಿ ಹಣ ವರ್ಗಾವಣೆ ಮಾಡಬಹುದು. ಬ್ಯಾಂಕ್‌ ಖಾತೆಯಿಂದ ಹಣ ಪಾವತಿ, ನೇರವಾಗಿ ಖಾತೆಗೆ ಹಣ ಜಮೆ ಹಾಗೂ ಬಿಲ್‌ ಪಾವತಿ ಸಾಧ್ಯವಿದೆ.
ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ(ಎನ್‌ಪಿಸಿಐ)ದ ಏಕೀಕೃತ ಪಾವತಿ ವ್ಯವಸ್ಥೆಯೊಂದಿಗೆ ತೇಜ್‌ ಮೂಲಕ ಹಣ ವರ್ಗವಾಣೆ ಸುಲಭ ಹಾಗೂ ಸುರಕ್ಷಿತ ಎಂದು ಗೂಗಲ್ ಪ್ರಕಟಣೆಯಲ್ಲಿ ತಿಳಿಸಿದೆ.
