ಪ್ರೀತಿಗಾಗಿ ಏನೇನೋ ಮಾಡುತ್ತಾರೆ ಎಂದು ಜನ ಇಂಥವರನ್ನು ಕಂಡೇ ಹೇಳಿರಬೇಕೇನೋ. ಅಂದಹಾಗೆ ಈ ಮೆಕ್ಸಿಕೋದ ಈ ಪ್ರಣಯ ಹಕ್ಕಿಗಳ ಹೆಸರು ಎರಿಕ್ ಮಾರ್ಟಿನೆಸ್, ಕ್ಯಾಮಿ. ಕಾಲ್ಪನಿಕ ಕಥೆಗಳಿಂದ ಪ್ರೇರಣೆ ಪಡೆದ ಇವರು, ವಿಭಿನ್ನವಾಗಿ ಫೋಟೊಶೂಟ್ ಮಾಡಿಸಿಕೊಂಡಿದ್ದಾರೆ.
ನೀರಿನೊಳಗೆ ಪ್ರೇಮ ನಿವೇದನೆ ಮಾಡಿಕೊಳ್ಳುವ ಥೀಮ್ ಮೂಲಕ ಫೋಟೊ ತೆಗೆಸಿಕೊಂಡು ಬೆರಗು ಮೂಡಿಸಿದೆ ಈ ಜೋಡಿ. ಇಲ್ಲಿ ಪ್ರಮುಖ ಆಕರ್ಷಣೆಯಾಗಿದ್ದು, ಕ್ಯಾಮಿ ಉಡುಪು. ಥೇಟ್ ಮತ್ಸ್ಯಕನ್ಯೆಯ ರೀತಿಯಲ್ಲಿಯೇ ಇವರು ಉಡುಪು ಧರಿಸಿದ್ದರು.
ಡೆಲ್ ಸೋಲ್ ಫೋಟೊಗ್ರಫಿ ಕಂಪೆನಿ ಹೀಗೆ ವಿಭಿನ್ನ ಫೋಟೊಶೂಟ್ ಮಾಡಿದೆ. ಚಿತ್ರ ತೆಗೆಸಲು ಒಂದು ತಿಂಗಳು ತಯಾರಿ ನಡೆಸಿದ್ದರಂತೆ.