ಈ ಶಾಲೆಯ ಆವರಣದಲ್ಲಿ ವಿದ್ಯಾರ್ಥಿಗಳೇ ತಂದು ಬೆಳೆಸಿರುವ 25ಕ್ಕೂ ಹೆಚ್ಚು ತೆಂಗಿನ ಸಸಿಗಳು, ತೇಗ, ಹೊಂದೆ, ಶಿಶುತಳಿ ಮರ, ಸಿಲ್ವರ್ ಓಕ್, ಅಕೇಶಿಯಾ, ಬೋಗನ್ ವಿಲಿಯಾ ಗಿಡ ಮರಗಳಿವೆ. ತೋಟಗಾರಿಕೆ ಅಭಿವೃದ್ಧಿ ಪಡಿಸುವ ಉದ್ದೇಶದಿಂದ 10 ನೇರಳೆ, 8 ಸೀಬೆಗಿಡಗಳನ್ನು ಬೆಳೆಯಲಾಗಿದೆ. ಕೊಳವೆಬಾವಿ ವ್ಯವಸ್ಥೆ ಇರುವುದರಿಂದ ಬಿಸಿಯೂಟಕ್ಕೆ ಅವಶ್ಯವಿರುವ ಹಿತ್ತಿಲು ಮಾದರಿಯ ಪೌಷ್ಟಿಕ ತರಕಾರಿಯನ್ನು ಮಕ್ಕಳೇ ಬೆಳೆಯುತ್ತಿರುವುದು ಎಲ್ಲರಿಗೂ ಮಾದರಿಯಾಗಬೇಕಿದೆ.