ಮಂಗಳೂರು: ಸರ್ಫಿಂಗ್ ಪಟು ತನ್ವಿ ಜಗದೀಶ್ ಅವರಿಗೆ ‘ಗ್ರೋಮ್ ಆಫ್‌ ದಿ ಇಯರ್‌’ ಅಂತರರಾಷ್ಟ್ರೀಯ ಪ್ರಶಸ್ತಿ ಲಭಿಸಿದೆ.
ಅಮೆರಿಕದ ಕ್ಯಾಲಿಫೋರ್ನಿಯಾದ ಸ್ಯಾನ್‌ ಡಿಯಾಗೊ ಸರ್ಫ್‌ ಕನೆಕ್ಟ್‌ ಸಂಘಟನೆ ಈ ಪ್ರಶಸ್ತಿ ನೀಡುತ್ತಿದೆ. ಮುಂದಿನ ತಿಂಗಳು ತನ್ವಿ ಈ ಪ್ರಶಸ್ತಿ ಸ್ವೀಕರಿಸಲಿದ್ದಾರೆ.
17 ವರ್ಷದ ತನ್ವಿ ಜಗದೀಶ್ ಅವರು ಇಲ್ಲಿನ ಸುರತ್ಕಲ್‌ ನಿವಾಸಿಯಾಗಿದ್ದಾರೆ. ರಾಷ್ಟ್ರೀಯ ಹಾಗೂ ಅಂತರರಾಷ್ಟ್ರೀಯ ಸರ್ಫಿಂಗ್‌ನಲ್ಲಿ ಭಾಗವಹಿಸಿರುವ ಅವರು ಕಳೆದ ವರ್ಷ ಇಲ್ಲಿನ ಸಸಿಹಿತ್ಲು ಬೀಚ್‌ನಲ್ಲಿ ನಡೆದ ಅಂತರರಾಷ್ಟ್ರೀಯ ಸರ್ಫಿಂಗ್ ಸ್ಪರ್ಧೆಯಲ್ಲಿ ಮಿಂಚಿದ್ದರು.
