ಬೆಂಗಳೂರು: ಬ್ರೆಜಿಲ್‌ನ ದಿಗ್ಗಜ ಆಟಗಾರ ರೊನಾಲ್ಡಿನೊ ಅವರ ಮಿಂಚಿನ ಆಟದ ಬಲದಿಂದ ಡೆಲ್ಲಿ ಡ್ರ್ಯಾಗನ್ಸ್‌ ತಂಡ ಪ್ರೀಮಿಯರ್‌ ಫುಟ್‌ಸಾಲ್‌ ಲೀಗ್‌ ಎರಡನೇ ಆವೃತ್ತಿಯ ಪಂದ್ಯದಲ್ಲಿ ಗೆದ್ದಿದೆ.
ಕೋರಮಂಗಲದ ಒಳಾಂಗಣ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಪಂದ್ಯದಲ್ಲಿ ಡ್ರ್ಯಾಗನ್‌ 6–4 ಗೋಲುಗಳಿಂದ ಕೇರಳ ಕೋಬ್ರಾಸ್‌ ತಂಡವನ್ನು ಮಣಿಸಿತು.
ಈ ಮೂಲಕ ಡೆಲ್ಲಿ ತಂಡ ಟೂರ್ನಿಯಲ್ಲಿ ಮೂರನೇ ಗೆಲುವು ಗಳಿಸಿ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿತು. ಒಟ್ಟು 10 ಪಾಯಿಂಟ್ಸ್‌ ಸಂಗ್ರಹಿಸಿರುವ ಡ್ರ್ಯಾಗನ್‌ ಪಟ್ಟಿಯಲ್ಲಿ ಅಗ್ರಸ್ಥಾನ ತನ್ನದಾಗಿಸಿಕೊಂಡಿದೆ.
ರೊನಾಲ್ಡಿನೊ 21 ಮತ್ತು 39ನೇ ನಿಮಿಷಗಳಲ್ಲಿ ಗೋಲು ಬಾರಿಸಿದರೆ, ಹೆನ್ರಿಕ್‌ ಕ್ಯಾಟರಿನೊ 13, 14 ಮತ್ತು 26ನೇ ನಿಮಿಷಗಳಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದ
