ಮುಂದುವರಿದ ತೆರವು ಕಾರ್ಯಾಚರಣೆ

ಕೆ.ಇ.ಬಿ. ವೃತ್ತದಿಂದ ಬಲ್ಡೋಜರ್ ಮೂಲಕ ತೆರವು ಕಾರ್ಯಾಚರಣೆ ಆರಂಭಿಸಿದರು. ಅಲ್ಲಿನ ಪಾದಚಾರಿ ಮೇಲಿರುವ ಬಂಡಿಗಳನ್ನು ತೆರವುಗೊಳಿಸಿದರು. ಬಳಿಕ ರಸ್ತೆಯ ಬದಿಯನ್ನು ಅತಿಕ್ರಮಿಸಿಕೊಂಡ ಅಂಗಡಿ, ಅಕ್ರಮ ರಚನೆಗಳನ್ನು ತೆರವು ಮಾಡಿದರು. ಕೆಲವೆಡೆ ಸ್ಥಳೀಯರ ಪ್ರತಿರೋಧ ವ್ಯಕ್ತವಾದರೂ, ಅಧಿಕಾರಿಗಳು ತೆರವು ಕಾರ್ಯಾಚರಣೆ ಮುಂದುವರಿಸಿದರು.

ಚರಂಡಿ ಮೇಲೆ ಅಕ್ರಮ ನಿರ್ಮಾಣದ ಪರಿಣಾಮ, ಹಲವೆಡೆ ತ್ಯಾಜ್ಯ ತುಂಬಿ ಕೊಳಚೆ ನೀರಿನ ಹರಿವು ಸ್ಥಗಿತಗೊಂಡಿತ್ತು. ಅಕ್ರಮ ತೆರವಿನ ಬಳಿಕ, ತ್ಯಾಜ್ಯವನ್ನು ತೆಗೆಯಲಾಯಿತು. ತಹಶೀಲ್ದಾರ್ ಜೆ.ಬಿ. ಮಜ್ಜಗಿ, ಲೋಕೋಪಯೋಗಿ ಇಲಾಖೆಯ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್ ಸುರೇಂದ್ರ ದೊಡ್ಮನಿ, ಎಚ್.ಎನ್. ದಾವಣಗೆರೆ ಇದ್ದರು.