ಪ್ಯಾರಿಸ್: ವಿಶ್ವದ ಅತ್ಯಂತ ಶ್ರೀಮಂತರ ಪಟ್ಟಿಯಲ್ಲಿ 14ನೇ ಸ್ಥಾನ ಗಿಟ್ಟಿಸಿಕೊಂಡಿದ್ದ ‘ಲಾರಿಯಲ್’ ಸೌಂದರ್ಯವರ್ಧಕಗಳ ಒಡತಿ ಲಿಲಿಯನ್ ಬೆಟೆನ್ಕೋರ್ಟ್ ಶನಿವಾರ ನಿಧನರಾಗಿದ್ದಾರೆ. ಅವರಿಗೆ 94 ವರ್ಷ ವಯಸ್ಸಾಗಿತ್ತು.
‘95ನೇ ಹುಟ್ಟುಹಬ್ಬದ ದಿನದಂದೇ ನಮ್ಮ ತಾಯಿ ಮೃತಪಟ್ಟಿದ್ದಾರೆ. ಅವರು ತಮ್ಮ ಕೊನೆ ದಿನಗಳನ್ನು ಶಾಂತವಾಗಿ ಕಳೆದಿದ್ದಾರೆ’ ಎಂದು ಅವರ ಮಗಳು ಹೇಳಿರುವುದಾಗಿ ಇಂಗ್ಲೆಂಡಿನ ‘ದಿ ಇಂಡಿಪೆಂಡೆಂಟ್’ ಪತ್ರಿಕೆ ವರದಿ ಮಾಡಿದೆ.
2016ನೇ ಫೋರ್ಬ್ಸ್ ಪಟ್ಟಿಯಲ್ಲಿ ಲಿಲಿಯನ್ ಬೆಟೆನ್ಕೋರ್ಟ್ ಅವರಿಗೆ ವಿಶ್ವದ ಅತ್ಯಂತ ಶ್ರೀಮಂತ ಮಹಿಳೆ ಎಂಬ ರ್ಯಾಂಕ್ ನೀಡಲಾಗಿತ್ತು. ಅವರ ಈ ವರ್ಷದ ಆದಾಯ ₹2.56ಲಕ್ಷ ಕೋಟಿ (39.5 ಬಿಲಿಯನ್ ಯುರೊ).