ಚಂಡೀಗಡ: ’ಡೇರಾ ಸಚ್ಚಾ ಸೌದಾ ಮುಖ್ಯಸ್ಥ ಗುರ್ಮೀತ್ ರಾಮ್ ರಹೀಂ ಸಿಂಗ್ ಬಿಗ್ ಬಾಸ್ ಮಾದರಿ ಕಾರ್ಯಕ್ರಮಗಳನ್ನು ತನ್ನ ರಹಸ್ಯ ಗುಹೆಗಳಲ್ಲಿ ದಂಪತಿಗಳಿಗೆ ಆಯೋಜಿಸುತ್ತಿದ್ದ’ ಎಂದು ಗುರ್ಮೀತ್ ದತ್ತು ಪುತ್ರಿ ಎನ್ನಲಾದ ಹನಿಪ್ರೀತ್ ಮಾಜಿ ಪತಿ ವಿಶ್ವಾಸ ಗುಪ್ತಾ ಬಹಿರಂಗಪಡಿಸಿದ್ದಾರೆ.
‘ಆರು ದಂಪತಿಗಳು 28 ದಿನಗಳ ಕಾಲ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಎಲ್ಲ ಸ್ಪರ್ಧೆಗಳಲ್ಲಿ ಪಾಲ್ಗೊಳ್ಳಬೇಕಾಗಿತ್ತು’ ಎಂದು ತಿಳಿಸಿದ್ದಾರೆ.
‘ಜೈಲಿನಲ್ಲಿದ್ದರೂ ಗುರ್ಮೀತ್ ಈಗಲೂ ಅತ್ಯಂತ ಪ್ರಭಾವಿ ವ್ಯಕ್ತಿ. ಹೀಗಾಗಿ ಆತನ ವಿರುದ್ಧ ಮಾತನಾಡಿದ್ದಕ್ಕೆ ನನ್ನನ್ನು ಕೊಲೆ ಮಾಡಬಹುದು. ನನ್ನ ಜೀವಕ್ಕೆ ಬೆದರಿಕೆ ಇದೆ’ ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ.