ಪಶು ಆರೋಗ್ಯ ಮೇಳ

ದೇಶದ ಅಭಿವೃದ್ಧಿ ನಮ್ಮ ಆದ್ಯತೆ; ಮತ ಗಳಿಕೆ ಅಲ್ಲ: ಪ್ರಧಾನಿ ಮೋದಿ

ಮತಗಳಿಸಿ ಕೊಡುವ ಕಾರ್ಯಗಳನ್ನಷ್ಟೇ ಅನೇಕ ರಾಜಕಾರಣಿಗಳು ಮಾಡುತ್ತಾರೆ. ಆದರೆ, ನಮ್ಮ ಸಂಸ್ಕೃತಿಯೇ ಬೇರೆ. ನಮಗೆ ದೇಶದ ಉನ್ನತಿಯೇ ಮೊದಲು.

ದೇಶದ ಅಭಿವೃದ್ಧಿ ನಮ್ಮ ಆದ್ಯತೆ; ಮತ ಗಳಿಕೆ ಅಲ್ಲ: ಪ್ರಧಾನಿ ಮೋದಿ

ಷಹನ್‌ಷಾಪುರ್: ದೇಶದ ಅಭಿವೃದ್ಧಿಗೆ ಮೊದಲ ಆದ್ಯತೆ ನೀಡುವ ಬಿಜೆಪಿಗೆ ರಾಜಕೀಯ ಕೇವಲ ಮತ ಪಡೆಯುವುದಕ್ಕಾಗಿ ಅಲ್ಲ ಎಂದು ಪ್ರಧಾನಿ ನರೇಂದ್ರ ಮೋದಿ ರಾಜಕೀಯ ವಿರೋಧಿಗಳ ವಿರುದ್ಧ ಗುಡುಗಿದ್ದಾರೆ.

ತಮ್ಮ ಲೋಕಸಭಾ ಕ್ಷೇತ್ರ ವಾರಾಣಸಿಯಲ್ಲಿ ಎರಡು ದಿನಗಳ ಪ್ರವಾಸದಲ್ಲಿರುವ ಅವರು ಶನಿವಾರ ಪಶು ಆರೋಗ್ಯ ಮೇಳ ಉದ್ಘಾಟಿಸಿ ಮಾತನಾಡಿದರು.

ಕೃಷಿ ಆಧಾರಿತ ಚಟುವಟಿಕೆಗಳಿಂದ ಆದಾಯ ಗಳಿಕೆ ದುಪ್ಪಟುಗೊಳಿಸುವುದು ಹಾಗೂ 2022ರ ವೇಳೆಗೆ ಮನೆ ಇರದ ಎಲ್ಲರಿಗೂ ವಸತಿ ಒದಗಿಸುವುದಾಗಿ ಹೇಳಿದರು.

‘ಮತಗಳಿಸಿ ಕೊಡುವ ಕಾರ್ಯಗಳನ್ನಷ್ಟೇ ಅನೇಕ ರಾಜಕಾರಣಿಗಳು ಮಾಡುತ್ತಾರೆ. ಆದರೆ, ನಮ್ಮ ಸಂಸ್ಕೃತಿಯೇ ಬೇರೆ. ನಮಗೆ ದೇಶದ ಉನ್ನತಿಯೇ ಮೊದಲು, ಕೇವಲ ಮತ ಗಳಿಕೆಗಾಗಿ ನಮ್ಮ ಕಾರ್ಯವಲ್ಲ’ ಎಂದರು.

1800 ಎಕರೆ ಪ್ರದೇಶದಲ್ಲಿ ಮೊದಲ ಬಾರಿಗೆ ಪಶು ಮೇಳ ಆಯೋಜನೆ ಕುರಿತು ಮಾತನಾಡಿದ ಅವರು, ‘ಈ ಪ್ರಾಣಿಗಳು ಮತ ಚಲಾವಣೆಗಾಗಿ ತೆರಳುವುದಿಲ್ಲ. ಇವು ಯಾರ ಮತಗಳೂ ಅಲ್ಲ. ಜಾನುವಾರುಗಳ ಆರೋಗ್ಯ ಸುಧಾರಣೆ ಕಾರ್ಯಕ್ರಮಗಳಿಂದ ಹಾಲು ಉತ್ಪಾದನೆ ಹೆಚ್ಚಿಸಬಹುದು’ ಎಂದು ಹೇಳಿದರು.

ರೈತರು ಹೈನುಗಾರಿಕೆ ಮತ್ತು ಪಶುಸಂಗೋಪನೆಯನ್ನು ಆದಾಯ ಗಳಿಕೆಗೆ ಪರ್ಯಾಯ ಮಾರ್ಗವಾಗಿ ಅಳವಡಿಸಿಕೊಳ್ಳಬೇಕು. ಇದರಿಂದ ರೈತರ ಆದಾಯದ ಜತೆಗೆ ದೇಶದ ಒಟ್ಟು ಆದಾಯದಲ್ಲಿ ಹೆಚ್ಚಳವಾಗುತ್ತದೆ ಎಂದರು.

ಶೌಚಾಲಯ ನಿರ್ಮಾಣ ಕಾರ್ಯಗಳಿಗೆ ಚಾಲನೆ ನೀಡಿದ್ದ ಅವರು, ಅವುಗಳಿಗೆ ಇಝತ್‌ಘರ್‌ ಎಂದು ಹೆಸರಿಸಿರುವುದನ್ನು ಪ್ರಶಂಸಿದರು. ಇಂಥ ಇಝತ್‌ಘರ್‌ಗಳು ಇದ್ದಲ್ಲಿ ನಮ್ಮ ತಾಯಿ ಹಾಗೂ ಸಹೋದರಿಯರಿಗೆ ಗೌರವ ಕೊಟ್ಟಂತೆ ಎಂದರು.

Comments
ಈ ವಿಭಾಗದಿಂದ ಇನ್ನಷ್ಟು
ಸೈನಿಕರ ಜತೆ ಮೋದಿ ದೀಪಾವಳಿ

ಶ್ರೀನಗರ
ಸೈನಿಕರ ಜತೆ ಮೋದಿ ದೀಪಾವಳಿ

20 Oct, 2017

ರಾಷ್ಟ್ರೀಯ
‘ಅಂತರ್‌ಧರ್ಮೀಯ ಮದುವೆಗಳೆಲ್ಲ ಲವ್‌ ಜಿಹಾದ್‌ ಅಲ್ಲ’

ಎಲ್ಲ ಅಂತರ್‌ ಧರ್ಮೀಯ ವಿವಾಹಗಳನ್ನು ‘ಲವ್‌ ಜಿಹಾದ್‌’ ಅಥವಾ ‘ಘರ್‌ ವಾಪ್ಸಿ’ ಎಂದು ಪರಿಗಣಿಸಬಾರದು ಎಂದು ಕೇರಳ ಹೈಕೋರ್ಟ್‌ ಗುರುವಾರ ಅಭಿಪ್ರಾಯಪಟ್ಟಿದೆ.‌

20 Oct, 2017
ಚೀನಾ ತಂತ್ರಕ್ಕೆ ಪ್ರತಿತಂತ್ರ

ನವದೆಹಲಿ
ಚೀನಾ ತಂತ್ರಕ್ಕೆ ಪ್ರತಿತಂತ್ರ

20 Oct, 2017
2020ರ ವೇಳೆಗೆ ಚೀನಾ ಗಡಿಗೆ ರಸ್ತೆ

ನವದೆಹಲಿ
2020ರ ವೇಳೆಗೆ ಚೀನಾ ಗಡಿಗೆ ರಸ್ತೆ

20 Oct, 2017
‘ರಾಮ ಮಂದಿರ ನಿರ್ಮಾಣದ ಮೊದಲ ಹೆಜ್ಜೆ’

ಲಖನೌ
‘ರಾಮ ಮಂದಿರ ನಿರ್ಮಾಣದ ಮೊದಲ ಹೆಜ್ಜೆ’

20 Oct, 2017