ರೊಹಿಂಗ್ಯಾ ನಿರಾಶ್ರಿತರಿಗೆ ಸಿಮ್ ಕಾರ್ಡ್ ಮಾರಾಟ ನಿಷೇಧ ಹೇರಿದ ಬಾಂಗ್ಲಾದೇಶ

ನಾಲ್ಕೂವರೆ ಲಕ್ಷದಷ್ಟು ರೊಹಿಂಗ್ಯಾ ನಿರಾಶ್ರಿತರಿಗೆ ಸಿಮ್ ಕಾರ್ಡ್ ಮಾರಾಟ ಮಾಡಲು ಯತ್ನಿಸಿದರೆ ದಂಡ ತೆರಬೇಕಾದೀತು ಎಂದು ಸಿಮ್ ಮಾರಾಟಗಾರರಿಗೆ ಸರ್ಕಾರ ಎಚ್ಚರಿಕೆ ನೀಡಿದೆ. ಈ ರೀತಿ ಸಿಮ್ ಕಾರ್ಡ್ ಮಾರಾಟಕ್ಕೆ ನಿಷೇಧ ಹೇರಿರುವುದರಿಂದ ರೊಹಿಂಗ್ಯಾಗಳಿಗೆ ಇನ್ನು ಮುಂದೆ ಬಾಂಗ್ಲಾದೇಶದಿಂದ ಸಿಮ್ ಸಿಗುವುದಿಲ್ಲ ಎಂದು ಟೆಲಿಕಾಂ ಸಚಿವಾಲಯದ ವಕ್ತಾರರು ತಿಳಿಸಿದ್ದಾರೆ.

ಮಾನವೀಯತೆಯ ದೃಷ್ಟಿಯಲ್ಲಿ ರೊಹಿಂಗ್ಯಾ ನಿರಾಶ್ರಿತರಿಗೆ ಬಾಂಗ್ಲಾದೇಶ ಆಶ್ರಯ ನೀಡಿತ್ತು. ಅದೇ ವೇಳೆ ದೇಶದ ಭದ್ರತೆಯ ವಿಷಯದಲ್ಲಿ ಯಾವುದೇ ಹೊಂದಾಣಿಕೆ ಮಾಡಿಕೊಳ್ಳಲು ಸರ್ಕಾರ  ತಯಾರಿಲ್ಲ ಎಂದು ಜೂನಿಯರ್ ಟೆಲಿಕಾಂ ಸಚಿವ ತರಾನಾ ಹಲೀಂ ಹೇಳಿದ್ದಾರೆ.ಹೊಸತಾಗಿ ಬಾಂಗ್ಲಾದೇಶಕ್ಕೆ ಬಂದಿರುವ ರೊಹಿಂಗ್ಯಾಗಳಿಗೆ ಬಯೋಮೆಟ್ರಿಕ್ ಕಾರ್ಡ್ ‍ಗಳನ್ನು ನೀಡಿದ ನಂತರವೇ ಈ ನಿಷೇಧ ಹಿಂಪಡೆಯಲಾಗುವುದು ಎಂದಿದ್ದಾರೆ ಹಲೀಂ.