ಒಕ್ಕಲಿಗರ ಟವೆಲ್‌. . .

ಇತ್ತೀಚೆಗೆ ಹಮ್ಮಿಕೊಂಡಿದ್ದ ಬಿಜೆಪಿ ಶಾಸಕರು, ಸಂಸದರ ಸಭೆಗೆ ಮುನ್ನ ಸಭಾಂಗಣದ ಹೊರಗೆ ಟವೆಲ್‌ ಹಾಕಿಕೊಂಡು ಅಶೋಕ್ ಕುಳಿತಿದ್ದರು. ಅದನ್ನು ಕಂಡ ಮಾಧ್ಯಮ ಪ್ರತಿನಿಧಿಗಳು, ‘ಏನ್ ಸಾರ್‌ ಮುಖ್ಯಮಂತ್ರಿ ಕುರ್ಚಿಗೆ ಹಾಸುವುದಕ್ಕೆ ಟವೆಲ್ಲಾ’ ಎಂದು ಪ್ರಶ್ನಿಸಿದರು.

‘ಹೋ. . ಈಗಿನ ಬಿಜೆಪಿಯಲ್ಲಿ ಅದೆಲ್ಲ ಎಲ್ಲಿ ಆಗ್ತೇತಿ. ಸಿಎಮ್ಮು, ಡಿಸಿಎಮ್ಮು ಎಲ್ಲ ನಮ್ಗೆಲ್ಲಿ ಕೊಡ್ತೀರಿ. ಮೋದಿಜೀ, ಅಮಿತ್‌ಜೀ ಹೇಳಿದವರು ಸಿಎಮ್ಮು ಆಗ್ತೀರಿ. ನಮ್ದೆಲ್ಲ ಎಲ್ಲಿ ಆಗ್ತೇತಿ’ ಎಂದು ನಗುತ್ತಲೇ ಹೇಳಿದ ಅಶೋಕ್‌, ‘ಇದು ನಮ್ಮ ಬ್ರಾಂಡ್‌. . . ಎಚ್ಎಂಟಿ (ಹೆಗಲ ಮೇಲೆ ಟವೆಲ್‌) ಅಂದರೆ ಗೊತ್ತೈತಲ್ಲಾ. ಕೆಂಪೇಗೌಡ್ರ ಬ್ರಾಂಡ್‌. . ಅಷ್ಟೆ’ ಎಂದು ಅಲ್ಲಿಂದ ಎದ್ದು ಹೊರಟೇ ಬಿಟ್ಟರು.