‘ಅಭಿಷೇಕ್ ತ್ರಿಪಾಠಿ, ಇಬ್ಬರು ತೆರಿಗೆ ನಿರ್ವಾಹಕರು ಹಾಗೂ ಇಬ್ಬರು ತೆರಿಗೆ ಸಂಗ್ರಹಕಾರರು ಐ.ಟಿ ಕಾಯ್ದೆ ಉಲ್ಲಂಘಿಸಿ ಭಾರಿ ಪ್ರಮಾಣದಲ್ಲಿ ತೆರಿಗೆ ವಂಚಿಸಲು ಗುತ್ತಿಗೆದಾರರಿಗೆ ನೆರವಾಗಿದ್ದಾರೆ. ಇದಕ್ಕಾಗಿ ನಕಲಿ ದಾಖಲೆ ಸೃಷ್ಟಿಸಿದ್ದಾರೆ. ಶೇ 1ರಷ್ಟು ತೆರಿಗೆ ಸಂಗ್ರಹಿಸುವ ಬದಲು ಶೇ 0.1ರಷ್ಟು ತೆರಿಗೆ ಸ್ವೀಕರಿಸಿದ್ದಾರೆ. ಈ ಅಕ್ರಮದಲ್ಲಿ ಭಾರಿ ಪ್ರಮಾಣದ ಅವ್ಯವಹಾರ ನಡೆದಿರುವ ಸಾಧ್ಯತೆ ಇದ್ದು, ಹಲವರು ಸೇರಿ ಸಂಚು ರೂಪಿಸಿರುವ ಅನುಮಾನ ಇದೆ’ ಎಂದು ಭುವನಾ ದೂರಿನಲ್ಲಿ ಆರೋಪಿಸಿದ್ದಾರೆ.
