ಅಮೆರಿಕದಲ್ಲಿ ಮಾಡೆಲ್ ಆಗಿ ಪ್ರವರ್ಧಮಾನಕ್ಕೆ ಬಂದ ನರ್ಗಿಸ್ ಫಕ್ರಿ (ಜನನ: ಅಕ್ಟೋಬರ್ 20, 1979) ಬಾಲಿವುಡ್ನಲ್ಲಿ ನಟಿಯಾಗಿ ನೆಲೆ ಕಂಡರು.
ನ್ಯೂಯಾರ್ಕ್ನಲ್ಲಿ ಹುಟ್ಟಿ ಬೆಳೆದ ನರ್ಗಿಸ್ನ ತಂದೆ ಪಾಕ್ ಮೂಲದವರು. 2004ರಲ್ಲಿ ಅಮೆರಿಕಾದ ಜನಪ್ರಿಯ ಮಾಡೆಲ್ ಆದ ನರ್ಗಿಸ್, 2009ರಲ್ಲಿ ಕಿಂಗ್ಫಿಶರ್ ಸ್ವಿಮ್ಸೂಟ್ ಕ್ಯಾಲೆಂಡರ್ನಲ್ಲಿ ಕಾಣಿಸಿಕೊಂಡು ಭಾರತಕ್ಕೆ ಪರಿಚಿತರಾದರು.
2011ರಲ್ಲಿ ‘ರಾಕ್ಸ್ಟಾರ್’ ಮೂಲಕ ಬಾಲಿವುಡ್ಗೆ ಪದಾರ್ಪಣೆ ಮಾಡಿ, ‘ಮದ್ರಾಸ್ ಕೆಫೆ’ (2013), ‘ಮೇ ತೇರಿ ಹೀರೊ’ (2014) ಸಿನಿಮಾಗಳಲ್ಲಿ ಉತ್ತಮ ಅಭಿನಯ ತೋರಿದರು. 2015ರಲ್ಲಿ ತೆರೆಕಂಡ ‘ಸ್ಪೈ’ ಸಿನಿಮಾ ಮೂಲಕ ಹಾಲಿವುಡ್ನಲ್ಲೂ ಖಾತೆ ತೆರೆದರು.