ಕಲಾವಿದರ ಕುಂಚದಲ್ಲಿ ಮೂಡಿದ ಕಲಾಕೃತಿಗಳು ಮನೆಯಲ್ಲಿದ್ದರೆ ಅದರ ಸೊಗಸೇ ಬೇರೆ. ರಾಮಾಯಣ, ಮಹಾಭಾರತ, ಪುರಾಣದ ದೃಶ್ಯಗಳನ್ನು ಇರಿಸಬಹುದು. ಇದರ ಜೊತೆಗೆ ಸಾಂಪ್ರದಾಯಿಕ ನೃತ್ಯ, ಕಲಾ ಪ್ರದರ್ಶನ, ಸಂಗೀತ ಮತ್ತು ಅನಾದಿಕಾಲದ ಅಕ್ಷರಗಳು, ದಂತಕತೆಗಳನ್ನು ಒಳಗೊಂಡ ಚಿತ್ರಗಳಿಂದಲೂ ಮನೆಯನ್ನು ಅಲಂಕರಿಸಬಹುದು. ಕೆಲವು ಸಾಂಪ್ರದಾಯಿಕ ಘಟನೆ ಅಥವಾ ಶ್ಲೋಕಗಳನ್ನು ಗೋಡೆಯ ಅಲಂಕಾರಕ್ಕೆ ಬಳಸಬಹುದು. ಅಕ್ಷರಗಳನ್ನು ಬಳಸಿದ ಕಲಾಕೃತಿಗಳು ಇಂದು ಟ್ರೆಂಡ್ ಸೃಷ್ಟಿಸಿವೆ. ಮನೆಯವರೇ ಬಿಡಿಸಿದ ಚಿತ್ರಗಳನ್ನು ಸುಂದರವಾಗಿ ಜೋಡಿಸಿ ಅವುಗಳಿಗೆ ಫ್ರೇಮ್ ಮಾಡಿಸಬಹುದು. ಫ್ರೇಮ್ಗಳ ಮೇಲೆ ಸಣ್ಣ ಕಲಾಕೃತಿಗಳನ್ನು ರಚಿಸಬಹುದು. ಆ್ಯಂಟಿಕ್ ಫ್ರೇಮ್ಗಳನ್ನು ಆಯ್ಕೆ ಮಾಡಲು ಆದ್ಯತೆ ನೀಡಿ. ಶಿಲ್ಪಕಲಾಕೃತಿಗಳನ್ನು ಮನೆಯಲ್ಲಿ ಇಡುವ ಮೂಲಕ ಒಳಾಂಗಣ ವಿನ್ಯಾಸವನ್ನು ಮತ್ತಷ್ಟು ಆಕರ್ಷಕವಾಗಿಸಹುದು.