ವಿಮಾನ ನಿಲ್ದಾಣಗಳ ರಕ್ಷಣೆಗೆ ಸಾಮಾಜಿಕ ಜಾಲತಾಣ

‘ನಮ್ಮ ರಕ್ಷಣೆಯಲ್ಲಿರುವ ಸ್ವತ್ತುಗಳ ಬಗ್ಗೆ ಫೇಸ್‌ಬುಕ್, ಟ್ವಿಟರ್ ಮತ್ತು ಇನ್‌ಸ್ಟಾಗ್ರಾಂಗಳಲ್ಲಿ ಟ್ರೆಂಡಿಂಗ್ ಆಗುತ್ತಿರುವ ಪೋಸ್ಟ್‌ಗಳನ್ನು ವಿಶ್ಲೇಷಿಸಲಾಗುತ್ತದೆ. ಪೋಸ್ಟ್‌ಗಳು ದ್ವೇಷಮಯವಾಗಿದ್ದರೆ, ಉದ್ರೇಕಿಸುವಂತಿದ್ದರೆ ಅವನ್ನು ಪ್ರಕಟಿಸಿದವರ ಮೇಲೆ ನಿಗಾ ಇರಿಸಲಾಗುತ್ತದೆ. ಇದು ಸಂಭಾವ್ಯ ದಾಳಿಯ ಬಗ್ಗೆ ಸೂಚನೆ ನೀಡುತ್ತದೆ’ ಎಂದು ಸಿಐಎಸ್‌ಎಫ್ ಹೇಳಿದೆ.

‘ಇದಕ್ಕಾಗಿ ದೆಹಲಿಯಲ್ಲಿ ಪ್ರತ್ಯೇಕ ಪ್ರಯೋಗಾಲಯವನ್ನು ಆರಂಭಿಸಲಾಗಿದೆ. ಅದರಲ್ಲಿ ಮನೋವಿಜ್ಞಾನಿಗಳು ಮತ್ತು ದತ್ತಾಂಶ ವಿಶ್ಲೇಷಕರು ಇದ್ದಾರೆ. ಜತೆಗೆ ಪೋಸ್ಟ್‌ಗಳ ವಿಶ್ಲೇಷಣೆಗೆ ತಂತ್ರಾಂಶವನ್ನು ಅಭಿವೃದ್ಧಿಪಡಿಸಲಾಗಿದೆ’ ಎಂದು ಸಿಐಎಸ್‌ಎಫ್ ಮಾಹಿತಿ ನೀಡಿದೆ.