ಟ್ರೇಲರ್‌ ಟ್ರೆಂಡಿಂಗ್‌ #1

‘ಕಾಲೇಜ್‌ಕುಮಾರ್‌’ ಬಿಡುಗಡೆಗೆ ಸಿದ್ಧ

ಕಾಲೇಜು ಸೇರಿದ ಮಗ ಲಾಸ್ಟ್‌ ಬೆಂಚ್‌ ಹುಡುಗರ ಲೀಡರ್! ಈ ‘ಕಾಲೇಜ್‌ಕುಮಾರ್’ ಮಾಡುವ ಅವಾಂತರಗಳ ಸುತ್ತ ಕಥೆ ಹೆಣೆದಿದ್ದಾರೆ ನಿರ್ದೇಶಕ ‘ಅಲೆಮಾರಿ’ ಸಂತು.

ಬೆಂಗಳೂರು: ಕಾಲೇಜ್‌ಕುಮಾರ್‌ ಚಿತ್ರದ ಟ್ರೇಲರ್‌ ಯುಟ್ಯೂಬ್‌ ಟ್ರೆಂಡಿಂಗ್‌ನಲ್ಲಿ ಮೊದಲ ಸ್ಥಾನದಲ್ಲಿದೆ. ಈಗಾಲೇ ಟ್ರೇಲರ್‌ 2.66 ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡಿದ್ದು, ಸಿನಿಮಾ ಬಿಡುಗಡೆಗೆ ಸಿದ್ಧಗೊಂಡಿದೆ.

ಮಗ ಹುಟ್ಟಿದಾಗಲೇ ಭವಿಷ್ಯದ ಕನಸಿಗೆ ರೆಕ್ಕೆಪುಕ್ಕ ಕಟ್ಟಿಕೊಂಡ ಅಪ್ಪ. ಪುತ್ರನ ಮೇಲೆ ಅಪ್ಪನಿಗೆ ಬೆಟ್ಟದಷ್ಟು ಪ್ರೀತಿ. ಮಗ ದೊಡ್ಡವನಾಗಿ ಉನ್ನತ ಹುದ್ದೆಗೇರುತ್ತಾನೆಂಬ ಆಸೆ. ಆದರೆ, ಕಾಲೇಜು ಸೇರಿದ ಮಗ ಲಾಸ್ಟ್‌ ಬೆಂಚ್‌ ಹುಡುಗರ ಲೀಡರ್! ಈ ‘ಕಾಲೇಜ್‌ಕುಮಾರ್’ ಮಾಡುವ ಅವಾಂತರಗಳ ಸುತ್ತ ಕಥೆ ಹೆಣೆದಿದ್ದಾರೆ ನಿರ್ದೇಶಕ ‘ಅಲೆಮಾರಿ’ ಸಂತು.

‘ಕಾಲೇಜ್‌ಕುಮಾರ್‌’ ಚಿತ್ರ ಬಿಡುಗಡೆ ಸಿದ್ಧವಾಗಿದೆ. ಎಂ.ಆರ್. ಪಿಕ್ಚರ್ಸ್‌ನಡಿ ಈ ಚಿತ್ರ ತೆರೆ ಕಾಣುತ್ತಿದೆ. ಬಿಡದಿ ಬಳಿ ಇರುವ ಜಯ ಕರ್ನಾಟಕ ಸಂಘಟನೆಯ ಸಂಸ್ಥಾಪಕ ಮುತ್ತಪ್ಪ ರೈ ನಿವಾಸದಲ್ಲಿ ಚಿತ್ರದ ಟ್ರೈಲರ್‌ ಮತ್ತು ಮೂರು ಹಾಡುಗಳನ್ನು ಬಿಡುಗಡೆ ಮಾಡಲಾಯಿತು.

‘ನಾನು ಮೂರು ಹೈಸ್ಕೂಲ್‌ ಮತ್ತು ಐದು ಕಾಲೇಜುಗಳಲ್ಲಿ ವಿದ್ಯಾಭ್ಯಾಸ ಮಾಡಿದೆ. ನನ್ನ ಸ್ನೇಹಿತರ ಪಡೆ ಹೆಚ್ಚಿತ್ತು. ಹಾಗಾಗಿ, ಕಾಲೇಜಿನಿಂದ ಕಾಲೇಜಿಗೆ ಹೋಗಬೇಕಾಯಿತು’ ಎಂದರು ಟ್ರೈಲರ್‌ ಬಿಡುಗಡೆಗೊಳಿಸಿದ ಮುತ್ತ‍‍ಪ್ಪ ರೈ.

‘ಕಾಲೇಜ್‌ಕುಮಾರ್‌’ ಚಿತ್ರವು ಉತ್ತಮ ಕಥಾವಸ್ತು ಹೊಂದಿದೆ. ಮಗನ ಮೇಲೆ ತಂದೆ–ತಾಯಿ ಸಾಕಷ್ಟು ನಿರೀಕ್ಷೆ ಇಟ್ಟುಕೊಂಡಿರುತ್ತಾರೆ. ಆದರೆ, ಆತ ಏನೆಲ್ಲಾ ಅವಾಂತರ ಮಾಡುತ್ತಾನೆ. ಕೊನೆಗೆ ಹೇಗೆ ಸರಿದಾರಿಗೆ ಬರುತ್ತಾನೆ ಎಂಬುದನ್ನು ನಿರ್ದೇಶಕರು ಕಟ್ಟಿಕೊಟ್ಟಿದ್ದಾರೆ. ಇದೊಂದು ಕೌಟುಂಬಿಕ ಚಿತ್ರ. ಸಿನಿಮಾವು ಪ್ರೇಕ್ಷಕರಿಗೆ ಇಷ್ಟವಾಗಲಿದೆ’ ಎಂದ ಅವರ ಮಾತಿನಲ್ಲಿ ವಿಶ್ವಾಸ ಇತ್ತು.

ಈ ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ನೀಡಿದ್ದಾರೆ. ಎಲ್‌. ಪದ್ಮನಾಭ ಬಂಡವಾಳ ಹೂಡಿರುವ ಈ ಚಿತ್ರವು ಮುಂದಿನ ತಿಂಗಳು ರಾಜ್ಯದಾದ್ಯಂತ ತೆರೆಕಾಣಲು ಸಿದ್ಧವಾಗಿದೆ. ನಟ ರವಿಶಂಕರ್‌, ಶ್ರುತಿ, ವಿಕ್ಕಿ, ಸಂಯುಕ್ತಾ ಹೆಗಡೆ ತಾರಾಬಳಗದಲ್ಲಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ಯಶಸ್ಸು ಕಂಡಿದ್ದಾರಂತೆ ವಿನಮ್ರ ರಾಜಕಾರಣಿ!

‘ಹಂಬಲ್ ಪೊಲಿಟಿಷಿಯನ್ ನೊಗ್‌ರಾಜ್‌’
ಯಶಸ್ಸು ಕಂಡಿದ್ದಾರಂತೆ ವಿನಮ್ರ ರಾಜಕಾರಣಿ!

16 Jan, 2018
ಪದ್ಮಾವತ್ ಚಿತ್ರ ಪ್ರದರ್ಶನಕ್ಕೆ ಹರಿಯಾಣದಲ್ಲಿ ನಿಷೇಧ

ಸಚಿವ ಅನಿಲ್ ವಿಜ್ ಟ್ವೀಟ್
ಪದ್ಮಾವತ್ ಚಿತ್ರ ಪ್ರದರ್ಶನಕ್ಕೆ ಹರಿಯಾಣದಲ್ಲಿ ನಿಷೇಧ

16 Jan, 2018
ಜನವರಿ 25ರಂದು ‘ಪದ್ಮಾವತ್’ ವಿಶ್ವದಾದ್ಯಂತ ಬಿಡುಗಡೆ

ವಯಾಕಾಮ್18 ಮೋಷನ್ ಪಿಕ್ಚರ್ಸ್ ಹೇಳಿಕೆ
ಜನವರಿ 25ರಂದು ‘ಪದ್ಮಾವತ್’ ವಿಶ್ವದಾದ್ಯಂತ ಬಿಡುಗಡೆ

14 Jan, 2018
‘ರೇಸ್‌ 3’ ಚಿತ್ರದ ಚಿತ್ರೀಕರಣದ ವೇಳೆ ಸಲ್ಮಾನ್‌ಗೆ ಬೆದರಿಕೆ

ಪೊಲೀಸ್‌ ಭದ್ರತೆ
‘ರೇಸ್‌ 3’ ಚಿತ್ರದ ಚಿತ್ರೀಕರಣದ ವೇಳೆ ಸಲ್ಮಾನ್‌ಗೆ ಬೆದರಿಕೆ

12 Jan, 2018
‘ಹರ ಹರ ಮಹಾದೇವ’ನ ಕೊನೆ ಸಂಚಿಕೆ

ಕಿರುತೆರೆ
‘ಹರ ಹರ ಮಹಾದೇವ’ನ ಕೊನೆ ಸಂಚಿಕೆ

12 Jan, 2018