‘ಜಿ–9 ತಳಿಯ ಬಾಳೆಯ 4,600 ಗಿಡಗಳನ್ನು ತಂದು ನಾಟಿ ಮಾಡಿದ್ದೇನೆ. ಬ್ಯಾರಲ್ನಲ್ಲಿ ಕ್ರಿಮಿನಾಶಕ ಔಷಧಿಯನ್ನು ಹಾಕಿ ಹನಿ ನೀರಿನ ಮೂಲಕ ಗಿಡಗಳಿಗೆ ಹಾಯಿಸಿರುವೆ. ಜೊತೆಗೆ ದನದ ಸೆಗಣಿಯನ್ನು ಹೆಚ್ಚಾಗಿ ಮೇಲುಗೊಬ್ಬರವಾಗಿ ನೀಡುತ್ತಾ ಬಂದೆ. ಈಗ ಬಾಳೆ ಗೊನೆ ಬಿಟ್ಟು ಮಾರಾಟಕ್ಕೆ ಸಿದ್ಧವಾಗಿದೆ. ಒಂದು ಗೊನೆಗೆ ₹200 ನಿಗದಿಪಡಿಸಿರುವೆ. ಸದ್ಯ ಎಕರೆಗೆ ₹20ರಿಂದ ₹25 ಸಾವಿರ ಖರ್ಚು ಮಾಡಿರುವೆ. ಎಕರೆಗೆ ₹1 ಲಕ್ಷ ಲಾಭ ಬರುವ ನಿರೀಕ್ಷೆ ಇದೆ’ ಎಂದು ಹೆಮ್ಮೆಯಿಂದ ನುಡಿಯುತ್ತಾರೆ ಅವರು.