ಮಂಗಳವಾರ, 7–11–1967

ಕೆಂಪುಚೌಕದಲ್ಲಿ ಮಿಲಿಟರಿ  ಪೆರೇಡ್ ನಡೆದ ನಂತರ ನಡೆಯುವ ಮಾರ್ಚ್‌ಪಾಸ್ಟ್‌ನಲ್ಲಿ ಅಸಂಖ್ಯಾತ ನಾಗರಿಕರು ಭಾಗವಹಿಸುವರು. ರಷ್ಯದ ರಕ್ಷಣಾ ಸಾಮರ್ಥ್ಯವನ್ನು ಪ್ರದರ್ಶಿಸುವ ಹೊಸ ಶಸ್ತ್ರಾಸ್ತ್ರಗಳನ್ನು ಮಿಲಿಟರಿ ಪೆರೇಡ್ ಕಾಲದಲ್ಲಿ ತೋರಿಸುವ ನಿರೀಕ್ಷೆ ಇದೆ.

ಕ್ರಾಂತಿಯ ಐವತ್ತನೇ ವಾರ್ಷಿಕೋತ್ಸವದಲ್ಲಿ ಸ್ಪಷ್ಟವಾಗಿರುವ ಅಂಶವೆಂದರೆ ವಿಶ್ವ ಕಮ್ಯುನಿಸ್ಟ್ ಚಳವಳಿಯಿಂದ ಚೀನವು ಬೇರ್ಪಟ್ಟಿರುವುದೇ ಆಗಿದೆ.

ಕ್ರಾಂತಿ ಪುರುಷನಿಗೆ ಕ್ರೆಮ್ಲಿನ್ ನಾಯಕರ ಗೌರವ
ಮಾಸ್ಕೊ, ನ. 6–ಕ್ರಾಂತಿ ಪುರುಷ ಲೆನಿನ್‌ಗೆ ಕ್ರೆಮ್ಲಿನ್‌ನ ಮೂವರು ಪ್ರಮುಖರು ಇಂದು ಗೌರವಾರ್ಪಣೆ ಮಾಡಿದರು. ಕೆಂಪು ಚೌಕದಲ್ಲಿ ಲೆನಿನ್ ಸಮಾಧಿಯ ಮೇಲೆ ಪುಷ್ಪಗುಚ್ಛವನ್ನು ಇರಿಸಿದ ಲಿಯೋನಿಡ್ ಬ್ರೆಜ್ನೇವ್, ಕೊಸಿಗಿನ್ ಮತ್ತು ಅಧ್ಯಕ್ಷ ಪೊಡ್ಗೋರ್ನಿ ಅವರು ಸಮಾಧಿಯ ಬಳಿ ಗೌರವ ಭಾವದಿಂದ ನಿಂತರು.

ಕ್ರೆಮ್ಲಿನ್ ನಾಯಕರ ನಂತರ, ಇತರ ಕಮ್ಯುನಿಸ್ಟ್ ರಾಷ್ಟ್ರಗಳ ನಾಯಕರು ಸಮಾಧಿಗೆ ಹೋಗಿ ಗೌರವಾರ್ಪಣೆ ಮಾಡಿದರು.