ಮಲಘಾಣದಲ್ಲಿ ಸಂಭ್ರಮದ ರಥೋತ್ಸವ

ಕಳೆದ 21 ದಿನಗಳಿಂದ ಸಾಗಿ ಬಂದ ಶರಣಬಸವೇಶ್ವರ ಪುರಾಣ ಮಂಗಲ ಹಾಗೂ ಧರ್ಮಸಭೆ ನಡೆಯಿತು. ಪುರಾಣಿಕರಾದ ಶಂಭುಲಿಂಗಯ್ಯ ಶಾಸ್ತ್ರಿ ಗೊಬ್ಬುರ, ಚನ್ನಮಲ್ಲಯ್ಯ ಗವಾಯಿ ಅಂಕಲಗಿ, ತಬಲಾ ಸಾಥ್ ನೀಡಿದ ವೀರೇಶ ಹಿರೇಮಠ ಜೇವರ್ಗಿ ಉಪಸ್ಥಿತರಿದ್ದರು.

ಸಾಯಂಕಾಲ 5ಕ್ಕೆ ಡೊಳ್ಳು, ಬಾಜಿ, ಹಲಗೆಮೇಳ, ಬ್ಯಾಂಜೊಗಳ ಝೇಂಕಾರದೊಂದಿಗೆ, ಪಟಾಕಿ ಬಾಣ ಬಿರುಸುಗಳ ಚಿತ್ತಾರದೊಂದಿಗೆ ಪುರವಂತರ ಸೇವೆಯೊಂದಿಗೆ ಮಹಾ ರಥೋತ್ಸವ ಅದ್ಧೂರಿಯಾಗಿ ನೆರವೇರಿತು. ರಾತ್ರಿ 10ಕ್ಕೆ ‘ವನಕಾಂಡ– ಯುದ್ದಕಾಂಡ’ ಎಂಬ ಪೌರಾಣಿಕ ಬಯಲಾಟ ಪ್ರದರ್ಶನ ನಡೆಯಿತು