ಒಳಾಂಗಣ ವಿನ್ಯಾಸದ ‘ಅಕಾಡೆಮಿ ಆಫ್ ಅಪ್ಲೈಡ್ ಆರ್ಟ್ಸ್ ಅಂಡ್ ಕ್ರಾಫ್ಟ್ಸ್’ನಲ್ಲಿ ರೂಬಿಕ್ ಉಪನ್ಯಾಸಕರಾಗಿ ಕೆಲಸ ಮಾಡುತ್ತಿದ್ದರು. ಮೂರು ಆಯಾಮದ ವಿನ್ಯಾಸವನ್ನು ತಮ್ಮ ವಿದ್ಯಾರ್ಥಿಗಳು ಪರಿಣಾಮಕಾರಿಯಾಗಿ ಕಲಿಯಲೆಂದು ಘನವನ್ನು ಸಿದ್ಧಪಡಿಸಿದರು. ಮೊದಲು ಅವರ ವಿದ್ಯಾರ್ಥಿಗಳಲ್ಲಿ ಇದು ಜನಪ್ರಿಯವಾಯಿತು. ಆಮೇಲೆ ಹೊರಗಿನ ಜನರಿಗೂ ಇದರ ಮಜಾ ಅರ್ಥವಾಗತೊಡಗಿತು. ಆಟಿಕೆಯ ರೂಪದಲ್ಲಿ ಅದು ಮಾರುಕಟ್ಟೆಗೆ ಲಗ್ಗೆ ಇಟ್ಟಿದ್ದು 1977ರಲ್ಲಿ. ಹಂಗೇರಿಯು ಆ ಕಾಲಘಟ್ಟದಲ್ಲಿ ಕಮ್ಯುನಿಸ್ಟ್ ರಾಷ್ಟ್ರವಾಗಿತ್ತು. ಹೀಗಾಗಿ ಪಶ್ಚಿಮ ರಾಷ್ಟ್ರಗಳಿಗೆ ಮೂರು ವರ್ಷ ಈ ಘನ ತಲುಪಲಿಲ್ಲ.