ಚಿಕ್ಕೋಡಿ: ಪಟ್ಟಣದ ಅಂಕಲಿಖೂಟ್ನಲ್ಲಿ ಮೀನು ಮಾರಾಟ ಮಾಡುವ ಜಾಗದ ಸಲುವಾಗಿ ರಸ್ತೆಯಲ್ಲೇ ಕೈಯಲ್ಲಿಮಚ್ಚು ಹಿಡಿದುಕೊಂಡು ಮಹಿಳೆಯರು ಶನಿವಾರ ಹೊಡೆದಾಡಿಕೊಂಡಿದ್ದಾರೆ.
ಎಂದಿನಂತೆ ಮೀನು ಮಾರಲು ಬಂದ ಅವರು, ಜಾಗಕ್ಕಾಗಿ ವಾಗ್ವಾದ ನಡೆಸಿದ್ದಾರೆ. ಬಳಿಕ ಮಚ್ಚು ಹಿಡಿದು ಕಿತ್ತಾಡಿದ್ದಾರೆ. ಈ ವಿಡಿಯೊವನ್ನು ಸ್ಥಳೀಯರೊಬ್ಬರು ಮೊಬೈಲ್ನಲ್ಲಿ ಸೆರೆ ಹಿಡಿದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿ ಬಿಟ್ಟಿದ್ದು, ಇದೀಗ ವೈರಲ್ ಆಗಿದೆ.
ಹೊಡೆದಾಡಿ ಕೊಂಡ ಮಹಿಳೆರು ಅಂಕಲಿ ಗ್ರಾಮ ಮಹಿಳೆಯರು ಎನ್ನಲಾಗಿದ್ದು, ಈ ಕುರಿತು ಚಿಕ್ಕೋಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ‘ಇದು ನವೆಂಬರ್ 4ರಂದು ಈ ಘಟನೆ. ಈ ಕುರಿತು ಮಾಧ್ಯಮಗಳಲ್ಲಿ ಈ ಕುರಿತು ಸುದ್ದಿ ಬಿತ್ತರಗೊಂಡಿದ್ದನ್ನು ಆಧರಿಸಿ ಸ್ವಯಂ ಪ್ರೇರಿತವಾಗಿ ದೂರು ದಾಖಲಿಸಿಕೊಳ್ಳಲಾಗಿದೆ.
ಈ ಸಂಬಂಧ ಕೃಷ್ಣಾಬಾಯಿ ಕಿಳ್ಳೇಕ್ಯಾತರ ಹಾಗೂ ಮಲ್ಲವ್ವ ಕಿಳ್ಳೇಕ್ಯಾತರ ಅವರನ್ನು ಬಂಧಿಸಿ, ನಾಯಾಲಯಕ್ಕೆ ಹಾಜರು ಪಡಿಸಲಾಗಿದೆ’ ಎಂದು ಪಿಎಸ್ಐ ಸಂಗಮೇಶ ಹೊಸಮನಿ ತಿಳಿಸಿದ್ದಾರೆ.