ಲ್ಯಾಪ್‌ಟಾಪ್‌ ಚೀಲದಲ್ಲಿ ಹೊಗೆ: ಇಂಡಿಗೊ ವಿಮಾನದಲ್ಲಿ ಆತಂಕ

ಈ ಬಗ್ಗೆ ವಿಮಾನಯಾನ ಸಂಸ್ಥೆ ಸೋಮವಾರ ಹೇಳಿಕೆ ಬಿಡುಗಡೆ ಮಾಡಿದೆ. ‘ವಿಮಾನ ಹಾರಾಟ ನಡೆಸುತ್ತಿದ್ದಾಗ ಹೊಗೆಯ ವಾಸನೆ ಬರುತ್ತಿರುವ ಬಗ್ಗೆ ಕೆಲವು ಪ್ರಯಾಣಿಕರು ಸಿಬ್ಬಂದಿಗೆ ಮಾಹಿತಿ ನೀಡಿದರು. ತಕ್ಷಣ ಕೂಲಂಕಷವಾಗಿ ತಪಾಸಣೆ ನಡೆಸಲಾಯಿತು.‌ ಲ್ಯಾಪ್‌ಟ್ಯಾಪ್‌ ಇದ್ದ ಕಪ್ಪು ಚೀಲವೊಂದರಿಂದ ಸಣ್ಣ ಬೆಂಕಿ ಕಿಡಿಗಳು ಹೊರಬರುತ್ತಿದ್ದುದು ಕಂಡು ಬಂತು’ ಎಂದು ಇಂಡಿಗೊ ತಿಳಿಸಿದೆ.

‘ಸಿಬ್ಬಂದಿ ತಕ್ಷಣವೇ ಚೀಲದ ಮೇಲೆ ಅಗ್ನಿ ಶಾಮಕ ರಾಸಾಯನಿಕವನ್ನು ಚಿಮುಕಿಸಿದರು’ ಎಂದು ಹೇಳಿದೆ.