ಮೆಲ್ಬರ್ನ್: ಸಲಿಂಗ ವಿವಾಹವನ್ನು ಕಾನೂನುಬದ್ಧಗೊಳಿಸಲು ಆಸ್ಟ್ರೇಲಿಯನ್ನರು ಬಹುಮತದಿಂದ ಒಪ್ಪಿಗೆ ಸೂಚಿಸಿದ್ದಾರೆ.
ದೇಶಾದ್ಯಂತ ಸಲಿಂಗ ವಿವಾಹದ ಬಗ್ಗೆ ನಡೆಸಲಾದ ಎರಡು ತಿಂಗಳ ಸಮೀಕ್ಷೆಯಲ್ಲಿ ಆಚ್ಚರಿಯ ಫಲಿತಾಂಶ ಬಂದಿದೆ. ಶೇಕಡ 61.6 ಮಂದಿ ಸಲಿಂಗ ವಿವಾಹಕ್ಕೆ ಒಲವು ತೋರಿದ್ದಾರೆ. ಶೇಕಡ 38.4 ಮಂದಿ ಮಾತ್ರ ವಿರೋಧ ವ್ಯಕ್ತಪಡಿಸಿ ಮತ ಹಾಕಿದ್ದಾರೆ ಎಂದು ಆಸ್ಟ್ರೇಲಿಯಾದ ಅಂಕಿ–ಅಂಶ ವಿಭಾಗ ತಿಳಿಸಿದೆ.
ಸಮೀಕ್ಷೆಯಲ್ಲಿ 1.27 ಕೋಟಿ ಜನರು ಭಾಗವಹಿಸಿದ್ದರು. 78 ಲಕ್ಷ ಮಂದಿ ಸಲಿಂಗ ವಿವಾಹದ ಪರ ಮತ್ತು 49 ಲಕ್ಷ ಮಂದಿ ವಿರುದ್ಧ ಮತ ಚಲಾಯಿಸಿದ್ದಾರೆ.