50 ವರ್ಷಗಳ ಹಿಂದೆ

ಶನಿವಾರ 18–11–1967

ಕಲ್ಕತ್ತ, ನ. 17– ಪಶ್ಚಿಮ ಬಂಗಾಳ ಸಚಿವ ಮಂಡಲಿಯು ಇಂದು ಎರಡೂವರೆ ಗಂಟೆ ಕಾಲ ಸಮಾವೇಶ ನಡೆಸಿದ ಬಳಿಕ ರಾಜ್ಯ ವಿಧಾನ ಸಭೆಯನ್ನು, ತನ್ನ ಮುಂಚಿನ ನಿರ್ಧಾರದಂತೆ ಡಿಸೆಂಬರ್ 18 ರಂದೇ ಕರೆಯಬೇಕೆಂದು ಪುನಃ ನಿರ್ಧರಿಸಿತು.

ಡಿ. 18ಕ್ಕೇ ಬಂಗಾಳ ವಿಧಾನಸಭೆ ಅಧಿವೇಶನ

ಕಲ್ಕತ್ತ, ನ. 17– ಪಶ್ಚಿಮ ಬಂಗಾಳ ಸಚಿವ ಮಂಡಲಿಯು ಇಂದು ಎರಡೂವರೆ ಗಂಟೆ ಕಾಲ ಸಮಾವೇಶ ನಡೆಸಿದ ಬಳಿಕ ರಾಜ್ಯ ವಿಧಾನ ಸಭೆಯನ್ನು, ತನ್ನ ಮುಂಚಿನ ನಿರ್ಧಾರದಂತೆ ಡಿಸೆಂಬರ್ 18 ರಂದೇ ಕರೆಯಬೇಕೆಂದು ಪುನಃ ನಿರ್ಧರಿಸಿತು.

ಇಂದು ರಾತ್ರಿ ಇಲ್ಲಿಗೆ ಆಗಮಿಸಲಿರುವ ಬಂಗಾಳ ರಾಜ್ಯಪಾಲ ಶ್ರೀ ಧರ್ಮವೀರ ಅವರಿಗೆ ರಾಜ್ಯ ಸಚಿವ ಮಂಡಲ ತನ್ನ ನಿರ್ಧಾರವನ್ನು ಔಪಚಾರಿಕವಾಗಿ ತಿಳಿಸಲಿದೆ.

ರಾಜ್ಯಪಾಲರ ಕ್ರಮಕ್ಕೆ ಸಕಾಲ ಎಂದು ಸೆನ್

ಕಲ್ಕತ್ತ, ನ. 17– ರಾಜ್ಯಪಾಲರು ಈಗ ತಮ್ಮ ವಿವೇಚನೆಗೆ ಬಿಡಲಾದ ಅಧಿಕಾರವನ್ನು ಚಲಾಯಿಸಿ ಕ್ರಮ ಕೈಗೊಳ್ಳುವರೆಂಬ ನಂಬಿಕೆಯನ್ನು ಮಾಜಿ ಮುಖ್ಯಮಂತ್ರಿ ಶ್ರೀ ಪಿ.ಸಿ. ಸೆನ್ ಅವರು ವ್ಯಕ್ತಪಡಿಸಿದ್ದಾರೆ.

ಬಂಗಾಳ ಸಂಪುಟದ ನಿರ್ಧಾರವನ್ನು ‘ದುರದೃಷ್ಟಕರ’ ಎಂದು ವಿಧಾನ ಸಭೆಯಲ್ಲಿ ವಿರೋಧ ಪಕ್ಷದ ನಾಯಕರಾದ ಕೆ.ಎನ್. ದಾಸಗುಪ್ತ
ರವರು ದುಃಖಿಸಿದ್ದಾರೆ.

ಪತ್ರವನ್ನು ನೇರವಾಗಿ ರಾಷ್ಟ್ರಪತಿಗೆ ಕಳುಹಿಸಿ ಸಂಯುಕ್ತ ರಂಗ ಸರ್ಕಾರವು ‘ಅಗೌರವ’ ತೋರಿದೆ ಎಂದು ಬಂಗಾಳ ವಿಧಾನಸಭೆಯ ಕಾಂಗ್ರೆಸ್ ಪಕ್ಷದ ಪ್ರಧಾನ ಕಾರ್ಯದರ್ಶಿ ಡಾ. ಪ್ರತಾಪ್ ಚಂದ್ರ ಅವರು ಟೀಕಿಸಿದ್ದಾರೆ.

ಸಂವಿಧಾನ ಸಂಬಂಧ ವಿವಾದ ಸುಪ್ರೀಂ ಕೋರ್ಟ್ ಪರಿಶೀಲನೆಗೆ

ಕಲ್ಕತ್ತ, ನ. 17– ರಾಜ್ಯದ ಈಗಿನ ರಾಜಕೀಯ ಪರಿಸ್ಥಿತಿಯಿಂದ ತಲೆದೋರಿರುವ ಸಂವಿಧಾನಕ್ಕೆ ಸಂಬಂಧಿಸಿದ ವಿವಾದವನ್ನು ಸುಪ್ರೀಂ ಕೋರ್ಟಿಗೆ ಒಪ್ಪಿಸಿ, ಅದರ ಅಭಿಪ್ರಾಯವನ್ನು ಪಡೆಯಬೇಕೆಂದು ರಾಷ್ಟ್ರಪತಿಗೆ ತುರ್ತು ಪತ್ರ ಬರೆದು ಮನವಿ ಮಾಡಿಕೊಳ್ಳಬೇಕೆಂದು ಪಶ್ಚಿಮ ಬಂಗಾಳ ಸರ್ಕಾರವು ನಿರ್ಧರಿಸಿದೆ.

ಇಂದು ರಾತ್ರಿ ಮೂರು ಗಂಟೆ ಕಾಲ ನಡೆದ ಸಂಪುಟದ ಸಭೆಯಲ್ಲಿ ಸರ್ವಾನುಮತದಿಂದ ಈ ನಿರ್ಧಾರವನ್ನು ಕೈಗೊಳ್ಳಲಾಗಿದೆ.

ಪಶ್ಚಿಮ ಬಂಗಾಳ ಸರ್ಕಾರದ ವಿಶೇಷ ದೂತನೊಬ್ಬನು ರಾಷ್ಟ್ರಪತಿ ಡಾ. ಜಾಕಿರ್ ಹುಸೇನರಿಗೆ ಅಜಯ್ ಮುಖರ್ಜಿ ಅವರು ಬರೆದ ಪತ್ರವನ್ನು ನಾಳೆ ಬೆಳಿಗ್ಗೆ ದೆಹಲಿಗೆ ಕೊಂಡೊಯ್ಯುವನು.

ಪಶ್ಚಿಮ ಬಂಗಾಳ ಸರ್ಕಾರ ವಜಾ ಆದರೆ ಪೂರ್ಣ ಮುಷ್ಕರ: ಸಚಿವರ ಕರೆ

ಬರ್ದ್ವಾನ್, ನ. 17– ಪಶ್ಚಿಮ ಬಂಗಾಳದ ಸಂಯುಕ್ತ ಸರ್ಕಾರವನ್ನು ರಾಜ್ಯಪಾಲರು ವಜಾ ಮಾಡಿದರೆ, ರಾಜ್ಯದ ಜನರು ಒಗ್ಗಟ್ಟಾಗಿ ರೈಲ್ವೆಗಳು ಮತ್ತಿತರ ವಾಹನ ಸಂಚಾರಗಳ ಚಟುವಟಿಕೆ ಸ್ತಬ್ಧಗೊಳ್ಳುವಂತೆ ಮಾಡಬೇಕೆಂದು ರಾಜ್ಯದ ಕಂದಾಯ ಸಚಿವ ಶ್ರೀ ಹರೇ ಕೃಷ್ಣ ಕೊನಾಠ್ (ಎಡ ಕಮ್ಯುನಿಸ್ಟ್) ಕರೆಯಿತ್ತರು.

ಭಾಷಾ ಮಸೂದೆ ವಿರೋಧಿಸಲು ಕರೆ

ಪಟ್ಣ, ನ. 17– ಪ್ರಸ್ತುತ ಚಳಿಗಾಲದ ಸಂಸತ್ ಅಧಿವೇಶನದಲ್ಲಿ ಕೇಂದ್ರ ಸರ್ಕಾರವು ಭಾಷಾ ತಿದ್ದುಪಡಿ ಮಸೂದೆ (1967) ಮಂಡಿಸುವುದನ್ನು ಪ್ರತಿಭಟಿಸಲು ಜನರು ದೆಹಲಿಗೆ ಜಾಥಾ ಹೋಗಬೇಕೆಂದು ಸಂಸತ್ ಸದಸ್ಯ ಶ್ರೀ ರಾಜ್‌ನಾರಾಯಣ್ (ಎಸ್.ಎಸ್.ಪಿ.) ಅವರು ನಿನ್ನೆ ಇಲ್ಲಿ ಕರೆ ನೀಡಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ಸಣ್ಣ ಕಾರ್
ಶುಕ್ರವಾರ, 26–4–1968

ಸರಕಾರಿ ಉದ್ಯಮರಂಗದಲ್ಲಿ ‘ಬೃಹತ್ ಪ್ರಮಾಣದಲ್ಲಿ’ ಸಣ್ಣ ಕಾರ್ ಉತ್ಪಾದನೆ ಕಾರ್ಯಕ್ರಮ ಕೈಗೊಳ್ಳುವ ಸರಕಾರದ ನಿರ್ಧಾರವನ್ನು ಕೈಗಾರಿಕಾಭಿವೃದ್ಧಿ ಸಚಿವ ಶ್ರೀ ಫಕ್ರುದ್ದೀನ್ ಆಲಿ ಅಹಮದ್ ಅವರು...

26 Apr, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಗುರುವಾರ, 25–4–1968

ರಾಷ್ಟ್ರ ಮತ್ತು ಪ್ರಜಾಸತ್ತೆಯ ಹಿತದೃಷ್ಟಿಯಿಂದ ಅಗತ್ಯವಾದರೆ ಸಮ್ಮಿಶ್ರ ಸರ್ಕಾರಗಳನ್ನು ರಚಿಸಲು ಕಾಂಗ್ರೆಸ್ ಹಿಂತೆಗೆಯುವುದಿಲ್ಲವೆಂದು ಕಾಂಗ್ರೆಸ್ ಅಧ್ಯಕ್ಷ ಶ್ರೀ ಎಸ್. ನಿಜಲಿಂಗಪ್ಪನವರು ಇಂದು ಇಲ್ಲಿ ಹೇಳಿದರು. ...

25 Apr, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಬುಧವಾರ, 24–4–1968

‘ಕೋಮುವಾರು ವಿಷಯವನ್ನು ನಿವಾರಿಸಿ, ಮಂಗಳೂರಿನ ಒಳ್ಳೆಯ ಹೆಸರನ್ನು ಉಳಿಸಿಕೊಳ್ಳಿ’ ಎಂದು ಗೃಹಸಚಿವ ಶ್ರೀ ಆರ್.ಎಂ. ಪಾಟೀಲರು ಇಂದು ಇಲ್ಲಿ ಶಾಂತಿ ಸಮಿತಿ ಸಭೆಯಲ್ಲಿ ಮಾತನಾಡುತ್ತಾ...

23 Apr, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಮಂಗಳವಾರ, 23–4–1968

ಆರ‍್ಥಿಕ ಕಾರ್ಯಕ್ರಮಗಳನ್ನು ಜಾರಿಗೆ ತಾರದಿರುವ ಬಗ್ಗೆ ಕಾಂಗ್ರೆಸ್‌ ಪಕ್ಷದ ನಾಯಕತ್ವವನ್ನು ಕಾಂಗ್ರೆಸಿಗರೇ ಟೀಕಿಸುವುದು ಪಕ್ಷದ ಹಿತದೃಷ್ಟಿಯಿಂದ ಸರಿಯಲ್ಲ.

22 Apr, 2018
ಸೋಮವಾರ, 22–4–1968

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಸೋಮವಾರ, 22–4–1968

22 Apr, 2018