‌ನ. 30ರಿಂದ ಇನ್ಫೊಸಿಸ್‌ ಷೇರು ಮರುಖರೀದಿ

ಪ್ರತಿ ಷೇರಿಗೆ ₹ 1,150ರ ದರದಲ್ಲಿ 11.30 ಕೋಟಿ ಷೇರುಗಳನ್ನು ಮರು ಖರೀದಿಸಲಾಗುತ್ತಿದೆ. ಷೇರು ಮರು ಖರೀದಿಯು ಸಂಸ್ಥೆಯ ಕೆಲ ಸಹ ಸ್ಥಾಪಕರ ಬಹುದಿನಗಳ  ಬೇಡಿಕೆಯಾಗಿತ್ತು. ಸಂಸ್ಥೆಯಲ್ಲಿನ ಹೆಚ್ಚುವರಿ ನಗದನ್ನು ಷೇರುದಾರರಿಗೆ ಮರಳಿಸಬೇಕು ಎಂದು ಅವರು ಒತ್ತಾಯಿಸುತ್ತಿದ್ದರು.

ದೇಶದ ಅತಿದೊಡ್ಡ ಸಾಫ್ಟ್‌ವೇರ್‌ ಸಂಸ್ಥೆಯಾಗಿರುವ ಟಾಟಾ ಕನ್ಸಲ್ಟನ್ಸಿ ಸರ್ವಿಸಸ್‌ (ಟಿಸಿಎಸ್‌), ₹ 16 ಸಾವಿರ ಕೋಟಿ ಮೊತ್ತದ ಷೇರು ಮರು ಖರೀದಿ ಪ್ರಕ್ರಿಯೆಯನ್ನು ಈಗಾಗಲೇ ಪೂರ್ಣಗೊಳಿಸಿದೆ. ಇತರ ಐ.ಟಿ ಸಂಸ್ಥೆಗಳಾದ ವಿಪ್ರೊ,  ಕಾಗ್ನಿಜಂಟ್‌ ಮತ್ತು ಮೈಂಡ್‌ಟ್ರೀ ಇದೇ ಬಗೆಯ ಷೇರು ಮರುಖರೀದಿ ಕೊಡುಗೆ ಪ್ರಕಟಿಸಿವೆ.