ನ್ಯೂಯಾರ್ಕ್‌: ಅಮೆರಿಕದ ಟೆನಿಸ್ ಆಟಗಾರ್ತಿ ವೀನಸ್ ವಿಲಿಯಮ್ಸ್ ಮನೆ ಯಲ್ಲಿ ದರೋಡೆಯಾಗಿರುವ ಸಂಗತಿ ಪತ್ತೆಯಾಗಿದೆ.
ಸೆಪ್ಟೆಂಬರ್‌ 1ರಿಂದ ನಡೆದಿದ್ದ ಅಮೆರಿಕ ಓಪನ್ ಟೂರ್ನಿಯ ವೇಳೆ ವೀನಸ್ ಮನೆಯಲ್ಲಿ ದರೋಡೆ ಮಾಡ ಲಾಗಿತ್ತು. ಈ ವೇಳೆ ₹ 2 ಕೋಟಿಯಷ್ಟು ಬೆಲೆಬಾಳುವ ವಸ್ತುಗಳನ್ನು ದೋಚ ಲಾಗಿದೆ ಎಂದು ಬೀಚ್‌ ಗಾರ್ಡನ್ಸ್‌ ಪೊಲೀಸ್‌ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ. ಈ ಬಗ್ಗೆ ನ್ಯೂಯಾರ್ಕ್‌ ಟೈಮ್ಸ್ ವರದಿ ಮಾಡಿದೆ.
ವೀನಸ್ ಅವರ ಮನೆಗೆ ದರೋಡೆಕೋರರು ಹೇಗೆ ನುಗ್ಗಿದರು ಮತ್ತು ಅವರು ದೋಚಿರುವ ವಸ್ತುಗಳ ಬಗ್ಗೆ ಸರಿಯಾದ ಮಾಹಿತಿ ಲಭ್ಯವಾಗಿಲ್ಲ.
