ಮೂಡಿಗೆರೆ

ಭತ್ತದ ತೆನೆ ತಿನ್ನುವ ಸೈನಿಕ ಹುಳು ಬಾಧೆ

ಈ ಬಗ್ಗೆ ರೈತರ ಭತ್ತದ ಗದ್ದೆಯಲ್ಲಿ ಪರಿಶೀಲನೆಗೆ ಬಂದ ಸಹಾಯಕ ಕೃಷಿ ನಿರ್ದೇಶಕ ಪರಮೇಶ್ವರಪ್ಪ ಮಾಹಿತಿ ನೀಡಿ ‘ಸೈನಿಕ ಹುಳು ಬಾಧೆ ಎಲ್ಲ ಬೆಳೆಗಳಿಗೂ ಕಂಡು ಬರುತ್ತದೆ.

ಮೂಡಿಗೆರೆ ತಾಲ್ಲೂಕಿನ ಕೆಸವಳಲು ಗ್ರಾಮದಲ್ಲಿ ಸೋಮವಾರ ಸಹಾಯಕ ಕೃಷಿ ನಿರ್ದೇಶಕಿ ಕುಮುದಾ ಭೇಟಿ ನೀಡಿ ಸೈನಿಕ ಹುಳು ಬಾಧೆಯ ಭತ್ತದ ಗದ್ದೆಗಳನ್ನು ಪರಿಶೀಲಿಸಿದರು.

ಮೂಡಿಗೆರೆ: ತಾಲ್ಲೂಕಿನ ಗೋಣಿಬೀಡು, ಬಣಕಲ್‌, ಕಸಬಾ ಹೋಬಳಿಗಳಲ್ಲಿ ಭತ್ತದ ಬೆಳೆಗೆ ಸೈನಿಕ ಹುಳುಬಾಧೆ ಹೆಚ್ಚಳಗೊಂಡಿದ್ದು, ರೈತರು ಪರಿತಪಿಸುವಂತಾಗಿದೆ. ಹಸಿರು ಬಣ್ಣದಿಂದ ಕೂಡಿರುವ ಸೈನಿಕ ಹುಳು ಸುಮಾರು ಒಂದುವರೆ ಇಂಚು ಉದ್ದವಿದ್ದು, ಮೈಮೇಲೆ ಅಡ್ಡಗೆರೆಗಳನ್ನು ಹೊಂದಿರುತ್ತದೆ. ತಂಪಾದ ವಾತಾವರಣದಲ್ಲಿ ಇದರ ಹಾವಳಿ ಹೆಚ್ಚಳವಾಗಿದ್ದು, ಒಂದು ಕೀಟವು 800 ರಿಂದ 1000 ಮೊಟ್ಟೆಗಳನ್ನಿಡುವುದು ಇದರ ಸಂತಾನೋತ್ಪತ್ತಿಯ ವಿಶೇಷವಾಗಿದೆ.

ಒಂದು ಭತ್ತದ ಗದ್ದೆಯಲ್ಲಿ ಸೈನಿಕ ಹುಳು ಕಾಣಿಸಿಕೊಂಡರೆ, ಕೆಲವೇ ದಿನಗಳಲ್ಲಿ ಸಂತಾನೋತ್ಪತ್ತಿ ಹೆಚ್ಚಳವಾಗಿ, ಇಡೀ ಪ್ರದೇಶವನ್ನೇ ನಾಶ ಪಡಿಸುತ್ತಿದೆ. ಈಗಾಗಲೇ ಗೋಣಿಬೀಡು ಹೋಬಳಿಯ ದಾರದಹಳ್ಳಿ, ಕೆಸವಳಲು ಪ್ರದೇಶದಲ್ಲಿ ಸೈನಿಕ ಹುಳುವಿನ ಬಾಧೆ ಹೆಚ್ಚಳವಾಗಿದ್ದು, ರೈತರು ಕಂಗಾಲಾಗಿದ್ದಾರೆ.

ಭತ್ತದ ಎಲೆಗಳಲ್ಲಿ ಅಥವಾ ಬುಡದಲ್ಲಿ ಜೀವಿಸುವ ಈ ಸೈನಿಕ ಹುಳುವು, ರಾತ್ರಿ ಸಮಯದಲ್ಲಿ ಅಥವಾ ತಂಪಾದ ವಾತಾವರಣದಲ್ಲಿ ಭತ್ತದ ಗರಿಗಳು ಹಾಗೂ ತೆನೆಗಳನ್ನು ತಿಂದು ನಾಶಗೊಳಿಸುತ್ತದೆ. ಈಗಾಗಲೇ ಭತ್ತದ ಗದ್ದೆಗಳಲ್ಲಿ ತೆನೆ ಬಲಿಯ ತೊಡಗಿದ್ದು, ಈ ವೇಳೆ ಗರಿಗಳನ್ನು ನಾಶಗೊಳಿಸಿದರೆ ಭತ್ತಕ್ಕೆ ಹಾನಿಯಾಗುತ್ತದೆ. ಅಲ್ಲದೇ ತೆನೆಯನ್ನು ತಿನ್ನುವುದರಿಂದ ಇಳುವರಿ ಕೂಡ ನಶಿಸುತ್ತದೆ ಎಂಬುದು ರೈತರ ಅಳಲು.

ತಾಲ್ಲೂಕಿನಲ್ಲಿ ಸೈನಿಕ ಹುಳುವಿನ ಬಾಧೆ ಪ್ರದೇಶಕ್ಕೆ ಈಗಾಗಲೇ ಕೃಷಿ ಇಲಾಖೆಯ ಸಹಾಯಕ ನಿರ್ದೇಶಕಿ ಕುಮುದಾ ನೇತೃತ್ವದಲ್ಲಿ ತಜ್ಞರ ತಂಡವು ಎಲ್ಲಾ ಹೋಬಳಿಗಳ ಭತ್ತದ ಗದ್ದೆಗಳಿಗೆ ಭೇಟಿ ನೀಡುತ್ತಿದ್ದು, ಸೈನಿಕ ಹುಳು ಹಾವಳಿ ಪ್ರದೇಶದಲ್ಲಿ ಈ ಕೀಟದ ನಿಯಂತ್ರಣಕ್ಕೆ ಔಷಧಿಯನ್ನು ತಯಾರಿಸಿ ಸಿಂಪಡಿಸುವ ಕಾರ್ಯನಡೆಸಲಾಗುತ್ತಿದೆ.

‘ವೈಜ್ಞಾನಿಕವಾಗಿ ‘ಮೈಥಿಮ್ನ ಸಪರೇಟ’ ಎಂದು ಕರೆಯುವ ಸೈನಿಕ ಹುಳುವಿನ ಬಾಧೆಯನ್ನು ನಿಯಂತ್ರಿಸಲು ಸಾಧ್ಯವಿದ್ದು, ಭತ್ತ ಬೆಳೆದಿರುವ ರೈತರು ಮುಂಜಾಗ್ರತಾ ಕ್ರಮ ವಹಿಸಿದರೆ ಸುಲಭವಾಗಿ ಈ ಕೀಟವನ್ನು ನಿಯಂತ್ರಿಸಬಹುದು.

ಭತ್ತದ ತೌಡು, ಬೆಲ್ಲ, ಮೋನೋಕ್ರೋಟೊಪಾಸ್‌ ಹಾಗೂ ಡಿಡಿವಿಪಿಯನ್ನು ನಿಗದಿತ ಪ್ರಮಾಣದಲ್ಲಿ ನೀರಿನಲ್ಲಿ ಮಿಶ್ರಣ ಮಾಡಿ, ಒಂದು ರಾತ್ರಿ ಮಿಶ್ರಣವು ಕರಗಲು ಬಿಟ್ಟು, ಮರುದಿನದಂದು ಬೆಳೆಗಳಿಗೆ ಎರಚುವ ಮೂಲಕ ಈ ಸೈನಿಕ ಹುಳುವನ್ನು ಸುಲಭವಾಗಿ ನಿಯಂತ್ರಿಸಬಹುದಾಗಿದೆ. ಸೈನಿಕ ಹುಳು ಬಾಧೆ ಅನುಭವಿಸುತ್ತಿರುವ ರೈತರು, ಕೃಷಿ ಇಲಾಖೆ ಅಥವಾ ಹತ್ತಿರದ ರೈತ ಸಂಪರ್ಕ ಕೇಂದ್ರವನ್ನು ಸಂಪರ್ಕಿಸಿದರೆ, ಔಷಧಿ ತಯಾರಿ ವಿಧಾನ ಹಾಗೂ ಕೀಟ ನಿಯಂತ್ರಣ ವಿಧಾನಗಳ ಕುರಿತು ಮಾಹಿತಿ ನೀಡಲಾಗುವುದು’ ಎಂದು ಕೃಷಿ ಸಹಾಯಕ ನಿರ್ದೇಶಕಿ ಕುಮುದಾ ತಿಳಿಸಿದರು.

ಒಂದು ಪ್ರದೇಶದ ರೈತರು ಒಗ್ಗೂಡಿ ಏಕಕಾಲದಲ್ಲಿ ಕಾರ್ಯಾಚರಣೆ ನಡೆಸುವುದರಿಂದ ಸೈನಿಕ ಹುಳು ಬಾಧೆಯನ್ನು ನಿಯಂತ್ರಿಸಬಹುದಾಗಿದ್ದು, ಕೀಟ ಹಾವಳಿ ನಡೆಸಿ ಹಾನಿ ಸಂಭವಿಸಿದ ನಂತರ ಕ್ರಮ ಕೈಗೊಳ್ಳುವ ಬದಲು, ಕೀಟ ಹಾವಳಿ ನಡೆಸದಂತೆ ಮುನ್ನೆಚ್ಚರಿಕೆ ಕ್ರಮ ಅಗತ್ಯ ಎನ್ನುತ್ತಾರೆ ಕೃಷಿ ತಜ್ಞರು.

* * 

ಮುನ್ನೆಚ್ಚರಿಕೆ ಕ್ರಮದಿಂದ ಸೈನಿಕ ಹುಳು ಬಾಧೆಯನ್ನು ಯಶಸ್ವಿಯಾಗಿ ನಿಯಂತ್ರಿಸಬಹುದು’
ಕುಮುದಾ
ಸಹಾಯಕ ಕೃಷಿ ನಿರ್ದೇಶಕಿ

Comments
ಈ ವಿಭಾಗದಿಂದ ಇನ್ನಷ್ಟು

ನರಸಿಂಹರಾಜಪುರ
ಕೇಂದ್ರ ಸರ್ಕಾರದಿಂದ ದ್ವೇಷದ ರಾಜಕಾರಣ

‘ಕೇಂದ್ರದ ಬಿಜೆಪಿ ಸರ್ಕಾರವು ಆದಾಯ ತೆರಿಗೆ ಇಲಾಖೆ (ಐ.ಟಿ) ಬಳಸಿಕೊಂಡು ಕಾಂಗ್ರೆಸ್ ಮುಖಂಡರ ಮೇಲೆ ದ್ವೇಷದ ರಾಜಕಾರಣ ಮಾಡುತ್ತಿದೆ’ ಎಂದು ಶೃಂಗೇರಿ ಕ್ಷೇತ್ರದ ಕಾಂಗ್ರೆಸ್...

26 Apr, 2018
ಪ್ರಜಾತಂತ್ರ ಧರ್ಮ, ಸಂವಿಧಾನ ಧರ್ಮಗ್ರಂಥ

ಚಿಕ್ಕಮಗಳೂರು
ಪ್ರಜಾತಂತ್ರ ಧರ್ಮ, ಸಂವಿಧಾನ ಧರ್ಮಗ್ರಂಥ

26 Apr, 2018
ರಾಜಕೀಯ ಕಾರಣಕ್ಕೆ ಟೀಕಿಸುವುದು ಸರಿಯಲ್ಲ

ಚಿಕ್ಕಮಗಳೂರು
ರಾಜಕೀಯ ಕಾರಣಕ್ಕೆ ಟೀಕಿಸುವುದು ಸರಿಯಲ್ಲ

25 Apr, 2018

ಕಡೂರು
‘ಜನರ ಪ್ರೀತಿ ಆತ್ಮವಿಶ್ವಾಸ ಹೆಚ್ಚಿಸಿದೆ’

ಶಾಸಕ ವೈ.ಎಸ್.ವಿ. ದತ್ತ ಅವರು ಮಂಗಳವಾರ ಜೆಡಿಎಸ್ ಅಭ್ಯರ್ಥಿಯಾಗಿ ಮತ್ತೊಮ್ಮೆ ನಾಮಪತ್ರ ಸಲ್ಲಿಸಿದರು. ಕಳೆದ 19ರಂದು ದತ್ತ ಅವರು ಸಾಂಕೇತಿಕವಾಗಿ ನಾಮಪತ್ರ ಸಲ್ಲಿಸಿದ್ದರು.

25 Apr, 2018

ಚಿಕ್ಕಮಗಳೂರು
ಬರ ಪರಿಸ್ಥಿತಿ ನಿಭಾಯಿಸಲು ಶಾಸಕ ವಿಫಲ: ಬಿ.ಎಲ್.ಶಂಕರ್

ಕ್ಷೇತ್ರದಲ್ಲಿನ ಬರ ಪರಿಸ್ಥಿತಿ ನಿಭಾಯಿಸಲು ಇಲ್ಲಿನ ಶಾಸಕರು ವಿಫಲರಾಗಿದ್ದಾರೆ ಎಂದು ಚಿಕ್ಕಮಗಳೂರು ವಿಧಾನಸಭಾಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಬಿ.ಎಲ್.ಶಂಕರ್ ದೂಷಿಸಿದರು.

25 Apr, 2018