ನರಗುಂದ

ಕಡಲೆ ಹುಳಿ ತೊಳೆದ ಮಳೆ

‘ಭಾನುವಾರ ಸುರಿದ ಅಕಾಲಿಕ ಮಳೆಯಿಂದ ಕಡಲೆ ಕಾಳಿನ ಮೇಲಿದ್ದ ಹುಳಿ ತೊಳೆದುಕೊಂಡು ಹೋಗಿದೆ, ಇದರಿಂದ ಕಾಯಿ ಆಗಲು ತೊಂದರೆಯಾಗಿದೆ. ಈಗ ಚಳಿಯೂ ಕಡಿಮೆಯಾಗಿದೆ.

ನರಗುಂದದಲ್ಲಿ ಭಾನುವಾರ ಸುರಿದ ಮಳೆಗೆ ಕಡಳೆ ಬೆಳೆಯ ಹುಳಿ ತೊಳೆದುಕೊಂಡು ಹೋದ ದೃಶ್ಯ

ನರಗುಂದ: ಪಟ್ಟಣ ಸೇರಿದಂತೆ ತಾಲ್ಲೂಕಿನ ಕೆಲವಡೆ ಭಾನುವಾರ ಸುಮಾರು ಎರಡು ಗಂಟೆಗಳ ಮಳೆಯಾಗಿದ್ದು, ಕಾಳು ಕಟ್ಟುವ ಹಂತದಲ್ಲಿದ್ದ ಕಡಲೆ ಬೆಳೆಯ ಹುಳಿ ತೊಳೆದುಕೊಂಡು ಹೋಗಿದ್ದು, ರೈತರು ಆತಂಕಗೊಂಡಿದ್ದಾರೆ.

ಈ ಬಾರಿ ಮುಂಗಾರಿನಲ್ಲಿ ಹೆಸರು ಬೆಳೆ ಕೈಕೊಟ್ಟಿದ್ದರಿಂದ ಹಿಂಗಾರಿನಲ್ಲಿ ಹೆಚ್ಚಿನ ರೈತರು ಕಡಲೆ ಬಿತ್ತನೆ ಮಾಡಿದ್ದರು. ಉತ್ತಮ ಮಳೆಯಾಗಿದ್ದ ಹಿನ್ನೆಲೆಯಲ್ಲಿ ಕಡಲೆ ಸಮೃದ್ಧವಾಗಿ ಬೆಳೆದು ಕಾಳು ಕಟ್ಟಲು ಪ್ರಾರಂಭಿಸಿದ್ದವು.

‘ಭಾನುವಾರ ಸುರಿದ ಅಕಾಲಿಕ ಮಳೆಯಿಂದ ಕಡಲೆ ಕಾಳಿನ ಮೇಲಿದ್ದ ಹುಳಿ ತೊಳೆದುಕೊಂಡು ಹೋಗಿದೆ, ಇದರಿಂದ ಕಾಯಿ ಆಗಲು ತೊಂದರೆಯಾಗಿದೆ. ಈಗ ಚಳಿಯೂ ಕಡಿಮೆಯಾಗಿದೆ. ಕೀಟಗಳ ಬಾಧೆ ಹೆಚ್ಚಿದೆ. ಪದೇ ಪದೇ ಮೋಡ ಕವಿತ ವಾತಾವರಣ ಮುಂದುವರಿದಿರುವುದು ಕಡಲೆಗೆ ಕುತ್ತು ಬಂದಿದೆ’ ಎಂದು ಪಟ್ಟಣದ ರೈತ ವೀರಣ್ಣ ಆತಂಕ ವ್ಯಕ್ತಪಡಿಸಿದರು.

‘ಉತ್ತಮ ಬೆಳೆಯ ನಿರೀಕ್ಷೆಯಲ್ಲಿರುವ ನಾವು, ಅತ್ಯುತ್ತಮ ಬೆಲೆ ಎದುರು ನೋಡುತ್ತಿದ್ದೇವೆ. ಈಗ ಒಮ್ಮಿಂದೊಮ್ಮೆಲೆ ಬಂದ ಮಳೆಯಿಂದಾಗಿ, ನಮ್ಮ ಲೆಕ್ಕಾಚಾರ ತಲೆ ಕೆಳಗಾಗಿದೆ. ಕೈಗೆ ಬಂದ ತುತ್ತು ಬಾಯಿಗೆ ಬರುತ್ತದೋ ಇಲ್ಲವೊ ಎಂಬ ಚಿಂತೆ ಎದುರಾಗಿದೆ’ ಎಂದು ರೈತ ಈರಣ್ಣ ಹೇಳಿದರು.

ತಾಲ್ಲೂಕಿನಲ್ಲಿ ಹಿಂಗಾರಿನಲ್ಲಿ ರೈತರು ಜೋಳ, ಕಡಲೆ, ಗೋಧಿ, ಸೂರ್ಯಕಾಂತಿ ಬಿತ್ತನೆ ಮಾಡಿದ್ದು, ಕೆಲವು ಬೆಳೆಗಳು ಹೂವು ಬಿಡುವ, ಕಾಳು ಕಟ್ಟುವ ಹಂತದಲ್ಲಿವೆ. ಬೆಳೆ ಈ ಹಂತದಲ್ಲಿರುವವರಿಗೆ ಮಳೆ ಬೇಸರ ತರಿಸಿದೆ. ಆದರೆ, ಕೆಲವರು ತಡವಾಗಿ ಬಿತ್ತನೆ ಮಾಡಿದ್ದು, ಬೆಳೆಗಳು ಮೇಲೇರುವ ಹಂತದಲ್ಲಿವೆ. ಅಂತಹ ಬೆಳೆಗಳಿಗೆ ನೀರು ಅವಶ್ಯವಾಗಿತ್ತು. ಈಗ ಬಿದ್ದ ಅಕಾಲಿಕ ಮಳೆಯು ರೈತರಿಗೆ ಸಂತಸ ತಂದಿದೆ.

 

Comments
ಈ ವಿಭಾಗದಿಂದ ಇನ್ನಷ್ಟು
ಗೋವಾ ಮೊಂಡುವಾದ ನಿಲ್ಲಿಸಲಿ

ನರಗುಂದ
ಗೋವಾ ಮೊಂಡುವಾದ ನಿಲ್ಲಿಸಲಿ

17 Jan, 2018

ನರೇಗಲ್
ವಿದ್ಯಾರ್ಥಿಗಳ ಶ್ರಮದಾನ; ಶೌಚಾಲಯ ನಿರ್ಮಾಣ

ಗ್ರಾಮದಲ್ಲಿ ನಡೆಯುತ್ತಿರುವ ಆರು ದಿನಗಳ ಶಿಬಿರವನ್ನು ಸಂಪೂರ್ಣ ಶೌಚಾಲಯ ನಿರ್ಮಾಣ ಮಾಡುವುದಕ್ಕಾಗಿಯೇ ಮೀಸಲಿಟ್ಟಿದ್ದಾರೆ. ಗ್ರಾಮ ಪಂಚಾಯ್ತಿ ಶೌಚಾಲಯ ನಿರ್ಮಾಣಕ್ಕೆ ಬೇಕಾಗುವ ವೆಚ್ಚವನ್ನು ಭರಿಸಿ ಸಹಕರಿಸುತ್ತಿದೆ. ...

17 Jan, 2018

ಮುಂಡರಗಿ
ಯುವಕರು ಜನಪದ ಕಲೆ ಮೈಗೂಡಿಸಿಕೊಳ್ಳಲಿ

ನೃತ್ಯ, ದೊಡ್ಡಾಟ, ಡೊಳ್ಳುಕುಣಿತ, ಹಾಡುಗಾರಿಕೆ ಮೊದಲಾದ ಜನಪದ ಕಲೆಗಳು ಮನರಂಜನೆ ನೀಡುವ ಜತೆ ಕಲಾವಿದರ ದೇಹಾರೋಗ್ಯವನ್ನು ಕಾಪಾಡುತ್ತವೆ.

17 Jan, 2018
ಬಿಂಕದಕಟ್ಟಿಯಲ್ಲಿ ಪ್ರವಾಸಿಗರಿಗೆ ಹುಲಿ ದರ್ಶನ ಭಾಗ್ಯ

ಗದಗ
ಬಿಂಕದಕಟ್ಟಿಯಲ್ಲಿ ಪ್ರವಾಸಿಗರಿಗೆ ಹುಲಿ ದರ್ಶನ ಭಾಗ್ಯ

16 Jan, 2018

ನರಗುಂದ
‘ಸರ್ವಪಕ್ಷ ಸಭೆ ಬಳಿಕ ಮುಂದಿನ ನಿರ್ಧಾರ’

‘ಮಹದಾಯಿ ಕುರಿತು ಈ ಭಾಗದ ರೈತರು ಎಚ್ಚೆತ್ತುಕೊಂಡಿದ್ದಾರೆ. ರಾಜ್ಯ ಹಾಗೂ ಕೇಂದ್ರ ಸರ್ಕಾರ ರೈತರ ಬವಣೆ, ಭಾವನೆ ಅರ್ಥಮಾಡಿಕೊಳ್ಳಬೇಕು. ಮಹದಾಯಿ ಯೋಜನೆ ಅನುಷ್ಠಾನವಾಗಬೇಕು.

16 Jan, 2018