ಶಿಗ್ಗಾವಿ

ಸ್ಮಶಾನಕ್ಕಾಗಿ ಗ್ರಾಮಸ್ಥರ ನಡುವೆ ಹಗ್ಗ ಜಗ್ಗಾಟ

ಕಳೆದ ಐದು ವರ್ಷಗಳ ಹಿಂದೆ ಕುಂದೂರ ಗ್ರಾಮ ಪಂಚಾಯ್ತಿ ಸಭೆಯಲ್ಲಿ ಗುಡ್ಡದಚನ್ನಾಪುರ, ಜಾಲಿಕಟ್ಟಿ, ಕುಂದೂರು ಗ್ರಾಮಗಳಿಗೆ ಸೇರಿ ಸುಮಾರು 4 ಎಕರೆ 20 ಗುಂಟೆ ಭೂಮಿಯನ್ನು ಸ್ಮಶಾನಕ್ಕಾಗಿ ಮೀಸಲಿಡಲಾಗಿದೆ.

ಶಿಗ್ಗಾವಿ: ತಾಲ್ಲೂಕಿನ ಕುಂದೂರ, ಗುಡ್ಡದಚನ್ನಾಪುರ ನಡುವಿನ ಸ್ಮಶಾನ ಜಾಗೆ ಸರ್ವೆ ಮಾಡಿ, ಚೆಕ್‌ಬಂದಿ (ಹದ್ದು ಗುರುತಿಸುವುದು) ಹಾಕಬೇಕು ಎಂದು ಆಗ್ರಹಿಸಿ ಶವಸಂಸ್ಕಾರ ತಡೆದು ಸೋಮವಾರ ಗುಡ್ಡದಚನ್ನಾಪುರ ಗ್ರಾಮಸ್ಥರು ಪ್ರತಿಭಟನೆ ನಡೆಸಿದರು.

ಕುಂದೂರ ಗ್ರಾಮದಲ್ಲಿ ಪರಶುರಾಮ ಮಲ್ಲೇಶಪ್ಪ ವಾಲ್ಮೀಕಿ(10) ಎಂಬ ಬಾಲಕ ಸೋಮವಾರ ಅನಾರೋಗ್ಯದಿಂದ ಮೃತನಾಗಿದ್ದ. ಆತನ ಶವ ಸಂಸ್ಕಾರವನ್ನು ಕುಂದೂರ ಮತ್ತು ಗುಡ್ಡದಚನ್ನಾಪುರ ಗ್ರಾಮದ ನಡುವಿನ ಸ್ಮಶಾನದಲ್ಲಿ ಶವಸಂಸ್ಕಾರ ಮಾಡಲು ಸಿದ್ಧತೆ ನಡೆಸಲಾಗಿತ್ತು. ಆದರೆ ಗುಡ್ಡದಚನ್ನಾಪುರ ಗ್ರಾಮಸ್ಥರು ಶವಸಂಸ್ಕಾರ ತಡೆದು ಈ ಖಾಲಿ ಜಾಗೆಯಲ್ಲಿ ಕುಂದೂರ, ಜಾಲಿಕಟ್ಟಿ ಹಾಗೂ ಗುಡ್ಡಚನ್ನಾಪುರ ಗ್ರಾಮಕ್ಕೆ ಸೇರಿದ ಸ್ಮಶಾನ ಜಾಗೆ ಎಂಬುದನ್ನು ಈ ವರೆಗೆ ಚೆಕ್‌ಬಂದಿ ಮಾಡಿಲ್ಲ. ಹೀಗಾಗಿ ಈ ಜಾಗೆಯಲ್ಲಿ ಶವಸಂಸ್ಕಾರ ಮಾಡಲು ಅವಕಾಶ ನೀಡಲು ಸಾಧ್ಯವಿಲ್ಲ ಎಂದು ಗುಡ್ಡದಚನ್ನಾಪುರ ಗ್ರಾಮಸ್ಥರು ಆಕ್ಷೇಪ ವ್ಯಕ್ತಪಡಿಸಿದರು.

ಹಿನ್ನೆಲೆ: ಕಳೆದ ಐದು ವರ್ಷಗಳ ಹಿಂದೆ ಕುಂದೂರ ಗ್ರಾಮ ಪಂಚಾಯ್ತಿ ಸಭೆಯಲ್ಲಿ ಗುಡ್ಡದಚನ್ನಾಪುರ, ಜಾಲಿಕಟ್ಟಿ, ಕುಂದೂರು ಗ್ರಾಮಗಳಿಗೆ ಸೇರಿ ಸುಮಾರು 4 ಎಕರೆ 20 ಗುಂಟೆ ಭೂಮಿಯನ್ನು ಸ್ಮಶಾನಕ್ಕಾಗಿ ಮೀಸಲಿಡಲಾಗಿದೆ. ಆದರೆ ಈ ವರೆಗೆ ಕಂದಾಯ ಇಲಾಖೆ ಅಧಿಕಾಗಳು ಚೆಕ್‌ಬಂದಿ ಹಾಕಿಲ್ಲ. ಅದರಿಂದಾಗಿ ಯಾವ ಗ್ರಾಮಕ್ಕೆ ಯಾವ ಜಾಗೆ ಎಂಬುವುದು ತಿಳಿಯದ ಕಾರಣ ಈ ಸಮಸ್ಯೆ ಸುಮಾರು ವರ್ಷಗಳಿಂದ ನಡೆಯುತ್ತಿದೆ.

‘ಜಮೀನು ಇದ್ದವರು ತಮ್ಮ ಸ್ವಂತ ಜಮೀನಿನಲ್ಲಿ ಶವಸಂಸ್ಕಾರ ಮಾಡುತ್ತಾರೆ. ಆದರೆ ಜಮೀನು ಇಲ್ಲದವರು ಇಲ್ಲಿ ಶವಸಂಸ್ಕಾರ ಮಾಡುವ ಸಂದರ್ಭದಲ್ಲಿ ಈ ಸಮಸ್ಯೆ ಬರುತ್ತಿದೆ. ಕಂದಾಯ ಇಲಾಖೆ ಅಧಿಕಾರಿಗಳು ತಕ್ಷಣ ಚೆಕ್‌ಬಂದಿ ಮಾಡುವ ಮೂಲಕ ಸಮಸ್ಯೆಗೆ ಪರಿಹಾರ ನೀಡಬೇಕು’ ಎಂಬುದು ಕುಂದೂರ ಗ್ರಾಮಸ್ಥರ ಆಗ್ರಹವಾಗಿದೆ.

ಪ್ರತಿಭಟನಾ ಸ್ಥಳಕ್ಕೆ ಭೇಟಿ ನೀಡಿದ ತಹಶೀಲ್ದಾರ್‌ ಶಿವಾನಂದ ರಾಣೆ, ಬಂಕಾಪುರ ನಾಡಕಚೇರಿ ಕಂದಾಯ ನಿರೀಕ್ಷಕ ಎಸ್‌.ಬಿ.ನಾಯಕ, ಗ್ರಾಮ ಲೆಕ್ಕಾಧಿಕಾರಿ ಮಂಜುನಾಥ ಮುಳಗುಂದ ಪರಿಶೀಲನೆ ನಡೆಸಿ ಸ್ಮಶಾನ ಜಾಗೆ ಸಮಸ್ಯೆಯನ್ನು ತಕ್ಷಣ ಪರಿಹರಿಸಲಾಗುವುದು ಎಂದರು. ನಂತರ ಶವಸಂಸ್ಕಾರ ನೆರವೇರಿಸ ಲಾಯಿತು. ಕುಂದೂರ, ಗುಡ್ಡದಚನ್ನಾಪುರ ಗ್ರಾಮಸ್ಥರು ಇದ್ದರು.

* * 

ಗ್ರಾಮಸ್ಥರ ಸಭೆ ನಡೆಸಿ 10 ದಿನಗಳಲ್ಲಿ ಸರ್ವೆ ಕಾರ್ಯ ಮಾಡಿ ಚಕ್‌ಬಂದಿ ಹಾಕುವ ಮೂಲಕ ಎರಡು ಗ್ರಾಮಗಳ ಸ್ಮಶಾನ ಜಾಗೆ ಸಮಸ್ಯೆ ಪರಿಹಾರ ನೀಡಲಾಗುವುದು ಶಿವಾನಂದ ರಾಣೆ
ತಹಶೀಲ್ದಾರ್‌, ಶಿಗ್ಗಾವಿ

Comments
ಈ ವಿಭಾಗದಿಂದ ಇನ್ನಷ್ಟು

ಹಾನಗಲ್
ಹಾನಗಲ್‌ ಕಾಂಗ್ರೆಸ್‌ನ ಭದ್ರ ಕೋಟೆ: ಮಾನೆ

‘ಹಾನಗಲ್‌ ವಿಧಾನಸಭಾ ಕ್ಷೇತ್ರದಲ್ಲಿ ಗೆಲ್ಲುವ ಪಕ್ಷ ರಾಜ್ಯದ ಚುಕ್ಕಾಣಿ ಹಿಡಿಯುತ್ತದೆ, ಹಾನಗಲ್‌ ಕಾಂಗ್ರೆಸ್‌ನ ಭದ್ರ ನೆಲೆ’ ಎಂದು ಕಾಂಗ್ರೆಸ್‌ ಅಭ್ಯರ್ಥಿ ಶ್ರೀನಿವಾಸ ಮಾನೆ ಹೇಳಿದರು. ...

23 Apr, 2018
ಹಂದಿಗಳ ಹಾವಳಿ: ರೋಸಿಹೋದ ಜನ

ಕುಮಾರಪಟ್ಟಣ
ಹಂದಿಗಳ ಹಾವಳಿ: ರೋಸಿಹೋದ ಜನ

23 Apr, 2018
ಒಣಗಿದ ಬೃಹತ್ ಬೇವಿನ ಮರ: ಆತಂಕದಲ್ಲಿ ವಾಹನ ಸವಾರರು

ಕುಮಾರಪಟ್ಟಣ
ಒಣಗಿದ ಬೃಹತ್ ಬೇವಿನ ಮರ: ಆತಂಕದಲ್ಲಿ ವಾಹನ ಸವಾರರು

23 Apr, 2018

ಸವಣೂರ
ಪುರಸಭೆಯಿಂದ ಮತದಾನ ಜಾಗೃತಿ ಜಾಥಾ

ಭಾರತದ ಪ್ರತಿಯೊಬ್ಬ ಪ್ರಜೆಗೆ ಮತದಾನ ಜನ್ಮಸಿದ್ಧಹಕ್ಕು. ಅದನ್ನು ಯಾವುದೇ ಆಸೆ ಆಮಿಷಗಳಿಗೆ ಒಳಗಾಗದೆ, ಹಕ್ಕನ್ನು ಮಾರಿಕೊಳ್ಳದೆ ಯೋಗ್ಯ ಅಭ್ಯರ್ಥಿಗೆ ಮತ ನೀಡಬೇಕು ಎಂದು ಜಿಲ್ಲಾ...

21 Apr, 2018

ಶಿಗ್ಗಾವಿ
ಸ್ಪರ್ಧೆ ಯಾರ ವಿರುದ್ಧವಲ್ಲ; ಜನಸೇವೆಗಾಗಿ

‘ನಾನು ಚುನಾವಣೆ ಕಣಕ್ಕಿಳಿದಿರುವುದು ಯಾರ ವಿರುದ್ಧವಲ್ಲ. ಯಾರನ್ನೂ ಸೋಲಿಸಲು ಅಲ್ಲ. ಜನ ಸೇವೆ, ಅಭಿವೃದ್ಧಿಗಾಗಿ ಎಂಬುವುದನ್ನು ಮರೆಯಬಾರದು’ ಎಂದು ವಿಧಾನ ಪರಿಷತ್ ಸದಸ್ಯ ಸೋಮಣ್ಣ...

21 Apr, 2018