ವಿಜಯಪುರ

ಕೃಷಿ ಭಾಗ್ಯ’ ರೈತರಿಗೆ ವರದಾನ

‘ಕೃಷಿ ಭಾಗ್ಯ ಯೋಜನೆಯಡಿ ಕೃಷಿ ಹೊಂಡ ನಿರ್ಮಿಸಿಕೊಳ್ಳುವ ಪರಿಶಿಷ್ಟ ಜಾತಿ/ಪಂಗಡದ ರೈತರಿಗೆ ಶೇ 90, ಸಾಮಾನ್ಯ ವರ್ಗದ ರೈತ ರಿಗೆ ಶೇ 80ರಷ್ಟು ಸಹಾಯಧನ ನಿಗದಿಪಡಿಸಲಾಗಿದೆ.

ವಿಜಯಪುರ ಹೊರ ವಲಯದ ತೊರವಿ ಗ್ರಾಮದ ರೈತ ಗೂಳಪ್ಪ ಪೂಜಾರಿ ತಮ್ಮ ಹೊಲದಲ್ಲಿ ಕೃಷಿ ಭಾಗ್ಯ ಯೋಜನೆಯಡಿ ನಿರ್ಮಿಸಿಕೊಂಡಿರುವ ಕೃಷಿ ಹೊಂಡ

ವಿಜಯಪುರ: ಬರದಿಂದ ತತ್ತರಿಸುತ್ತಿದ್ದ ಜಿಲ್ಲೆಯ ರೈತರ ಪಾಲಿಗೆ ‘ಕೃಷಿ ಭಾಗ್ಯ’ ಯೋಜನೆ ವರದಾನವಾಗಿದೆ. ನಾಲ್ಕು ವರ್ಷದ ಅವಧಿಯಲ್ಲಿ 16,066 ಕೃಷಿ ಹೊಂಡಗಳನ್ನು ಜಿಲ್ಲೆಯ ವ್ಯಾಪ್ತಿಯಲ್ಲಿ ಕೃಷಿ ಇಲಾಖೆ ಮೂಲಕ ರೈತರ ಹೊಲದಲ್ಲಿ ನಿರ್ಮಿಸಿದ್ದು, ಬಹುತೇಕ ಹೊಂಡಗಳು ಇದೀಗ ನೀರಿನಿಂದ ತುಂಬಿ ತುಳುಕುತ್ತಿವೆ.

ವಿಜಯಪುರ ತಾಲ್ಲೂಕಿನಲ್ಲಿ 3,253, ಇಂಡಿ–3,901, ಸಿಂದಗಿ–3,157, ಬಸವನಬಾಗೇವಾಡಿ–3,130, ಮುದ್ದೇಬಿಹಾಳ ತಾಲ್ಲೂಕಿನಲ್ಲಿ 2,625 ಕೃಷಿ ಹೊಂಡಗಳನ್ನು ₹ 155.87 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗಿದೆ ಎಂದು ಜಿಲ್ಲಾ ಕೃಷಿ ಇಲಾಖೆಯ ಮೂಲಗಳು ದೃಢಪಡಿಸಿವೆ.

‘ಕೃಷಿ ಹೊಂಡಗಳ ನಿರ್ಮಾಣದಿಂದ ಮಳೆ ನೀರು ಸಂಗ್ರಹಣೆಯಾಗಿ ರೈತರಲ್ಲಿ ಆತ್ಮವಿಶ್ವಾಸ ತುಂಬಿದೆ. ಕೃಷಿ, ತೋಟಗಾರಿಕೆ ಬೆಳೆಗಳಿಗೆ ಈ ಹೊಂಡಗಳ ನೀರು ಅತ್ಯಂತ ಉಪ ಯುಕ್ತ. ರೈತರ ಮೊಗದಲ್ಲಿ ಸಂತಸ ಮೂಡಿಸಿದೆ. ಇದು ಸ್ಥಿರ ಇಳುವರಿ ನೀಡುವಲ್ಲಿಯೂ ಸಹಕಾರಿ’ ಎಂದು ಕೃಷಿ ಇಲಾಖೆಯ ಜಂಟಿ ಕೃಷಿ ನಿರ್ದೇಶಕ ಡಾ.ಬಿ.ಮಂಜುನಾಥ್‌ ತಿಳಿಸಿದರು.

‘2014-15ರಿಂದ ಯೋಜನೆ ಆರಂಭಗೊಂಡಿದೆ. ರೈತರಿಂದ ಉತ್ತಮ ಪ್ರತಿಕ್ರಿಯೆ ಬಂದಿದ್ದರಿಂದ, ನಾಲ್ಕು ವರ್ಷಗಳಲ್ಲಿ ಅತಿ ಹೆಚ್ಚಿನ ಕೃಷಿ ಹೊಂಡಗಳನ್ನು ವಿಜಯಪುರ ಜಿಲ್ಲೆಯಲ್ಲಿ ನಿರ್ಮಿಸಲಾಗಿದೆ’ ಎಂದು ಅವರು ಹೇಳಿದರು.

‘ಕೃಷಿ ಭಾಗ್ಯ ಯೋಜನೆಯಡಿ ಕೃಷಿ ಹೊಂಡ ನಿರ್ಮಿಸಿಕೊಳ್ಳುವ ಪರಿಶಿಷ್ಟ ಜಾತಿ/ಪಂಗಡದ ರೈತರಿಗೆ ಶೇ 90, ಸಾಮಾನ್ಯ ವರ್ಗದ ರೈತ ರಿಗೆ ಶೇ 80ರಷ್ಟು ಸಹಾಯಧನ ನಿಗದಿಪಡಿಸಲಾಗಿದೆ. ಪ್ರಾಣ ಹಾನಿ ತಡೆಯಲು ಮುನ್ನೆಚ್ಚರಿಕೆಯಾಗಿ ತಂತಿ ಬೇಲಿ ನಿರ್ಮಾಣಕ್ಕಾಗಿ ₹ 16,000 ಸಹಾಯ ಧನವನ್ನು ರಾಜ್ಯ ಸರ್ಕಾರ ಹೆಚ್ಚುವರಿಯಾಗಿ ನೀಡುತ್ತಿದೆ. ಫೆಬ್ರುವರಿ, ಮಾರ್ಚ್‌, ಏಪ್ರಿಲ್, ಮೇ ತಿಂಗಳಲ್ಲಿ ರೈತರಿಗೆ ಈ ಕೃಷಿ ಹೊಂಡಗಳು ಅತ್ಯಂತ ಉಪಯುಕ್ತವಾಗಿ ನೆರವಾಗಲಿವೆ’ ಎಂದು ಅವರು ಮಾಹಿತಿ ನೀಡಿದರು.

ಸಂಕಷ್ಟದಲ್ಲಿ ಆಸರೆ: ‘ಕೃಷಿ ಹೊಂಡ ನಿರ್ಮಿಸಿಕೊಂಡಿರುವೆ. ಇದೀಗ ಅದರಲ್ಲಿ ನೀರು ತುಂಬಿದೆ. ಈ ನೀರನ್ನು ಬೇಸಿಗೆ ಇಲ್ಲವೇ ಮಳೆ ಕೊರತೆಯಾದಾಗ ಬೆಳೆಗೆ ಹರಿಸಿ, ಕಾಪಾಡಿಕೊಳ್ಳಲು ಸಹಕಾರಿಯಾಗಿದೆ. ದ್ರಾಕ್ಷಿ, ಮೆಕ್ಕೆಜೋಳ, ಕಡಲೆ, ಉದ್ದು, ತೊಗರಿ ಸೇರಿದಂತೆ ತರಕಾರಿ ಬೆಳೆಗಳಿಗೆ ಸಂಕಷ್ಟದ ಸಮಯದಲ್ಲಿ ಹೊಂಡದ ನೀರು ಹಾಯಿಸಿದೆ’ ಎಂದು ತೊರವಿಯ ಅಮಗೊಂಡ ಮಾಲಗಾರ ತಿಳಿಸಿದರು.

‘ಕೃಷಿ ಹೊಂಡ ಅತ್ಯಂತ ಉಪಯುಕ್ತವಾಗಿದೆ. ಹೊಂಡದಲ್ಲಿ ನೀರು ತುಂಬುವ ಮುನ್ನ 300 ಜಿಎಸ್ಎಂ ಪಾಲಿಥಿನ್ ಲೈನಿಂಗ್ ಹಾಳೆ ಹಾಸುವುದರಿಂದ ಭೂಮಿಯೊಳಗೆ ನೀರು ಇಂಗುವುದು ತಪ್ಪಿದೆ. ನಾಲ್ವರು ರೈತರು ಒಟ್ಟಾಗಿ ಸಬ್ಸಿಡಿ ದರದಲ್ಲಿ ಡೀಸೆಲ್‌ ಎಂಜಿನ್ ಕೂರಿಸಿಕೊಂಡಿದ್ದು, ವಿದ್ಯುತ್‌ ಸಮಸ್ಯೆ ಬಾಧಿಸದಂತೆ ಮುನ್ನೆಚ್ಚರಿಕೆ ಕ್ರಮ ಕೈಗೊಂಡು ಮಳೆ ಕೊರತೆಯಾದ ಸಂದರ್ಭ ಬೆಳೆಗೆ ನೀರು ಹರಿಸಿಕೊಂಡಿದ್ದೇವೆ.

ಪೈಪ್‌ಲೈನ್‌ ಮೂಲಕ ಹೊಲಕ್ಕೆ ನೀರು ಹರಿಸಿದ್ದು, ಸರ್ಕಾರದ ಸಹಾಯಧನದಲ್ಲಿ ಕೃಷಿ ಹೊಂಡದ ನಿರ್ಮಾಣದ ಜತೆಗೆ ಸ್ಪ್ರಿಂಕ್ಲರ್ ಸೌಲಭ್ಯ ನೀಡಿದ್ದು, ನೀರಿನ ಉಳಿತಾಯಕ್ಕೆ ಸಹಕಾರಿಯಾಗಿದೆ’ ಎಂದು ತೊರವಿಯ ಸುಭಾಸ ಬಾಬುಗೌಡ ಶಿವಗೊಂಡ, ಗೂಳಪ್ಪ ಪೂಜಾರಿ, ಅತಾಲಟ್ಟಿಯ ರೈತ ರುಕ್ಮುದ್ದೀನ್ ಮುಲ್ಲಾ ತಮ್ಮ ಅನಿಸಿಕೆ ಹಂಚಿಕೊಂಡರು.

* * 

ಕೃಷಿ ಭಾಗ್ಯ ಯೋಜನೆಯಡಿಯ ಕೃಷಿ ಹೊಂಡಗಳು, ಕೃಷಿಯಲ್ಲಿ ಸ್ಥಿರ ಇಳುವರಿಗೆ ನೆರವಾಗಿದ್ದು, ರೈತರಲ್ಲಿ ಆತ್ಮಸ್ಥೈರ್ಯ ತುಂಬಿವೆ
ಡಾ.ಬಿ.ಮಂಜುನಾಥ್
 ಜಂಟಿ ಕೃಷಿ ನಿರ್ದೇಶಕ

Comments
ಈ ವಿಭಾಗದಿಂದ ಇನ್ನಷ್ಟು
ಮಾವಿನ ಕೊರತೆ; ಗಗನಕ್ಕೇರಿದ ಬೆಲೆ

ವಿಜಯಪುರ
ಮಾವಿನ ಕೊರತೆ; ಗಗನಕ್ಕೇರಿದ ಬೆಲೆ

23 Apr, 2018
ಸಂರಕ್ಷಣೆಗೆ ‘ಸಾಕ್ಷ್ಯಚಿತ್ರ’ದ ಬೆಂಬಲ; ಶಿಫಾರಸು

ಆಲಮಟ್ಟಿ
ಸಂರಕ್ಷಣೆಗೆ ‘ಸಾಕ್ಷ್ಯಚಿತ್ರ’ದ ಬೆಂಬಲ; ಶಿಫಾರಸು

23 Apr, 2018

ವಿಜಯಪುರ
ಹೊಣೆ ಹೊರಲು ಮುಖಂಡರ ಹಿಂದೇಟು?

ಮತದಾನಕ್ಕೆ 19 ದಿನವಷ್ಟೇ ಬಾಕಿ ಉಳಿದಿದೆ. ಬಹಿರಂಗ ಪ್ರಚಾರಕ್ಕೆ ಹದಿನೇಳು ದಿನ ಬಾಕಿಯಿವೆ. ಬಿಜೆಪಿ ಜಿಲ್ಲಾ ಘಟಕದಲ್ಲಿ ಬಂಡಾಯದ ಬಿಸಿ ತಾರಕಕ್ಕೇರಿದೆ. ಇಂತಹ ಹೊತ್ತಿನಲ್ಲಿ...

23 Apr, 2018

ದೇವರ ಹಿಪ್ಪರಗಿ
ಕಾಂಗ್ರೆಸ್‌ ನಾಯಕರಿಗೆ ತಕ್ಕ ಪಾಠ ಕಲಿಸಿ

ವಿಜಯಪುರ ಜಿಲ್ಲೆಯಲ್ಲಿ ಕೋಲಿ ಸಮುದಾಯಕ್ಕೆ ಕಾಂಗ್ರೆಸ್ ಪಕ್ಷದಿಂದ ಟಿಕೆಟ್ ನೀಡದೆ ಸಮುದಾಯವನ್ನು ನಿರ್ಲಕ್ಷಿಸಿ, ಕುತಂತ್ರ ರಾಜಕಾರಣಕ್ಕೆ ಮುಂದಾದ ಸಚಿವ ಎಂ.ಬಿ.ಪಾಟೀಲ ಸೇರಿದಂತೆ ಕಾಂಗ್ರೆಸ್ ಪಕ್ಷವನ್ನು...

23 Apr, 2018
ಬಂಡಾಯ ಶಮನ; ಗೆಲುವಿನತ್ತ ಚಿತ್ತ...

ವಿಜಯಪುರ
ಬಂಡಾಯ ಶಮನ; ಗೆಲುವಿನತ್ತ ಚಿತ್ತ...

22 Apr, 2018