50 ವರ್ಷಗಳ ಹಿಂದೆ

ಗುರುವಾರ, 23–11–1967

ಕೇವಲ ಎಂಟು ತಿಂಗಳುಗಳ ಹಿಂದೆ ಅಧಿಕಾರ ವಹಿಸಿಕೊಂಡ ಪಂಜಾಬಿನ ಜನತಾ ಸಂಯುಕ್ತ ರಂಗದ ಮಂತ್ರಿಮಂಡಲವು ಇಂದು ರಾಜಿನಾಮೆ ಸಲ್ಲಿಸಿತು.

ಗುರುವಾರ, 23–11–1967

ಪಂಜಾಬ್ ಸಂಪುಟದ ರಾಜಿನಾಮೆ

ಚಂಡೀಘಡ, ನ. 22– ಕೇವಲ ಎಂಟು ತಿಂಗಳುಗಳ ಹಿಂದೆ ಅಧಿಕಾರ ವಹಿಸಿಕೊಂಡ ಪಂಜಾಬಿನ ಜನತಾ ಸಂಯುಕ್ತ ರಂಗದ ಮಂತ್ರಿಮಂಡಲವು ಇಂದು ರಾಜಿನಾಮೆ ಸಲ್ಲಿಸಿತು.

ತಮ್ಮ ಮತ್ತು ಇತರ ಸಚಿವರ ರಾಜಿನಾಮೆಗಳನ್ನು ರಾಜ್ಯಪಾಲ ಶ್ರೀ ಡಿ.ಸಿ. ಪಾವಟೆಯವರಿಗೆ ಮುಖ್ಯಮಂತ್ರಿ ಗುರ್ನಾಂ ಸಿಂಗ್‌ರವರು ಒಪ್ಪಿಸಿದರು.

ಪಂಜಾಬಿನ ಈಗಿನ ವಿಧಾನಸಭೆಯನ್ನು ವಿಸರ್ಜಿಸಿ, ಸ್ಪಷ್ಟ ನಿರ್ಣಯ ನೀಡಲು ಜನತೆಗೆ ಸಹಾಯವಾಗಲು ಮಧ್ಯಕಾಲೀನ ಚುನಾವಣೆಯನ್ನು ನಡೆಸಬೇಕೆಂದು ರಾಜ್ಯಪಾಲರಿಗೆ ಗುರ್ನಾಂ ಸಿಂಗ್‌ರವರು ಕೋರಿಕೆ ಸಲ್ಲಿಸಿದ್ದಾರೆ.

ಇಂದಿರಾ ಸರ್ಕಾರದಲ್ಲಿ ಅವಿಶ್ವಾಸ ಸ್ವತಂತ್ರ ಪಕ್ಷ ವಿನಃ ಮಿಕ್ಕೆಲ್ಲ ವಿರೋಧ ಪಕ್ಷಗಳ ಬೆಂಬಲ

(ನಾರಾಯಣಸ್ವಾಮಿ ಅವರಿಂದ)

ನವದೆಹಲಿ, ನ. 22– ರಾಜ್ಯಪಾಲ ಧರ್ಮವೀರ ಅವರಿಂದ ಪಶ್ಚಿಮ ಬಂಗಾಳದ ಸಂಯುಕ್ತರಂಗ ಸರ್ಕಾರದ ವಜಾ ವಿಷಯವೇ ಇಂದು ಪಾರ್ಲಿಮೆಂಟ್ ಚರ್ಚೆಯನ್ನು ಪೂರ್ಣವಾಗಿ ಅವರಿಸಿತ್ತು.

ಆದರೆ ವಾದ ವಿವಾದಗಳಲ್ಲಿ ಹೆಚ್ಚಿನ ಹುರುಪು ಅಥವಾ ಕಾವು ಇರಲಿಲ್ಲ.

ಬಂಗಾಳದ ಜಿಜ್ಞಾಸೆ ಆಗಲೇ ಹಳೆಯದಾಗಿದ್ದುದು ಒಂದು ಕಾರಣ. ಅದಕ್ಕಿಂತ ಮುಖ್ಯವಾಗಿ, ಸ್ವತಂತ್ರ ಪಕ್ಷ ಖಂಡನೆಯಲ್ಲಿ ಪಾಲ್ಗೊಳ್ಳದೆ, ಸ್ವಾಗತದ ನಿಲುವು ತಳೆದುದರಿಂದ ಚರ್ಚೆ ಸತ್ವಹೀನವಾಯಿತು.

ಅಕಾಲಿ ನಾಯಕ ತಾರಾಸಿಂಗ್ ನಿಧನ

ಚಂಡೀಘಡ, ನ. 22– ಅಕಾಲಿ ದಳದ ಹಿರಿಯ ನಾಯಕ ಮಾಸ್ಟರ್ ತಾರಾಸಿಂಗ್ ಅವರು ಬುಧವಾರ ಬೆಳಗಿನ ಜಾವ 1.30 ಗಂಟೆಯಲ್ಲಿ ಹೃದಯಾಘಾತದಿಂದ ನಿಧನ ಹೊಂದಿದರು.

ತಾರಾ ಸಿಂಗರಿಗೆ 84 ವರ್ಷ ವಯಸ್ಸಾಗಿದ್ದಿತು.

ಡಾ. ಘೋಷ್ ಸರ್ಕಾರಕ್ಕೆ ಕಾಂಗ್ರೆಸ್ ಬೆಂಬಲ

ನವದೆಹಲಿ, ನ. 22– ಪಶ್ಚಿಮ ಬಂಗಾಳದಲ್ಲಿನ ಡಾ. ಘೋಷ್ ನಾಯಕತ್ವದಲ್ಲಿ ರಚಿತವಾಗಿರುವ ನೂತನ ಸರ್ಕಾರಕ್ಕೆ ಹಾಗೂ ಪಂಜಾಬಿನಲ್ಲಿ ರಚಿಸಲ್ಪಡುವ ಬೇರೊಂದು ಸರ್ಕಾರಕ್ಕೆ ಕಾಂಗ್ರೆಸ್ ಪಕ್ಷ ಬೆಂಬಲ ನೀಡುವುದೆಂದು ಕಾಂಗ್ರೆಸ್ ಅಧ್ಯಕ್ಷ ಶ್ರೀ ಕಾಮರಾಜರು ಇಂದು ಇಲ್ಲಿ ತಿಳಿಸಿದರು.

‘ಒಳಸಂಚಿನ’ ಪತ್ರ ವ್ಯವಹಾರ ಮಂಡನೆಗೆ ರಾಜ್ಯಸಭೆಯಲ್ಲಿ ಒತ್ತಾಯ, ಕೋಲಾಹಲ

ನವದೆಹಲಿ, ನ. 22– ಪಶ್ಚಿಮ ಬಂಗಾಳದಲ್ಲಿ ಸಂಯುಕ್ತರಂಗ ಸರ್ಕಾರವನ್ನು ಉರುಳಿಸಲು ಕೇಂದ್ರ ಮತ್ತು ರಾಜ್ಯಪಾಲರ ನಡುವೆ ’ಒಳಸಂಚು’ ನಡೆದಿದೆ  ಎಂದು ಅನುಮಾನಿಸಿದ ಕಮ್ಯುನಿಸ್ಟ್ ನಾಯಕ ಶ್ರೀ ಭೂಪೇಶ ಗುಪ್ತ ಮತ್ತು ಅವರ ಬೆಂಬಲಿಗರು, ಸಂಪುಟದ ವಜಾಕ್ಕೆ ಮುನ್ನ ನಡೆದ ಪತ್ರ ವ್ಯವಹಾರ ಪ್ರತಿ ಹಾಗೂ ರಾಜ್ಯಪಾಲರ ವರದಿಯ ಪ್ರತಿಗಳನ್ನೊದಗಿಸಬೇಕೆಂದು ಇಂದು ರಾಜ್ಯಸಭೆಯಲ್ಲಿ ಹಟ ಹಿಡಿದರು. ಆದರೆ ಅವರ ಯತ್ನ ವಿಫಲವಾಯಿತು.

Comments
ಈ ವಿಭಾಗದಿಂದ ಇನ್ನಷ್ಟು

50 ವರ್ಷಗಳ ಹಿಂದೆ
ಗುರುವಾರ, 18–1–1968

ಕಛ್‌ನ ರಣ್ ಪ್ರದೇಶ ಕುರಿತ ತ್ರಿಸದಸ್ಯ ನ್ಯಾಯಮಂಡಲಿ ತೀರ್ಪು ಭಾರತಕ್ಕೆ ವಿರುದ್ಧವಾಗಿರಬಹುದೆಂಬ ಕಳವಳಕಾರಕ ಸುದ್ದಿ ಜಿನೀವಾದಿಂದ ಬಂದಿದೆ.

18 Jan, 2018

50 ವರ್ಷಗಳ ಹಿಂದೆ
ಬುಧವಾರ, 17–1–1968

ಸಿಸಿಲಿಯಲ್ಲಿ ಭಾನುವಾರ ಮತ್ತು ಸೋಮವಾರ ಸಂಭವಿಸಿದ ಭೂಕಂಪದಲ್ಲಿ ಕೊನೆಯಪಕ್ಷ 600 ಮಂದಿ ಸತ್ತಿದ್ದಾರೆಂದು ಇಟಲಿ ಸರ್ಕಾರದ ವೃತ್ತಗಳು ತಿಳಿಸಿವೆ.

17 Jan, 2018

ದಿನದ ನೆನಪು
ಸೋಮವಾರ, 15–1–1968

ಆರು ಮಂದಿ ಕಾಂಗ್ರೆಸ್ ಶಾಸಕರು ಸಚಿವರಾಗಿ ನಾಳೆ ಮಧ್ಯಾಹ್ನ ಪ್ರಮಾಣ ವಚನ ಸ್ವೀಕರಿಸುವುದರೊಂದಿಗೆ ಪಶ್ಚಿಮ ಬಂಗಾಳದಲ್ಲಿ ಪ್ರಥಮ ಬಾರಿಗೆ ಕಾಂಗ್ರೆಸ್ ಹಾಗೂ ‍ಪ್ರಗತಿಶೀಲ ಜನತಂತ್ರರಂಗದ ಸಮ್ಮಿಶ್ರ...

15 Jan, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಭಾನುವಾರ, 14–1–1968

ಪ್ರತ್ಯಕ್ಷ ಹಾಗೂ ಪರೋಕ್ಷ ತೆರಿಗೆಗಳ ವ್ಯವಸ್ಥೆಯನ್ನು ಸರಳಗೊಳಿಸುವ ಉದ್ದೇಶವನ್ನು ಉಪಪ್ರಧಾನಿ ಶ್ರೀ ಮುರಾರಜಿ ದೇಸಾಯಿ ಅವರು ವ್ಯಕ್ತಪಡಿಸಿದರು.

14 Jan, 2018

ಪ್ರಜಾವಾಣಿ: 50 ವರ್ಷಗಳ ಹಿಂದೆ
ಶನಿವಾರ, 13–1–1968

ಮೈಸೂರು ರಾಜ್ಯದ ಮುಂದಿನ ಮುಖ್ಯಮಂತ್ರಿ ಆಯ್ಕೆ ವಿಷಯದಲ್ಲಿ ಕಾಂಗ್ರೆಸ್‌ನವರು ಪ್ರಭಾವ ಬೀರಲು ಯತ್ನಿಸುವುದನ್ನು ತಾವು ವಿರೋಧಿಸುವುದಾಗಿ ಕಾಂಗ್ರೆಸ್ ಅಧ್ಯಕ್ಷ ಹಾಗೂ ರಾಜ್ಯದ ಮುಖ್ಯಮಂತ್ರಿ ಶ್ರೀ...

13 Jan, 2018