ನವದೆಹಲಿ: ಹೆಚ್ಚು ರಾಷ್ಟ್ರಗಳು ಕ್ರಿಕೆಟ್ ಆಡಲು ಮುಂದಾಗಿ ಒಲಿಂಪಿಕ್ಸ್ನಲ್ಲಿ ಈ ಕ್ರೀಡೆಯನ್ನು ಸೇರಿಸಲು ಪ್ರಯತ್ನ ನಡೆಸಬೇಕು ಎಂದು ಹಿರಿಯ ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್ ಸಲಹೆ ನೀಡಿದರು.
‘ಅಂತರರಾಷ್ಟ್ರೀಯ ಕ್ರಿಕೆಟ್ ಸಂಸ್ಥೆಯ (ಐಸಿಸಿ) ಪೂರ್ಣ ಸದಸ್ಯತ್ವ ಗಳಿಸಲು ರಾಷ್ಟ್ರಗಳು ಮುಂದಾಗಬೇಕು ಎಂಬುದು ಐಸಿಸಿ ಬಯಕೆ. ಇದಕ್ಕೆ ಕ್ರೀಡಾಭಿಮಾನ ಇರುವ ದೇಶಗಳು ಮುಂದಾಗಬೇಕು. ಇದು ಸಾಧ್ಯವಾದರೆ ಒಲಿಂಪಿಕ್ಸ್ನಲ್ಲಿ ಸುಲಭವಾಗಿ ಕ್ರಿಕೆಟ್ ಸೇರ್ಪಡೆಯಾಗಬಹುದು’ ಎಂದರು.
ಐಸಿಸಿಯಲ್ಲಿ 105 ಸದಸ್ಯ ರಾಷ್ಟ್ರಗಳು ಇವೆ. 12 ರಾಷ್ಟ್ರಗಳು ಪೂರ್ಣ ಸದಸ್ಯತ್ವ ಗಳಿಸಿವೆ. 2024ರ ಒಲಿಂಪಿಕ್ಸ್ನಲ್ಲಿ ಕ್ರಿಕೆಟ್ ಸೇರ್ಪಡೆಗೊಳಿಸಲು ಪ್ರಯತ್ನಗಳು ನಡೆಯುತ್ತಿವೆ.