ಬೀಳಗಿ

ಸುನಗ: ಸಾಹಸ ಸ್ಪರ್ಧೆಗಳ ರೋಮಾಂಚನ

ಸುನಗಾದಲ್ಲಿ ಗ್ರಾಮದೇವತೆ ಜಾತ್ರೆ ಅಂಗವಾಗಿ ನಡೆದ ಭಾರ ಎತ್ತುವ ಸ್ಪರ್ಧೆಗೆ ಬೇರೆ ಜಿಲ್ಲೆಗಳಿಂದ ಬಂದಿದ್ದ ಕಟ್ಟಾಳುಗಳು ಸಾಹಸ ಪ್ರದರ್ಶನ ನೀಡಿ ನೆರೆದ ಸಾವಿರಾರು ಮಂದಿಯ ಚಪ್ಪಾಳೆಗೆ ಪಾತ್ರರಾದರು.

ಬೀಳಗಿ ತಾಲ್ಲೂಕು ಸುನಗದಲ್ಲಿ ಗ್ರಾಮ ದೇವತೆ ಜಾತ್ರೆಯ ಅಂಗವಾಗಿ ಬಂಡಿ ಗಾಲಿಯ ಮೇಲಿನಿಂದ ಭಾರ ಎತ್ತುವ ಸ್ಪರ್ಧೆಯಲ್ಲಿ ತೊಡಗಿದ ಸ್ಪರ್ಧಾಳು.

ಬೀಳಗಿ: ತಾಲ್ಲೂಕಿನ ಸುನಗಾದಲ್ಲಿ ಗ್ರಾಮದೇವತೆ ಜಾತ್ರೆ ಅಂಗವಾಗಿ ನಡೆದ ಭಾರ ಎತ್ತುವ ಸ್ಪರ್ಧೆಗೆ ಬೇರೆ ಜಿಲ್ಲೆಗಳಿಂದ ಬಂದಿದ್ದ ಕಟ್ಟಾಳುಗಳು ಸಾಹಸ ಪ್ರದರ್ಶನ ನೀಡಿ ನೆರೆದ ಸಾವಿರಾರು ಮಂದಿಯ ಚಪ್ಪಾಳೆಗೆ ಪಾತ್ರರಾದರು.

ಬಂಡಿಗಾಲಿನ ಮೇಲಿಂದ ಸುಮಾರು ಒಂದು ಕ್ವಿಂಟಲ್ 60 ಕೆ.ಜಿ ಕ್ಕಿಂತ ಹೆಚ್ಚಿನ ತೂಕ ಬೆನ್ನಿನ ಮೇಲೆ ಎತ್ತಿಕೊಂಡು ನಿಲ್ಲುವ ಶಕ್ತಿ ಪ್ರದರ್ಶನ ರೋಮಾಂಚನ ಮೂಡಿಸಿತು. ಇದೇ ವೇಳೆ ಓಟದ ತಾಕತ್ತು ಪ್ರದರ್ಶಿಸಿದ ಜೊಡಿ ಎತ್ತಿನ ಗಾಡಿಗಳ ರೇಸ್‌ ಜನಮೆಚ್ಚುಗೆಗೆ ಪಾತ್ರವಾಯಿತು. ಜಾತ್ರೆ ಅಂಗವಾಗಿ ಬ್ಯಾಕ್ ಹ್ಯಾಂಡಲ್, ಸೈಕಲ್ ರೇಸ್, ಟಗರಿನ ಕಾಳಗ, ತುಳಸಿಗೇರಿಯ ಕುವೆಂಪು ಸರ್ಕಾರಿ ಮಾದರಿ ಶಾಲೆಯ ಮಕ್ಕಳಿಂಬ ಮಲ್ಲಕಂಬ ಸೇರಿದಂತೆ ವಿವಿಧ ಸ್ಪರ್ಧೆಗಳು ಕಳೆಗಟ್ಟಿದವು.

ಬಂಡಿಗಾಲಿನ ಮೇಲಿನಿಂದ ಭಾರ ಎತ್ತುವ ಸ್ಪರ್ಧೆಯಲ್ಲಿ ಬೇನಾಳದ ಯಮನಪ್ಪ ಮೇಟಿ ಪ್ರಥಮ, ರಾಮಣ್ಣ ತಿರ್ಲಾಪುರ ದ್ವಿತೀಯ, ಭಾರದ ಚೀಲ ಎತ್ತುವ ಸ್ಪರ್ಧೆಯಲ್ಲಿ ವಿಠ್ಠಲ ಜಗಲಿ ಪ್ರಥಮ ಸ್ಥಾನ, ಕೃಷ್ಣಾ ಪವಾರ್ ದ್ವಿತೀಯ, ಎತ್ತಿನ ಗಾಡಿಯ ರೇಸ್‌ನಲ್ಲಿ ಹೊಳೆ ಹಂಗರಗಿಯ ಎತ್ತುಗಳು ಪ್ರಥಮ, ಬೆಳಗಲಿಯ ಎತ್ತುಗಳು ದ್ವಿತಿಯ, ಸ್ಥಾನ ಪಡೆದವು.

ಗ್ರಾಮದ ಹಿರಿಯರಾದ ಪ್ರದೀಪ ನಾಯಿಕ, ಪ್ರಕಾಶ ಜಗ್ಗಲ, ಚಂದ್ರಶೇಖರ ಫಂಡರಿ, ಬಸು ಮೇಟಿ, ಹನಮಂತ ನಿಂಗಣ್ಣವರ, ಶ್ರೀಶೈಲ ಮೇಟಿ, ಕರಿಯಪ್ಪ ಬೂದಿಹಾಳ, ಯಲ್ಲಪ್ಪ ಲಗಮನಿ, ಮಲ್ಲಪ್ಪ ನಾಗರಾಳ, ಭೀಮಸಿ ಎರಡೆಮ್ಮಿ, ರುದ್ರಪ್ಪ ಆನಿಕೇರಿ ಸೇರಿದಂತೆ ಮುಖಂಡರು ಹಾಜರಿದ್ದು, ಸ್ಪರ್ಧೆಗಳು ಸರಾಗವಾಗಿ ನಡೆಯುವಂತೆ ಶ್ರಮವಹಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು
‘ಬಸವಣ್ಣನನ್ನು ಧರ್ಮ ಗುರು ಎಂದು ಒಪ್ಪಿಕೊಳ್ಳುತ್ತಿಲ್ಲ'

ಕೂಡಲಸಂಗಮ
‘ಬಸವಣ್ಣನನ್ನು ಧರ್ಮ ಗುರು ಎಂದು ಒಪ್ಪಿಕೊಳ್ಳುತ್ತಿಲ್ಲ'

19 Jan, 2018

ಬಾಗಲಕೋಟೆ
ಫುಟ್‌ಫಾತ್ ಮೇಲೆ ಮಲಗಿದ ನೂರಾರು ಅಭ್ಯರ್ಥಿಗಳು!

ಜಿಲ್ಲಾಡಳಿತ ಅಭ್ಯರ್ಥಿಗಳಿಗಾಗಿ ನಗರದ ಬಾಬು ಜಗಜೀವನರಾಂ ಭವನ, ನಗರಸಭೆ ಸಮುದಾಯ ಭವನ, ಶಾದಿಮಹಲ್, ಡಾ. ಬಿ.ಆರ್.ಅಂಬೇಡ್ಕರ್ ಭವನ ಸೇರದಂತೆ ಹಲವೆಡೆ ವ್ಯವಸ್ಥೆ ಕಲ್ಪಿಸಿದೆ.

19 Jan, 2018

ಬಾಗಲಕೋಟೆ
ಎನ್‌ಪಿಎಸ್‌ ಯೋಜನೆ ರದ್ದುಪಡಿಸಲು ಒತ್ತಾಯ

ತ್ರಿಪುರಾ, ಪಶ್ಚಿಮಬಂಗಾಲ ರಾಜ್ಯದಲ್ಲಿ ಎನ್‌ಪಿಎಸ್‌ ಯೋಜನೆ ಕೈಬಿಟ್ಟಿದ್ದಾರೆ. ತೆಲಂಗಾಣ ರಾಜ್ಯದಲ್ಲಿಯೂ ಈ ಯೋಜನೆಯನ್ನು ಕೈಬಿಡುವವರಿದ್ದಾರೆ. ನಮ್ಮ ರಾಜ್ಯದಲ್ಲಿಯೂ ಈ ಯೋಜನೆಯನ್ನು ಕೈಬಿಟ್ಟು ಹಳೆ ಪಿಂಚಣಿ...

19 Jan, 2018

ಹುನಗುಂದ
‘ಭೋವಿ ಸಮಾಜದ ಅಭಿವೃದ್ಧಿಗೆ ಬದ್ಧ’

‘ಭೋವಿ ಸಮಾಜಕ್ಕೆ ಅಗತ್ಯ ನೆರವು ನೀಡಲು ಸರ್ಕಾರ ಬದ್ಧವಾಗಿದೆ. ಸಮುದಾಯದ ಸದಸ್ಯರಿಗೆ ಅಗತ್ಯ ಸೌಲಭ್ಯ ನೀಡಿದೆ’

19 Jan, 2018
ಕಾಳಿಕಾಂಬೆ ರಥ ಎಳೆದ ಮಹಿಳೆಯರು

ಬಾಗಲಕೋಟೆ
ಕಾಳಿಕಾಂಬೆ ರಥ ಎಳೆದ ಮಹಿಳೆಯರು

18 Jan, 2018