ಹಿರೀಸಾವೆ

42 ಕರುಗಳ ಅಕ್ರಮ ಸಾಗಣೆ ಪತ್ತೆ, 6 ಸಾವು

ಎರಡು ಲಾರಿಗಳು ಮತ್ತು ಕರುಗಳನ್ನು ಪೊಲೀಸ್‌ ಠಾಣೆಗೆ ತರಲಾಯಿತು. ನಂತರ ಗೃಹರಕ್ಷಕರು ಮತ್ತು ಪೊಲೀಸರು 30 ಲೀಟರ್ ನಂದಿನಿ ಹಾಲನ್ನು ತರಿಸಿ, ಕರುಗಳಿಗೆ ಕುಡಿಸಿ ಆರೈಕೆ ಮಾಡಿದರು.

ಹಿರೀಸಾವೆ ಸಮೀಪದ ಮಟ್ಟನವಿಲೆ ಬಳಿ ನಡೆದ ಅಪಘಾತದ ಸಂದರ್ಭದಲ್ಲಿ ಪತ್ತೆಯಾದ ಕರುಗಳನ್ನು ಪೊಲೀಸರು ಮತ್ತು ಗೃಹರಕ್ಷಕ ದಳದವರು ರಕ್ಷಿಸಿದರು

ಹಿರೀಸಾವೆ: ಎರಡು ಲಾರಿಗಳ ನಡುವೆ ಡಿಕ್ಕಿಯಾಗಿದ್ದರಿಂದ ಕಸಾಯಿಖಾನೆಗೆ ಅಕ್ರಮವಾಗಿ 42 ಎಳೆ ಕರುಗಳನ್ನು ಸಾಗಣೆ ಮಾಡುತ್ತಿದ್ದ ಪ್ರಕರಣ ಮಟ್ಟನವಿಲೆ ಬಿಳಿ ಶುಕ್ರವಾರ ಬೆಳಿಗ್ಗೆ ಬಯಲಾಗಿದೆ.

ಸಮೀಪದ ರಾಷ್ಟ್ರೀಯ ಹೆದ್ದಾರಿ 75ರಲ್ಲಿ ಇರುವ ರಸ್ತೆ ಹಂಪ್ಸ್‌ ಬಳಿ ಹಾಸನ ಕಡೆಯಿಂದ ಬರುತ್ತಿದ್ದ ಮಿನಿ ಲಾರಿಯ ಚಾಲಕ ಬ್ರೇಕ್‌ ಹಾಕಿದ. ಆಗಲೇ ಮತ್ತೊಂದು ಲಾರಿ ಹಿಂದಿನಿಂದ ಬಂದು ಡಿಕ್ಕಿಯಾಯಿತು. ಈ ಅವಘಡದಿಂದ ಮಿನಿ ಲಾರಿಯ ಹಿಂದಿನ ಚಕ್ರ ಒಡೆದು, ಮುಂದಕ್ಕೆ ಚಲಿಸಲಾಗದೆ ಅಲ್ಲೇ ನಿಂತಿತು. ಸ್ಥಳೀಯರು ಪೊಲೀಸರಿಗೆ ವಿಷಯ ತಿಳಿಸಿದರು.

ಹಿರೀಸಾವೆ ಪೊಲೀಸರು ಸ್ಥಳಕ್ಕೆ ಧಾವಿಸಿ ವಾಹನವನ್ನು ಪರಿಶೀಲಿಸಿದಾಗ, ಮಿನಿ ಲಾರಿಯಲ್ಲಿ ಒಂದು ವಾರ ವಯಸ್ಸಿನ ಮಿಶ್ರ ತಳಿಯ 42 ಗಂಡು ಕರುಗಳು ಪತ್ತೆಯಾದವು. ಅವುಗಳ ಕಾಲುಗಳನ್ನು ಕಟ್ಟಿ, ಒಂದರ ಮೇಲೆ ಒಂದನ್ನು ಸರಕು ತುಂಬುವ ರೀತಿಯಲ್ಲಿ ತುಂಬಲಾಗಿತ್ತು. 6 ಕರುಗಳು ಉಸಿರುಗಟ್ಟಿ ಮೃತಪಟ್ಟಿದ್ದವು. ಪೊಲೀಸರು ಬದುಕುಳಿದ ಕರುಗಳ ಕಾಲನ್ನು ಬಿಚ್ಚಿ, ಅಪಘಾತ ಮಾಡಿದ ಲಾರಿಗೆ ಹತ್ತಿಸಿದರು.

ಎರಡು ಲಾರಿಗಳು ಮತ್ತು ಕರುಗಳನ್ನು ಪೊಲೀಸ್‌ ಠಾಣೆಗೆ ತರಲಾಯಿತು. ನಂತರ ಗೃಹರಕ್ಷಕರು ಮತ್ತು ಪೊಲೀಸರು 30 ಲೀಟರ್ ನಂದಿನಿ ಹಾಲನ್ನು ತರಿಸಿ, ಕರುಗಳಿಗೆ ಕುಡಿಸಿ ಆರೈಕೆ ಮಾಡಿದರು. ಹಿರೀಸಾವೆ ಪಶು ಆಸ್ಪತ್ರೆಯ ವೈದ್ಯಾಧಿಕಾರಿ ಡಾ.ಸುಬ್ರಹ್ಮಣ್ಯ ಮತ್ತು ಸಹಾಯಕ ಭರತ್ ಎಲ್ಲ ಕರುಗಳ ಆರೋಗ್ಯ ತಪಾಸಣೆ ನಡೆಸಿದರು. ಅಗತ್ಯ ಇರುವ ಕರುಗಳಿಗೆ ಸೂಕ್ತ ಚಿಕಿತ್ಸೆ ನೀಡಿದರು. ನಂತರ 36 ಗಂಡು ಕರುಗಳನ್ನು ಮೈಸೂರಿನ ಗೋ ಶಾಲೆಗೆ ಕಳುಹಿಸಿದರು.

ಹಾಸನ ಜಿಲ್ಲೆಯ ವಿವಿಧ ತಾಲ್ಲೂಕುಗಳಿಂದ ಈ ಕರುಗಳನ್ನು ಕೊಂಡು, ಬೆಂಗಳೂರಿಗೆ ಸಾಗಣೆ ಮಾಡಲಾಗುತ್ತಿತ್ತು. ಅಪಘಾತ ನಡೆದ ನಂತರ ಮಿನಿ ಲಾರಿಯ ಚಾಲಕ ಹಾಗೂ ಸಿಬ್ಬಂದಿ ವಾಹನವನ್ನು ಬಿಟ್ಟು ಪರಾರಿಯಾಗಿದ್ದಾರೆ. ಅಪಘಾತ ಮತ್ತು ಕರುಗಳ ಅಕ್ರಮ ಸಾಗಣೆಯ ಪ್ರಕರಣ ದಾಖಲಿಸಲಾಗಿದೆ ಎಂದು ಎಸ್‌ಐ ಜಗದೀಶ್‌ ‘ಪ್ರಜಾವಾಣಿ’ಗೆ ತಿಳಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು
ಜೆಡಿಎಸ್‌ ಮುಖಂಡರ ವಿರುದ್ಧ ವಾಗ್ದಾಳಿ

ಅರಕಲಗೂಡು
ಜೆಡಿಎಸ್‌ ಮುಖಂಡರ ವಿರುದ್ಧ ವಾಗ್ದಾಳಿ

25 Apr, 2018

ಬೇಲೂರು
ಜಿಲ್ಲೆಯಲ್ಲಿ ಬಿಜೆಪಿಗೆ ಹೆಚ್ಚು ಸ್ಥಾನ: ಸಿ.ಟಿ.ರವಿ ವಿಶ್ವಾಸ

ವಿಧಾನಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಸಲು ಅಂತಿಮ ದಿನವಾದ ಮಂಗಳವಾರ ಬಿಜೆಪಿ ಅಭ್ಯರ್ಥಿ ಎಚ್‌.ಕೆ.ಸುರೇಶ್‌ ಸೇರಿದಂತೆ ಎಂಟು ಜನರು ನಾಮಪತ್ರ ಸಲ್ಲಿಸಿದರು.

25 Apr, 2018

ಹಾಸನ
ತರಕಾರಿ ಮನೆಯಲ್ಲಿ ಮತದಾರರ ಜಾಗೃತಿ

ಮತದಾನ ಜಾಗೃತಿಗೆ ಕೈ ಜೋಡಿಸಿರುವ ತರಕಾರಿ ವ್ಯಾಪಾರಿಯೊಬ್ಬರು, ವಿಭಿನ್ನವಾಗಿ ಜಾಗೃತಿ ಅಭಿಯಾನ ನಡೆಸುವ ಮೂಲಕ ಗಮನ ಸೆಳೆದಿದ್ದಾರೆ.

25 Apr, 2018

ಹಾಸನ
ಚೆಕ್ ಪೋಸ್ಟ್ ಕಾರ್ಯನಿರ್ವಹಣೆ ಪರಿಶೀಲಿಸಿದ ಡಿ.ಸಿ

ಜಿಲ್ಲಾಧಿಕಾರಿ ಡಿ.ರಂದೀಪ್ ಅವರು ಬೇಲೂರು ವಿಧಾನಸಭಾ ಕ್ಷೇತ್ರದ 4 ಮತಗಟ್ಟೆಗಳಿಗೆ ಭೇಟಿ ನೀಡಿ ಸ್ಥಳೀಯರಿಗೆ ಮತದಾನದ ಪ್ರಾಮುಖ್ಯತೆ ಬಗ್ಗೆ ಅರಿವು ಮೂಡಿಸುವುದರ ಜತೆಗೆ ಸ್ಥಳೀಯರ...

23 Apr, 2018
ಮುರಿದ ಪರಿಕರಗಳಲ್ಲೇ ಚಿಣ್ಣರ ಆಟ

ಹಾಸನ
ಮುರಿದ ಪರಿಕರಗಳಲ್ಲೇ ಚಿಣ್ಣರ ಆಟ

23 Apr, 2018