ಚಿತ್ರದುರ್ಗ

ಬೇಜವಾಬ್ದಾರಿಯಿಂದ ₹ 30 ಕೋಟಿ ವ್ಯರ್ಥ: ಸ್ವಾಮೀಜಿ ಅಸಮಾಧಾನ

‘ಬೆಳಗಾವಿಯಲ್ಲಿ ಕೇವಲ 40 ಗಂಟೆ ನಡೆದ ಅಧಿವೇಶನಕ್ಕೆ ₹ 30 ಕೋಟಿ ಖರ್ಚು ಮಾಡಲಾಗಿದೆ. ಇದನ್ನು ಗಮನಿಸಿದರೆ, ನಮ್ಮ ಜನನಾಯಕರ ಬೇಜವಾಬ್ದಾರಿ ಎಷ್ಟಿದೆಯೆಂಬುದು ಅರ್ಥವಾಗುತ್ತದೆ’

ಚಿತ್ರದುರ್ಗ: ‘ಬೆಳಗಾವಿಯಲ್ಲಿ ಕೇವಲ 40 ಗಂಟೆ ನಡೆದ ಅಧಿವೇಶನಕ್ಕೆ ₹ 30 ಕೋಟಿ ಖರ್ಚು ಮಾಡಲಾಗಿದೆ. ಇದನ್ನು ಗಮನಿಸಿದರೆ, ನಮ್ಮ ಜನನಾಯಕರ ಬೇಜವಾಬ್ದಾರಿ ಎಷ್ಟಿದೆಯೆಂಬುದು ಅರ್ಥವಾಗುತ್ತದೆ’ ಎಂದು ಹೊಸದುರ್ಗದ ಸಾಣೇಹಳ್ಳಿಯ ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿ ಅಸಮಾಧಾನ ವ್ಯಕ್ತಪಡಿಸಿದರು.

ಶನಿವಾರ ಇಲ್ಲಿ ಮಾತನಾಡಿದ ಅವರು, ‘ಹೀಗೆ ಹಣವನ್ನು ವ್ಯರ್ಥ ಮಾಡುವ ಬದಲು ಕಲೆ, ಸಾಹಿತ್ಯ, ಸಂಗೀತ ಮುಂತಾದ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಬಡ ಪ್ರತಿಭಾವಂತರಿಗೆ ನೀಡಿದ್ದರೆ ಅವರ ಕುಟುಂಬಕ್ಕೆ ಆಸರೆಯಾಗುತ್ತಿತ್ತು’ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.

ಕೆಲವರ ಬಳಿ ಸಾಕಷ್ಟು ಹಣವಿದೆ. ಅದು ಸತ್ಕಾರ್ಯಗಳಿಗೆ ಬಳಕೆ ಆಗುತ್ತಿಲ್ಲ. ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳು ದಾಳಿ ಮಾಡಿದಾಗ ಜರ್ಜರಿತರಾಗುವ ಬದಲು ಉತ್ತಮ ಕಾರ್ಯಗಳಿಗೆ ಬಳಕೆ ಮಾಡುವ ಗುಣ ಬೆಳೆಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

‘ಮೈಸೂರಿನಲ್ಲಿ ಶುಕ್ರವಾರ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಸಮ್ಮೇಳನ ಅಧ್ಯಕ್ಷ ಚಂದ್ರಶೇಖರ ಪಾಟೀಲ ಅವರು, ಕನ್ನಡದ ಕುರಿತು ಆಸಕ್ತಿ ಇಲ್ಲದ ಶಿಕ್ಷಣ ಸಚಿವರನ್ನು ಮೊದಲು ಬದಲಾಯಿಸಿ ಎಂದು ಮುಖ್ಯಮಂತ್ರಿಗೆ ಒತ್ತಾಯಿಸಿದ್ದಾರೆ. ಕೇವಲ ಅವರೊಬ್ಬರೇ ಅಲ್ಲ. ನಿಜವಾಗಿಯೂ ಎಲ್ಲ ಸಚಿವರಿಗೂ ಕನ್ನಡದ ಬಗ್ಗೆ ಒಲವು ಇದ್ದಿದ್ದರೆ, ರಾಜ್ಯದ ಕನ್ನಡ ಶಾಲೆಗಳನ್ನು ಮುಚ್ಚುವಂಥ ಪರಿಸ್ಥಿತಿ ನಿರ್ಮಾಣ ಆಗುತ್ತಿರಲಿಲ್ಲ’ ಎಂದು ಸ್ವಾಮೀಜಿ ಹೇಳಿದರು.

Comments
ಈ ವಿಭಾಗದಿಂದ ಇನ್ನಷ್ಟು

ಹೊಳಲ್ಕೆರೆ
ಹೊಳಲ್ಕೆರೆ: ಬಿಜೆಪಿ ಬಂಡಾಯ ಅಭ್ಯರ್ಥಿ ಕಣಕ್ಕೆ!

ಬಿಜೆಪಿ ಬಂಡಾಯ ಅಭ್ಯರ್ಥಿ ಹೊಳಲ್ಕೆರೆ ಕ್ಷೇತ್ರದಲ್ಲಿ ಸ್ಪರ್ಧಿಸುವುದು ಖಚಿತ ಎಂದು ಮಾಜಿ ಶಾಸಕ ಪಿ.ರಮೇಶ್ ತಿಳಿಸಿದರು.

18 Apr, 2018
ಎಲ್ಲ ವರ್ಗದವರನ್ನೂ ಒಳಗೊಳ್ಳುತ್ತಿದ್ದ ಬಸವಣ್ಣ

ಚಿತ್ರದುರ್ಗ
ಎಲ್ಲ ವರ್ಗದವರನ್ನೂ ಒಳಗೊಳ್ಳುತ್ತಿದ್ದ ಬಸವಣ್ಣ

18 Apr, 2018

ಮೊಳಕಾಲ್ಮುರು
ಚುರುಕುಗೊಂಡ ರಾಜಕೀಯ ಬೆಳವಣಿಗೆ

ಎಲ್ಲಾ ಪಕ್ಷಗಳ ಟಿಕೆಟ್‌ ಹಂಚಿಕೆ ಅಂತಿಮಗೊಂಡ ನಂತರ ಕ್ಷೇತ್ರದಲ್ಲಿ ರಾಜಕೀಯ ಬೆಳವಣಿಗೆಗಳು ವ್ಯಾಪಕವಾಗಿ ಗರಿಗೆದರಿವೆ.

18 Apr, 2018

ಹಿರಿಯೂರು
ಒಣಗಿದ ತೋಟಗಳು ನಿರ್ಲಕ್ಷ್ಯಕ್ಕೆ ನಿದರ್ಶನ

ಜನರ ತೆರಿಗೆ ಹಣದಲ್ಲಿ ಒಂದೆರಡು ಭಾಗ್ಯಗಳನ್ನು ಕಲ್ಪಿಸಿ, ಅದೇ ದೊಡ್ಡ ಸಾಧನೆ ಎಂಬಂತೆ ಬೀಗುತ್ತಿರುವ ಕಾಂಗ್ರೆಸ್ ಮುಖಂಡರು ಒಮ್ಮೆ ಹಳ್ಳಿಗಳನ್ನು ತಿರುಗಬೇಕು. ತೆಂಗು, ಅಡಿಕೆ...

18 Apr, 2018

ಹೊಸದುರ್ಗ
ಕಾಂಗ್ರೆಸ್‌ಗೆ ಗೊಲ್ಲರಹಟ್ಟಿಗೆ ಹೋಗುವ ನೈತಿಕತೆ ಇಲ್ಲ

ರಾಜ್ಯದ 224 ವಿಧಾನಸಭೆ ಕ್ಷೇತ್ರಗಳ ಪೈಕಿ ಒಂದು ಕ್ಷೇತ್ರದಲ್ಲಿಯೂ ಯಾದವರಿಗೆ ಟಿಕೆಟ್‌ ಕೊಡದಿರುವ ಕಾಂಗ್ರೆಸ್‌ ಅಭ್ಯರ್ಥಿಗಳಿಗೆ ಗೊಲ್ಲರಹಟ್ಟಿಗೆ ಹೋಗಿ ವೋಟ್‌ ಕೇಳುವ ನೈತಿಕತೆ ಇಲ್ಲ...

18 Apr, 2018