ಬೀದರ್

ಐವರು ನಕಲಿ ಅಧಿಕಾರಿಗಳ ಬಂಧನ

‘ಆರೋಪಿಗಳು ಎರಡು ದಿನಗಳ ಹಿಂದೆ ನಗರದ ಹಬ್ಸಿಕೋಟ್‌ ಗೆಸ್ಟ್‌ಹೌಸ್‌ನಲ್ಲಿ ತಂಗಿದ್ದರು. ಬ್ರಿಮ್ಸ್ ಆಸ್ಪತ್ರೆಯ ವೈದ್ಯರು ಖಾಸಗಿ ಆಸ್ಪತ್ರೆಯಲ್ಲೂ ಕೆಲಸ ಮಾಡುವುದನ್ನು ಖಚಿತಪಡಿಸಿಕೊಂಡು ನವೆಂಬರ್‌ 24 ರಂದು ಬಾವಗಿ ಆಸ್ಪತ್ರೆ ಹಾಗೂ ನವಜೀವನ ಆಸ್ಪತ್ರೆ ಮೇಲೆ ದಾಳಿ ನಡೆಸಿದಂತೆ ನಾಟಕವಾಡಿದ್ದರು.

ಬೀದರ್: ಭಾರತೀಯ ವೈದ್ಯಕೀಯ ಮಂಡಳಿ(ಎಂಸಿಐ)ಯ ಅಧಿಕಾರಿಗಳೆಂದು ಪರಿಚಯಿಸಿಕೊಂಡು ವೈದ್ಯರನ್ನು ವಂಚಿಸಲು ಯತ್ನಿಸಿದ ಇಬ್ಬರು ಮಹಿಳೆಯರು ಸೇರಿ ಐವರನ್ನು ಇಲ್ಲಿನ ಮಾರ್ಕೆಟ್‌ ಠಾಣೆಯ ಪೊಲೀಸರು ಶನಿವಾರ ಬಂಧಿಸಿದ್ದಾರೆ.

ಬೆಂಗಳೂರಿನ ರಾಜರಾಜೇಶ್ವರಿನಗರದ ಸುನೀಲ್ ನಾಗೇಶ್‌, ವಕೀಲೆ ಪ್ರಿಯದರ್ಶಿನಿ ಅಯ್ಯರ್, ಕಾರು ಚಾಲಕರಾದ ಗಣಪತಿಪುರ ಅಪ್ಪಣ್ಣ ಗಾರ್ಡನ್‌ನ ಜಿನಿತ್‌ ಶಿವನಗೌಡ, ಕೆಂಗೇರಿ ಕಾಮಯ್ಯನಪಾಳ್ಯದ ಪುನೀತ್ ಜಯರಾಮ್, ವಕೀಲೆಯಾಗಿರುವ ಮೈಸೂರಿನ ಲಷ್ಕರ್‌ ಮೊಹಲ್ಲಾದ ಮಂಜುಳಾ ಶಿವಣ್ಣ ಅವರನ್ನು ಬಂಧಿಸಿ ನ್ಯಾಯಾಂಗ ವಶಕ್ಕೆ ನೀಡಲಾಗಿದೆ.

‘ಆರೋಪಿಗಳು ಎರಡು ದಿನಗಳ ಹಿಂದೆ ನಗರದ ಹಬ್ಸಿಕೋಟ್‌ ಗೆಸ್ಟ್‌ಹೌಸ್‌ನಲ್ಲಿ ತಂಗಿದ್ದರು. ಬ್ರಿಮ್ಸ್ ಆಸ್ಪತ್ರೆಯ ವೈದ್ಯರು ಖಾಸಗಿ ಆಸ್ಪತ್ರೆಯಲ್ಲೂ ಕೆಲಸ ಮಾಡುವುದನ್ನು ಖಚಿತಪಡಿಸಿಕೊಂಡು ನವೆಂಬರ್‌ 24 ರಂದು ಬಾವಗಿ ಆಸ್ಪತ್ರೆ ಹಾಗೂ ನವಜೀವನ ಆಸ್ಪತ್ರೆ ಮೇಲೆ ದಾಳಿ ನಡೆಸಿದಂತೆ ನಾಟಕವಾಡಿದ್ದರು. ತನಿಖೆ ನಡೆಸಿ ನಿಮ್ಮ ವಿರುದ್ಧ ಮೇಲಧಿಕಾರಿಗಳಿಗೆ ವರದಿ ಸಲ್ಲಿಸಲಾಗವುದು. ಅದಕ್ಕೂ ಮುಂಚೆ ಹಣಕೊಟ್ಟು ಸಮಸ್ಯೆ ಬಗೆಹರಿಸಿಕೊಳ್ಳುವಂತೆ ವೈದ್ಯರಿಗೆ ಸೂಚಿಸಿದ್ದರು’ ಎಂದು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಡಿ.ದೇವರಾಜ್‌ ತಿಳಿಸಿದ್ದಾರೆ.

‘ಬಾವಗೆ ಆಸ್ಪತ್ರೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಡಾ.ಮಂಜುನಾಥ ಶರಣಪ್ಪ ಅವರಿಗೆ ಅನುಮಾನ ಬಂದು ಗುರುತಿನ ಚೀಟಿ ಕೇಳಿದ್ದಾರೆ. ಗೆಸ್ಟ್‌ಹೌಸ್‌ಗೆ ಬಂದರೆ ಗುರುತಿನ ಚೀಟಿ ತೋರಿಸುವುದಾಗಿ ದಾಳಿ ಮಾಡಿದ ವ್ಯಕ್ತಿಗಳು ನಂಬಿಸಿದ್ದಾರೆ. ಮರುದಿನ ಡಾ.ಮಂಜುನಾಥ ಅವರು ಕಾಂಪೌಂಡರ್ ನಾಗರಾಜ ಹಾಗೂ ಮಹೇಶ ಬಾವಗೆ ಅವರೊಂದಿಗೆ ಗೆಸ್ಟ್‌ಹೌಸ್‌ಗೆ ಬಂದಾಗ ಕೇಳಿದಷ್ಟು ಹಣಕೊಡುವಂತೆ ಒತ್ತಡ ಹಾಕಿದ್ದಾರೆ. ಡಾ.ಮಂಜುನಾಥ ಅವರು ತಮ್ಮ ಗೆಳೆಯರಿಗೆ ಮೊಬೈಲ್‌ ಕರೆ ಮಾಡಿ ವಿಚಾರಿಸಿದಾಗ ಇದೇ ತಂಡ ನವಜೀವನ ಆಸ್ಪತ್ರೆಗೂ ಹೋಗಿ ಹಣ ಕೇಳಿರುವುದು ಗೊತ್ತಾಗಿದೆ. ಡಾ. ಮಂಜುನಾಥ ಅವರು ಸಂಜೆ ದೂರು ನೀಡಿದ ನಂತರ ಆರೋಪಿಗಳನ್ನು ಬಂಧಿಸಲಾಯಿತು’ ಎಂದು ಅವರು ಹೇಳಿದ್ದಾರೆ.

ಅಪರಿಚಿತ ವ್ಯಕ್ತಿಗಳು ಅಧಿಕಾರಿಗಳೆಂದು ಪರಿಚಯಿಸಿಕೊಂಡು ಹಣ ವಸೂಲಿ ಮಾಡಲು ಯತ್ನಿಸಿದರೆ ತಕ್ಷಣ ಪೊಲೀಸರಿಗೆ ದೂರು ಕೊಡುವಂತೆ ಡಿ.ದೇವರಾಜ್‌ ಮನವಿ ಮಾಡಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು

ಬಸವಕಲ್ಯಾಣ
ಮೂಢನಂಬಿಕೆ ವಿರೋಧಿಸಿದ್ದ ಶರಣರು

ಮೂಢನಂಬಿಕೆ, ಕಂದಾಚಾರ ವಿರೋಧಿಸಿ ಪ್ರಗತಿಪರ ವಿಚಾರಧಾರೆ ಹೊಂದಿದ್ದ ಬಸವಾದಿ ಶರಣರು ಜನಸಾಮಾನ್ಯರಲ್ಲಿ ಅರಿವು ಮೂಡಿಸಲು ಪ್ರಯತ್ನಿಸಿದ್ದರು' ಎಂದು ಹರಳಯ್ಯ ಪೀಠದ ಸಂಚಾಲಕಿ ಡಾ.ಗಂಗಾಂಬಿಕಾ ಪಾಟೀಲ...

26 Apr, 2018

ಹುಮನಾಬಾದ್
ಆರ್ಯವೈಶ್ಯ ವಿದ್ಯಾರ್ಥಿ ನಿಲಯ ಆರಂಭ

ಹುಮನಾಬಾದ್ ‘ಜಿಲ್ಲಾ ಕೇಂದ್ರದಲ್ಲಿ ಶೀಘ್ರ ಆರ್ಯವೈಶ್ಯ ವಿದ್ಯಾರ್ಥಿ ವಸತಿ ನಿಲಯ ಆರಂಭಿಸಲು ನಿರ್ಧರಿಸಲಾಗಿದೆ’ ಎಂದು ಸಮಾಜ ಜಿಲ್ಲಾ ಘಟಕ ಅಧ್ಯಕ್ಷ ಡಿ.ಆರ್.ಚಿದ್ರಿ ಹೇಳಿದರು.

26 Apr, 2018

ಬೀದರ್
ತಲೆನೋವಾದ ಬಂಡಾಯ ಅಭ್ಯರ್ಥಿಗಳು

ಬೀದರ್ ಜಿಲ್ಲೆಯಲ್ಲಿ ಪ್ರಮುಖ ರಾಜಕೀಯ ಪಕ್ಷಗಳ ಟಿಕೆಟ್‌ ದೊರೆಯದ ಮುಖಂಡರು ಮಾತೃ ಪಕ್ಷಗಳ ವಿರುದ್ಧವೇ ಬಂಡಾಯ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಿದ್ದಾರೆ.

26 Apr, 2018
ಹೆಚ್ಚುತ್ತಿರುವ ಬಿಸಿಲು: ಸೂರ್ಯಾಘಾತ ಆತಂಕ

ಬೀದರ್
ಹೆಚ್ಚುತ್ತಿರುವ ಬಿಸಿಲು: ಸೂರ್ಯಾಘಾತ ಆತಂಕ

26 Apr, 2018
ಮಾನವೀಯತೆ ಮರೆದ ಬಸವಲಿಂಗ ಪಟ್ಟದ್ದೇವರು

ಭಾಲ್ಕಿ
ಮಾನವೀಯತೆ ಮರೆದ ಬಸವಲಿಂಗ ಪಟ್ಟದ್ದೇವರು

25 Apr, 2018