ಸಕಲೇಶಪುರ

ಭತ್ತದ ಬೆಳೆಗೆ ಸೈನಿಕ ಹುಳುಗಳ ಕಾಟ

ಒಂದು ಎಕರೆಗೆ ಔಷಧ ತಯಾರಿಸಲು 25ಕೆ.ಜಿ ಭತ್ತದ ತೌಡು, 5 ಕೆ.ಜಿ ಬೆಲ್ಲ ಮತ್ತು 10 ಲೀ ನೀರನ್ನು ಡ್ರಮ್ಮಿನಲ್ಲಿ ಇಟ್ಟು, ಎರಡೂ ದಿನ ಬಿಡಬೇಕು. ಎರಚುವ ಹತ್ತು ನಿಮಿಷ ಮೊದಲು ಆಮ್ಲ 250 ಎಂ.ಎಲ್ ಅಥವಾ ಲಾರ್ವಿನ್ (ಥಯೊಡಿಕಾರ್ಬೂ) 250ಗ್ರಾಂ ಅನ್ನು ಮಿಶ್ರಣ ಮಾಡಬೇಕು

ಸಕಲೇಶಪುರ: ತಾಲ್ಲೂಕಿನಲ್ಲಿ ಭತ್ತದ ಬೆಳೆಗೆ ಸೈನಿಕ ಹುಳುಗಳ ಬಾಧೆ ಇದ್ದು, ಭತ್ತದ ಬೆಳೆ ನಾಶ ಮಾಡುತ್ತಿರುವುದು ರೈತರ ಆತಂಕಕ್ಕೆ ಕಾರಣವಾಗಿದೆ. ಹಾನುಬಾಳು ಹೋಬಳಿ ವ್ಯಾಪ್ತಿಯ ದಬ್ಬೇಗದ್ದೆಯಲ್ಲಿ ಸುಮಾರು 20 ಎಕರೆ ಪ್ರದೇಶದ ಭತ್ತದ ಗದ್ದೆಯಲ್ಲಿ ಸೈನಿಕ ಹುಳುಗಳ ದಾಳಿಗೆ ಬೆಳೆ ಹಾನಿಯಾಗಿದೆ. ಹೆತ್ತೂರು, ಯಸಳೂರು ಹೋಬಳಿ ವ್ಯಾಪ್ತಿಯಲ್ಲಿ ಸಹ ಸೈನಿಕ ಹುಳುಗಳ ಬಾಧೆಯಿಂದ ರೈತರ ನೆಮ್ಮದಿಗೆ ಭಂಗ ತಂದಿದೆ. 

ಹುಳು ಬಾಧೆ: ಭತ್ತದ ಬೆಳೆ ಮಾಗುವ ಹಂತದಿಂದ ಕಟಾವು ಹಂತದಲ್ಲಿ ಸೈನಿಕ ಹುಳುಗಳು ಭತ್ತದ ತೆನೆಗಳನ್ನು ಕತ್ತರಿಸುತ್ತವೆ. ಹಗಲು ತೆಂಡೆಗಳ ಬುಡ ಅಥವಾ ಮಣ್ಣಿನಲ್ಲಿ ಅಡಗಿದ್ದು, ರಾತ್ರಿವೇಳೆ ತೆನೆ ಮತ್ತು ಗರಿಗಳನ್ನು ತಿಂದು ನಾಶಪಡಿಸುತ್ತವೆ.

ಇವುಗಳ ನಿಯಂತ್ರಣ ರೈತರಿಗೆ ಕಷ್ಟವಾಗಿದೆ. ಶೇ 40ರಷ್ಟು ಬೆಳೆಯನ್ನು ಹುಳುಗಳು ನಾಶ ಮಾಡಿವೆ ಎಂದು ದಬ್ಬೇಗದ್ದೆ ಗ್ರಾಮದ ಪ್ರಗತಿಪರ ರೈತ ಸುಬ್ರಾಯಗೌಡ ಹೇಳಿದರು. ರೋಗ ನಿಯಂತ್ರಣಕ್ಕೆ ಕ್ರಮಗಳು: ಗದ್ದೆಯಲ್ಲಿ ಮೊದಲು ನೀರು ಖಾಲಿಮಾಡಿ ಸಿಂಪಡಣೆಗೆ ಅವಕಾಶವಿದ್ದಲ್ಲಿ ಆಮ್ಲ 1 ಎಂ.ಎಲ್. ಒಂದು ಲೀ ನೀರಿಗೇ ಅಥವಾ ಲಾರ್ವಿನ್ 1 ಎಂ.ಎಲ್. ಒಂದು ಲೀಟರ್ ನೀರಿಗೆ ಬೆರೆಸಿ ಬುಡಕ್ಕೆ ಸಿಂಪರಣೆ ಮಾಡಬೇಕು ಎಂದು ಕೃಷಿ ಇಲಾಖೆ ಅಧಿಕಾರಿಗಳು ಸಲಹೆ ಮಾಡಿದ್ದಾರೆ.

ಒಂದು ಎಕರೆಗೆ ಔಷಧ ತಯಾರಿಸಲು 25ಕೆ.ಜಿ ಭತ್ತದ ತೌಡು, 5 ಕೆ.ಜಿ ಬೆಲ್ಲ ಮತ್ತು 10 ಲೀ ನೀರನ್ನು ಡ್ರಮ್ಮಿನಲ್ಲಿ ಇಟ್ಟು, ಎರಡೂ ದಿನ ಬಿಡಬೇಕು. ಎರಚುವ ಹತ್ತು ನಿಮಿಷ ಮೊದಲು ಆಮ್ಲ 250 ಎಂ.ಎಲ್ ಅಥವಾ ಲಾರ್ವಿನ್ (ಥಯೊಡಿಕಾರ್ಬೂ) 250ಗ್ರಾಂ ಅನ್ನು ಮಿಶ್ರಣ ಮಾಡಬೇಕು ಎಂದು ಹೇಳಿದ್ದಾರೆ.

ಸಂಜೆ 5ರ ನಂತರ ಕೈ ಕವಚ ಧರಿಸಿ ಬೆಳೆಗಳಿಗೆ ಎರಚಬೇಕು. ದನಕರುಗಳಿಗೆ ಇಲ್ಲಿ ಮೇಯಲು ಬಿಡಬಾರದು. ಮೇಲಿನ ಹತೋಟಿ ಕ್ರಮಗಳನ್ನು ರೈತರು ತುರ್ತಾಗಿ ಮತ್ತು ಸಾಮೂಹಿಕವಾಗಿ ಕೈಕೊಂಡರೆ ಸೈನಿಕ ಹುಳುವಿನ ನಿರ್ವಹಣೆ ಸಾಧ್ಯ ಎಂದು ಕೃಷಿ ಸಹಾಯಕ ಎಚ್‌. ಶ್ರೀನಿವಾಸ್‌ ಹೇಳುತ್ತಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ವೀರಶೈವ–ಲಿಂಗಾಯತರಿಗೆ ಟಿಕೆಟ್‌ ಸಿಗದಿದ್ದರೆ ತಕ್ಕಪಾಠ

ಬೇಲೂರು
ವೀರಶೈವ–ಲಿಂಗಾಯತರಿಗೆ ಟಿಕೆಟ್‌ ಸಿಗದಿದ್ದರೆ ತಕ್ಕಪಾಠ

23 Jan, 2018

ಹಾಸನ
ರೋಹಿಣಿ ವರ್ಗ –ಸಚಿವರ ಒತ್ತಡಕ್ಕೆ ಮಣಿದ ಸರ್ಕಾರ

2017ರ ಜುಲೈ 14ರಂದು ಜಿಲ್ಲಾಧಿಕಾರಿಯಾಗಿ ಅಧಿಕಾರ ವಹಿಸಿಕೊಂಡಿದ್ದ ರೋಹಿಣಿ ಸಿಂಧೂರಿ, ಆರಂಭದಲ್ಲೆ ಆಡಳಿತ ಯಂತ್ರಕ್ಕೆ ಚುರುಕುಮುಟ್ಟಿಸಿ ಹುಬ್ಬೇರುವಂತೆ ಮಾಡಿದ್ದರು.

23 Jan, 2018

ಹಾಸನ
ಕಿತ್ತಳೆ ಹಣ್ಣು ಕೆ.ಜಿ.ಗೆ ₹ 20 ಇಳಿಕೆ

ಬೀನ್ಸ್ ಕೆ.ಜಿ.ಗೆ ₹ 40, ಆಲೂಗೆಡ್ಡೆ ₹ 20, ಕ್ಯಾರೆಟ್ ₹ 60, ಹಾಗಲಕಾಯಿ ₹ 40, ದಪ್ಪ ಮೆಣಸಿನ ಕಾಯಿ ₹ 60,...

23 Jan, 2018
ಕಟ್ಟಿನಕೆರೆ ಮಾರುಕಟ್ಟೆ ನವೀಕರಣ ಶುರು

ಹಾಸನ
ಕಟ್ಟಿನಕೆರೆ ಮಾರುಕಟ್ಟೆ ನವೀಕರಣ ಶುರು

22 Jan, 2018

ಹಿರೀಸಾವೆ
ಪಿಯು ಕಾಲೇಜು: ನಿರ್ಮಾಣ ವಿಳಂಬಕ್ಕೆ ಆಕ್ರೋಶ

ಕೆಆರ್‌ಐಡಿಎಲ್ ಮತ್ತು ಪದವಿಪೂರ್ವ ಶಿಕ್ಷಣ ಇಲಾಖೆಯು ₹52 ಲಕ್ಷ ವೆಚ್ಚದಲ್ಲಿ 2 ಕೊಠಡಿಗಳ ಕಟ್ಟಡ ನಿರ್ಮಾಣ ಕಾಮಗಾರಿಯನ್ನು 2016ರಲ್ಲಿ ಆರಂಭಿಸಿದೆ

22 Jan, 2018