ಹಾವೇರಿ

ಶೌಚಾಲಯ ನಿರ್ಮಾಣಕ್ಕೆ ಸಿಬ್ಬಂದಿ ಸಾಹಸ

‘ಸರ್ವೆ ಮೂಲಕ ನಗರದಲ್ಲಿ 2,174 ಶೌಚಾಲಯ ರಹಿತ ಕುಟುಂಬಗಳನ್ನು ಗುರುತಿಸಲಾಗಿತ್ತು. ಈ ಪೈಕಿ ಸ್ವಚ್ಛ ಭಾರತ ಅಭಿಯಾನದ ಅಡಿ 707 ಮಂದಿ ಶೌಚಾಲಯ ನಿರ್ಮಿಸಿಕೊಂಡರು.

ಹಾವೇರಿಯ ನಾಗೇಂದ್ರನಮಟ್ಟಿಯಲ್ಲಿ ನಸುಕಿನಲ್ಲೇ ಜಾಗೃತಿ ಮೂಡಿಸುತ್ತಿರುವ ಪೌರಾಯುಕ್ತರು ಹಾಗೂ ನಗರಸಭೆ ಸಿಬ್ಬಂದಿ

ಹಾವೇರಿ: ಜಿಲ್ಲೆಯ ಎಲ್ಲ ನಗರ ಹಾಗೂ ಪಟ್ಟಣ ಪ್ರದೇಶಗಳನ್ನು ಬಯಲು ಬಹಿರ್ದೆಸೆ ಮುಕ್ತ ಪ್ರದೇಶ ಮಾಡಲು ಜಿಲ್ಲಾಡಳಿತ ಪಣ ತೊಟ್ಟರೆ, ಹಾವೇರಿ ನಗರಸಭೆ ಸಿಬ್ಬಂದಿ ‘ಚೆಂಬು ಹಿಡಿದವರ’ ಮನವೊಲಿಸಲು ಬೀದಿಗಿಳಿದಿದ್ದಾರೆ.

ನಗರದ 31 ವಾರ್ಡ್‌ಗಳ ಪೈಕಿ ಶೌಚಾಲಯ ರಹಿತ ಕುಟುಂಬಗಳು ಹೆಚ್ಚಿರುವ ನಾಗೇಂದ್ರನ ಮಟ್ಟಿಯ ನಾಲ್ಕು (3,4,5,14) ವಾರ್ಡ್‌ಗಳಲ್ಲಿ ವಾರದಿಂದ ಕಾರ್ಯಾಚರಣೆ ತೀವ್ರಗೊಳಿಸಿದ್ದಾರೆ. ಬಯಲು ಬಹಿರ್ದೆಸೆಗೆ ಹೆಚ್ಚಾಗಿ ತೆರಳುವ ಬೀದಿ ಬದಿ, ಗಿಡಗಂಟಿ, ಬೀಳು ಬಿದ್ದ ಜಾಗಗಳಿಗೇ ತೆರಳಿ ಜಾಗೃತಿ ಮೂಡಿಸುತ್ತಿದ್ದಾರೆ.

ಪೌರಾಯುಕ್ತ ಶಿವಕುಮಾರಯ್ಯ ನೇತೃತ್ವದಲ್ಲಿ ನಸುಕಿನ ಜಾವ 5 ಗಂಟೆಗೆ ತೆರಳುವ ಸಿಬ್ಬಂದಿ, ಚೆಂಬು ಹಿಡಿದು ಹೊರಟವರ ಮನವೊಲಿಕೆಗೆ ಯತ್ನಿಸುತ್ತಾರೆ. ಒಪ್ಪದಿದ್ದರೆ, ಅವರ ಹಿಂದೆಯೆ ಹಲಿಗೆ ಬಾರಿಸುತ್ತಾ ಹೋಗುತ್ತಾರೆ. ಹಲಿಗೆ ನಾದಕ್ಕು ಜಗ್ಗದವರ ವಿಡಿಯೊ ಚಿತ್ರೀಕರಣ ಮಾಡಲು ಆರಂಭಿಸಿದ್ದಾರೆ.

‘ಸರ್ವೆ ಮೂಲಕ ನಗರದಲ್ಲಿ 2,174 ಶೌಚಾಲಯ ರಹಿತ ಕುಟುಂಬಗಳನ್ನು ಗುರುತಿಸಲಾಗಿತ್ತು. ಈ ಪೈಕಿ ಸ್ವಚ್ಛ ಭಾರತ ಅಭಿಯಾನದ ಅಡಿ 707 ಮಂದಿ ಶೌಚಾಲಯ ನಿರ್ಮಿಸಿಕೊಂಡರು. ಗುರಿ ಸಾಧಿಸಲು ಜಿಲ್ಲಾಧಿಕಾರಿಗಳ ಮಾರ್ಗದರ್ಶನ ಹಾಗೂ ಪೌರಾಯುಕ್ತರ ನೇತೃತ್ವದಲ್ಲಿ ಅಭಿಯಾನ ಆರಂಭಿಸಿದ್ದೇವೆ’ ಎಂದು ನಗರ ಸಭೆಯ ಪರಿಸರ ಎಂಜಿನಿಯರ್ ಚಂದ್ರಕಾಂತ ಗುಡ್ನೆವರ್ ತಿಳಿಸಿದರು.

‘ತಿಂಗಳಿಂದ ಅಭಿಯಾನ ತೀವ್ರಗೊಂಡಿದ್ದು, 924 ಕುಟುಂಬಗಳು ಶೌಚಾಲಯ ನಿರ್ಮಿಸಿಕೊಂಡಿವೆ. ಇನ್ನೂ 1,250 ಕುಟುಂಬಗಳು ಬಾಕಿ ಇವೆ. ಈ ಪೈಕಿ ನಾಗೇಂದ್ರನ ಮಟ್ಟಿಯ ನಾಲ್ಕು ವಾರ್ಡ್‌ಗಳಲ್ಲೇ 643 ಕುಟುಂಬಗಳಿವೆ. ಹೀಗಾಗಿ ಅವಿರತ ಪ್ರಯತ್ನದಲ್ಲಿ ತೊಡಗಿದ್ದೇವೆ. ಜೆಸಿಬಿ ಮೂಲಕ ಹೊಂಡ ಹಾಗೂ ಇತರ ಸಹಕಾರ ನೀಡುತ್ತಿದ್ದೇವೆ’ ಎನ್ನುತ್ತಾರೆ ಪೌರಾಯುಕ್ತ ಬಿ.ಎಸ್. ಶಿವಕುಮಾರಯ್ಯ.

‘ಕೆಲವರು ಶೌಚಾಲಯ ಇದ್ದರೂ ಬಳಸುತ್ತಿಲ್ಲ. ಮೌಢ್ಯಗಳ ಕಾರಣವೂ ಇದೆ. ಕೆಲವು ಬಾಡಿಗೆ ಮನೆಗಳಿಗೇ ಶೌಚಾಲಯ ಇಲ್ಲ. ಹಲವೆಡೆ ನಿರ್ಮಿಸಲು ಜಾಗವಿಲ್ಲ. ಹಲವರು ಹೊಸ ನಿವೇಶನದಲ್ಲಿ ನಿರ್ಮಿಸುತ್ತೇವೆ ಎಂದು ಸಬೂಬು ನೀಡುತ್ತಾರೆ. ಇನ್ನೂ ಕೆಲವರು ನಮ್ಮ ವಿರುದ್ಧವೇ ವಾಗ್ದಾಳಿ ನಡೆಸುತ್ತಾರೆ. ಒಟ್ಟಾರೆ, ಬೆಳಿಗ್ಗೆ 5 ಗಂಟೆಗೆ ‘ಮೂಗು ಮುಚ್ಚಿಕೊಂಡು’ ಅಭಿಯಾನ ಶುರು ಮಾಡುತ್ತೇವೆ’ ಎಂದು ಸಿಬ್ಬಂದಿ ಎಸ್.ಪಿ. ಕಮದೋಡ ಅನುಭವ ಹಂಚಿಕೊಂಡರು. ಪೌರ ಕಾರ್ಮಿಕರು ಸಾಥ್ ನೀಡುತ್ತಿದ್ದಾರೆ.

ಅಭಿಯಾನ: ‘ಹಲವರಿಗೆ ಆಶ್ರಯ ವಸತಿ ಮಂಜೂರಾಗಿದೆ. ಹೀಗಾಗಿ, ಅಲ್ಲಿ ಶೌಚಾಲಯ ನಿರ್ಮಿಸಿಕೊಳ್ಳುವ ಭರವಸೆ ನೀಡಿದ್ದಾರೆ. ಆದರೆ, ಅಧಿಕಾರಿಗಳು ಉತ್ತಮ ಅಭಿಯಾನ ಹಮ್ಮಿಕೊಂಡಿದ್ದು, ಯಶಸ್ವಿಯಾಗುತ್ತಿದೆ. ಆದರೆ, ಹಣ ಪಾವತಿ ತ್ವರಿತಗತಿಯಲ್ಲಿ ಮಾಡಬೇಕು’ ಎನ್ನುತ್ತಾರೆ 3ನೇವಾರ್ಡ್‌ ಸದಸ್ಯ ಮಲ್ಲೇಶಪ್ಪ ಪಟ್ಟಣಶೆಟ್ಟಿ. ಈ ಅಭಿಯಾನದ ಅಡಿಯಲ್ಲಿ ಅತಿ ಹೆಚ್ಚು ಶೌಚಾಲಯ (202) ಅವರ ವಾರ್ಡ್‌ನಲ್ಲಿ ನಿರ್ಮಾಣಗೊಂಡರೆ, ಎರಡನೇ ಶ್ರೇಯ ಐ.ಯು. ಪಠಾಣ್‌ ಅವರ 12ನೇ (105) ವಾರ್ಡ್‌ಗಿದೆ.

ಶೌಚಾಲಯ ಹೊಂದಿರುವ (ಸಾಧನೆ)ವಾರ್ಡ್‌ಗಳು

ಸ್ಥಾನ –ವಾರ್ಡ್ –ಸದಸ್ಯರು –ನಿರ್ಮಾಣಕ್ಕೆ ಬಾಕಿ
1. –10 –ರಮೇಶ ಕಡಕೋಳ –0
2. –07 –ಮಂಜುನಾಥ (ಗಣೇಶ)ಬಿಷ್ಟಣ್ಣನವರ –1
3. –13 –ನಿರಂಜನ ಹೇರೂರ –3
3. –06 –ಪಾರ್ವತೆಮ್ಮ ಹಲಗಣ್ಣನವರ –3
4. –19 –ಇರ್ಫಾನ್ ಖಾನ್ ಪಠಾಣ್ –4
5. –20 –ಲಲಿತಾ ಹೂಲಿಕಟ್ಟಿ –5
5. –28 –ರೇಣುಕಾ ಪೂಜಾರ –5
 

ಅತಿ ಹೆಚ್ಚು ಶೌಚಾಲಯ ರಹಿತ ಕುಟುಂಬಗಳಿರುವ ವಾರ್ಡ್‌ಗಳು

ಸ್ಥಾನ –ವಾರ್ಡ್ –ಸದಸ್ಯರು –ಶೌಚಾಲಯ ರಹಿತ ಕುಟುಂಬಗಳು
1. –03 –ಮಲ್ಲೇಶಪ್ಪ ಪಟ್ಟಣಶೆಟ್ಟಿ –236
2. –14 –ಸತೀಶ ಹಾವೇರಿ –149
3. –05 –ಹನುಮಂತಪ್ಪ ದೇವಗಿರಿ –138
4. –04 –ವೆಂಕಟೇಶ ಇಟಗಿ –120
5. –12 –ಐ.ಯು. ಪಠಾಣ್ –94
 

Comments
ಈ ವಿಭಾಗದಿಂದ ಇನ್ನಷ್ಟು

ಹಾನಗಲ್
ಹಾನಗಲ್‌ ಕಾಂಗ್ರೆಸ್‌ನ ಭದ್ರ ಕೋಟೆ: ಮಾನೆ

‘ಹಾನಗಲ್‌ ವಿಧಾನಸಭಾ ಕ್ಷೇತ್ರದಲ್ಲಿ ಗೆಲ್ಲುವ ಪಕ್ಷ ರಾಜ್ಯದ ಚುಕ್ಕಾಣಿ ಹಿಡಿಯುತ್ತದೆ, ಹಾನಗಲ್‌ ಕಾಂಗ್ರೆಸ್‌ನ ಭದ್ರ ನೆಲೆ’ ಎಂದು ಕಾಂಗ್ರೆಸ್‌ ಅಭ್ಯರ್ಥಿ ಶ್ರೀನಿವಾಸ ಮಾನೆ ಹೇಳಿದರು. ...

23 Apr, 2018
ಹಂದಿಗಳ ಹಾವಳಿ: ರೋಸಿಹೋದ ಜನ

ಕುಮಾರಪಟ್ಟಣ
ಹಂದಿಗಳ ಹಾವಳಿ: ರೋಸಿಹೋದ ಜನ

23 Apr, 2018
ಒಣಗಿದ ಬೃಹತ್ ಬೇವಿನ ಮರ: ಆತಂಕದಲ್ಲಿ ವಾಹನ ಸವಾರರು

ಕುಮಾರಪಟ್ಟಣ
ಒಣಗಿದ ಬೃಹತ್ ಬೇವಿನ ಮರ: ಆತಂಕದಲ್ಲಿ ವಾಹನ ಸವಾರರು

23 Apr, 2018

ಸವಣೂರ
ಪುರಸಭೆಯಿಂದ ಮತದಾನ ಜಾಗೃತಿ ಜಾಥಾ

ಭಾರತದ ಪ್ರತಿಯೊಬ್ಬ ಪ್ರಜೆಗೆ ಮತದಾನ ಜನ್ಮಸಿದ್ಧಹಕ್ಕು. ಅದನ್ನು ಯಾವುದೇ ಆಸೆ ಆಮಿಷಗಳಿಗೆ ಒಳಗಾಗದೆ, ಹಕ್ಕನ್ನು ಮಾರಿಕೊಳ್ಳದೆ ಯೋಗ್ಯ ಅಭ್ಯರ್ಥಿಗೆ ಮತ ನೀಡಬೇಕು ಎಂದು ಜಿಲ್ಲಾ...

21 Apr, 2018

ಶಿಗ್ಗಾವಿ
ಸ್ಪರ್ಧೆ ಯಾರ ವಿರುದ್ಧವಲ್ಲ; ಜನಸೇವೆಗಾಗಿ

‘ನಾನು ಚುನಾವಣೆ ಕಣಕ್ಕಿಳಿದಿರುವುದು ಯಾರ ವಿರುದ್ಧವಲ್ಲ. ಯಾರನ್ನೂ ಸೋಲಿಸಲು ಅಲ್ಲ. ಜನ ಸೇವೆ, ಅಭಿವೃದ್ಧಿಗಾಗಿ ಎಂಬುವುದನ್ನು ಮರೆಯಬಾರದು’ ಎಂದು ವಿಧಾನ ಪರಿಷತ್ ಸದಸ್ಯ ಸೋಮಣ್ಣ...

21 Apr, 2018