ಗೋಕಾಕ

‘ಕ್ಷೇತ್ರದ ಪ್ರಗತಿಪರ ಕಾರ್ಯಗಳಲ್ಲಿ ತಾರತಮ್ಯ ಮಾಡಿಲ್ಲ ’

ಎಲ್ಲ ಸಮಾಜದವರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಸರ್ವತೋಮುಖ ಏಳ್ಗೆಗಾಗಿ ಶ್ರಮಿಸುತ್ತಿದ್ದೇನೆ. ಮುಂದಿನ ಐದು ವರ್ಷಗಳ ಅವಧಿಯಲ್ಲಿ ಕ್ಷೇತ್ರದ ಸರ್ವಾಂಗೀಣ ವಿಕಾಸಕ್ಕೆ ಇನ್ನೂ ಹತ್ತು–ಹಲವು ಯೋಜನೆಗಳನ್ನು ರೂಪಿಸಲಾಗಿದೆ

ಗೋಕಾಕ: ಕ್ಷೇತ್ರದ ಪ್ರಗತಿಪರ ಕಾರ್ಯಗಳಲ್ಲಿ ಎಂದಿಗೂ ತಾರತಮ್ಯ ಮಾಡಿಲ್ಲ ಎಂದು ಅರಭಾವಿ ಶಾಸಕ ಬಾಲಚಂದ್ರ ಜಾರಕಿಹೊಳಿ ಹೇಳಿದರು.ಸೋಮವಾರ ತಾಲ್ಲೂಕಿನ ಬೀರನಗಡ್ಡಿ ಗ್ರಾಮದಲ್ಲಿ ನಡೆದ ₹. 45.25 ಲಕ್ಷ ವೆಚ್ಚದ ವಿವಿಧ ಕಾಮಗಾರಿಗಳ ಉದ್ಘಾಟನೆ ನೆರವೇರಿಸಿ ಮಾತನಾಡುತ್ತಿದ್ದ ಅವರು, ಕಳೆದ ವರ್ಷಗಳಿಂದ ಅರಭಾವಿ ಕ್ಷೇತ್ರದ ಜನರ ಜೊತೆ ಒಡನಾಟ ಹೊಂದಿದ್ದು, 2004ರಿಂದ ಕ್ಷೇತ್ರದ ಶಾಸಕನಾಗಿ, ಸಚಿವನಾಗಿ ಈ ಭಾಗದ ಅಭಿವೃದ್ಧಿಗೆ ಹೆಚ್ಚಿನಾಧ್ಯತೆ ನೀಡಿದ್ದೇನೆ.

ಎಲ್ಲ ಸಮಾಜದವರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಸರ್ವತೋಮುಖ ಏಳ್ಗೆಗಾಗಿ ಶ್ರಮಿಸುತ್ತಿದ್ದೇನೆ. ಮುಂದಿನ ಐದು ವರ್ಷಗಳ ಅವಧಿಯಲ್ಲಿ ಕ್ಷೇತ್ರದ ಸರ್ವಾಂಗೀಣ ವಿಕಾಸಕ್ಕೆ ಇನ್ನೂ ಹತ್ತು–ಹಲವು ಯೋಜನೆಗಳನ್ನು ರೂಪಿಸಲಾಗಿದೆ ಎಂದುಸರ್ಕಾರದಿಂದ ಸಾವಿರಾರು ಕೋಟಿ ರೂ.ಗಳ ವೆಚ್ಚದಲ್ಲಿ ವಿವಿಧ ಇಲಾಖೆಗಳ ಸಹಾಯದಡಿ ಅಭಿವೃದ್ಧಿಪರ ಕೆಲಸಗಳನ್ನು ಮಾಡಿದ್ದೇನೆ.

ಅಭಿವೃದ್ಧಿಯೇ ಮೂಲ ಮಂತ್ರ ತತ್ವದಡಿ ಜಾತ್ಯಾತೀತ ಹಾಗೂ ಪಕ್ಷಾತೀತವಾಗಿ ಅರಭಾವಿ ಕ್ಷೇತ್ರದ ಅಭ್ಯುದಯಕ್ಕೆ ಶ್ರಮಿಸುತ್ತಿದ್ದೇನೆ. ತಮ್ಮಲ್ಲಿರುವ ಸಣ್ಣ–ಪುಟ್ಟ ಭಿನ್ನಾಭಿಪ್ರಾಯಗಳನ್ನು ಬದಿಗಿಟ್ಟು ಗ್ರಾಮದ ಅಭಿವೃದ್ಧಿಗೆ ಶ್ರಮಿಸುವಂತೆ ಗ್ರಾಮಸ್ಥರಿಗೆ ಸಲಹೆ ನೀಡಿದರು.

ಡಿಸೆಂಬರ ತಿಂಗಳೊಳಗೆ ಲೋಳಸೂರ–-ಹುಣಶ್ಯಾಳ ಪಿಜಿವರೆಗೆ ರಸ್ತೆ ಸುಧಾರಣೆಯನ್ನು ಮಾಡಲಾಗುವುದು. ಮಹಿಳಾ ಸಂಘಗಳಿಗೆ ಸಹಾಯಧನ ವಿತರಿಸಲಾಗುವುದು. ಬೀರನಗಡ್ಡಿ ಗ್ರಾಮದ ಅಭಿವೃದ್ಧಿಗೆ ಇನ್ನೂ ಹಲವು ಕಾಮಗಾರಿಗಳನ್ನು ಆರಂಭಿಸಲಾಗುವುದು ಎಂದು ಶಾಸಕ ಬಾಲಚಂದ್ರ ಜಾರಕಿಹೊಳಿ ಹೇಳಿದರು.

ಉದ್ಘಾಟನೆ: ಶಾಸಕರ ಪ್ರದೇಶಾಭಿವೃದ್ಧಿ ನಿಧಿಯಿಂದ ₹. 6 ಲಕ್ಷ ವೆಚ್ಚದಲ್ಲಿ ನೂತನವಾಗಿ ನಿರ್ಮಿಸಿದ ಬಸವೇಶ್ವರ ಸಮುದಾಯ ಭವನ, ನರೇಗಾ ಯೋಜನೆಯಡಿ ₹. 11.25 ಲಕ್ಷ ವೆಚ್ಚದಲ್ಲಿ ನಿರ್ಮಿಸಲಾದ ಅಂಗನವಾಡಿ ಕೇಂದ್ರ, ₹. 8 ಲಕ್ಷ ವೆಚ್ಚದಲ್ಲಿ ನಿರ್ಮಿಸಿದ ಸಾಮೂಹಿಕ ಶೌಚಾಲಯ ಹಾಗೂ ₹. 20 ಲಕ್ಷ ವೆಚ್ಚದಲ್ಲಿ ಎಸ್‌ಸಿಪಿ ಯೋಜನೆಯಡಿ ದಲಿತ ಸಮುದಾಯದ ರೈತರ ಜಮೀನುಗಳಿಗೆ ಘಟಪ್ರಭಾ ನದಿಯಿಂದ ಪೈಪಲೈನ್ ಕಾಮಗಾರಿಯನ್ನು ಅರಭಾವಿ ಶಾಸಕ ಬಾಲಚಂದ್ರ ಜಾರಕಿಹೊಳಿ ಉದ್ಘಾಟಿಸಿದರು.

ಸಾನಿಧ್ಯವನ್ನು ಅರಭಾವಿಮಠದ ದುರದುಂಡೇಶ್ವರ ಪುಣ್ಯಾರಣ್ಯ ಮಠದ ಸಿದ್ಧಲಿಂಗ ಸ್ವಾಮೀಜಿ ವಹಿಸಿದ್ದರು. ಅಧ್ಯಕ್ಷತೆಯನ್ನು ಸ್ಥಳೀಯ ಬಸಯ್ಯ ಪೂಜೇರಿ ವಹಿಸಿದ್ದರು. ಅತಿಥಿಗಳಾಗಿ ಪ್ರದೇಶ ಕುರುಬರ ಸಂಘದ ಅಧ್ಯಕ್ಷ ಡಾ. ರಾಜೇಂದ್ರ ಸಣ್ಣಕ್ಕಿ, ದುಂಡಪ್ಪ ತೆಳಗಡೆ, ಕಲ್ಲಪ್ಪ ಪಾಗಾದ, ಅಪ್ಪಯ್ಯ ಸಂಪಗಾಂವ, ರಾಮಲಿಂಗ ಕಳಸನ್ನವರ, ಬಸವಣ್ಣಿ ತೆಳಗಡೆ, ಬಸಲಿಂಗ ತೆಳಗಡೆ, ಶಿವಪ್ಪ ದೊಡಕೆಂಚನವರ, ಶಿವಪುತ್ರ ಭರಮನ್ನವರ ಮತ್ತಿತರರು ಉಪಸ್ಥಿತರಿದ್ದರು.

ವಕೀಲ ಬಸವರಾಜ ಕೋಟಗಿ ನಿರೂಪಿಸಿ, ವಂದಿಸಿದರು.
ಇದೇ ಸಂದರ್ಭದಲ್ಲಿ ಅರಭಾವಿ ಶಾಸಕ ಬಾಲಚಂದ್ರ ಜಾರಕಿಹೊಳಿ ಅವರನ್ನು ಬೀರನಗಡ್ಡಿ ಗ್ರಾಮಸ್ಥರು ಹೃದಯಸ್ಪರ್ಶಿಯಾಗಿ ಸತ್ಕರಿಸಿ, ಗೌರವಿಸಿದರು.

ಗಮನಸೆಳೆದ ಬೈಕ್ ಜಾಥಾ: ಬೀರನಗಡ್ಡಿ ಗ್ರಾಮದ ನೂರಾರು ಕಾರ್ಯಕರ್ತರು ಬಳೋಬಾಳದಿಂದ ಬೀರನಗಡ್ಡಿ ವರೆಗೆ ಬೈಕ್ ಜಾಥಾನಡೆಸಿ ಸಾರ್ವಜನಿಕರ ಗಮನ ಸೆಳೆದರು.

Comments
ಈ ವಿಭಾಗದಿಂದ ಇನ್ನಷ್ಟು
ಸವಲತ್ತು ವಂಚಿತ ಮಲಪ್ರಭಾ ನಗರ

ಬೆಳಗಾವಿ
ಸವಲತ್ತು ವಂಚಿತ ಮಲಪ್ರಭಾ ನಗರ

18 Jun, 2018

ಬೆಳಗಾವಿ
ಗುಂಡಿ ಮುಚ್ಚಲು ಅನುದಾನ ಕೊರತೆ ಇಲ್ಲ

‘ಗುಂಡಿಗಳನ್ನು ಮುಚ್ಚುವ ಕಾಮಗಾರಿ ಎಷ್ಟೇ ಇದ್ದರೂ ತೆಗೆದುಕೊಳ್ಳಿ, ಅದಕ್ಕೆ ಬೇಕಾಗುವಷ್ಟು ಅನುದಾನ ಒದಗಿಸಲಾಗುವುದು’ ಎಂದು ಲೋಕೋಪಯೋಗಿ ಸಚಿವ ಎಚ್.ಡಿ. ರೇವಣ್ಣ ಹೇಳಿದರು.

18 Jun, 2018

ಹುಕ್ಕೇರಿ
‘ಹಸಿರು ತಾಲ್ಲೂಕನ್ನಾಗಿಸಲು ಯತ್ನ’

ಹುಕ್ಕೇರಿ ‘ತಾಲ್ಲೂಕನ್ನು ಹಸಿರು ತಾಲ್ಲೂಕನ್ನಾಗಿ ಪರಿವರ್ತಿಸಲು ನಾಲ್ಕೂ ಗುಡ್ಡಗಳಲ್ಲಿ ಟ್ರೀ ಪಾರ್ಕ್‌ ಮಾಡಲು ಸರ್ಕಾರ ಹಾಗೂ ಶಾಸಕರನ್ನು ಆಗ್ರಹಿಸಲಾಗುವುದು’ ಎಂದು ಉದ್ಯಮಿ ಪೃಥ್ವಿ ಕತ್ತಿ...

18 Jun, 2018

ಅಥಣಿ
ಕೈಕೊಟ್ಟ ಮಳೆ, ರೈತರಲ್ಲಿ ನಿರಾಸೆ

ಅಥಣಿ ತಾಲ್ಲೂಕಿನಲ್ಲಿ ಮಳೆಯ ಲಕ್ಷಣ ಕಾಣುತ್ತಿಲ್ಲ. ಬಿಸಿಲಿನ ತಾಪ ಜಾಸ್ತಿಯಾಗುತ್ತಿದೆ. ಮುಂಗಾರು ಮಳೆ ನಿರೀಕ್ಷೆಯಲ್ಲಿದ್ದ ಜನ ನಿರಾಶರಾಗಿದ್ದಾರೆ. ಮೊದಲ ಒಂದೆರಡು ಮಳೆಗೆ ಕೆಲ ರೈತರು...

18 Jun, 2018
ಉಸ್ತುವಾರಿ ಸಚಿವರಿಗೆ ಕಚೇರಿಯೇ ಇಲ್ಲ!

ಬೆಳಗಾವಿ
ಉಸ್ತುವಾರಿ ಸಚಿವರಿಗೆ ಕಚೇರಿಯೇ ಇಲ್ಲ!

17 Jun, 2018