ಕಾರವಾರ

ಸಮುದಾಯ ಭವನ ನಿರ್ಮಾಣ ಬೇಡ

‘ನೌಕಾನೆಲೆ ಯೋಜನೆಗಾಗಿ ಮನೆ, ಜಮೀನುಗಳನ್ನು ಬಿಟ್ಟು ಮುದಗಾದ ಸೀಬರ್ಡ್ ಕಾಲೊನಿಯಲ್ಲಿ ವಾಸವಾಗಿದ್ದು, ಜೀವನೋಪಾಯಕ್ಕಾಗಿ ಕೆಲವರು ಗೂಡಂಗಡಿ ನಿರ್ಮಿಸಿಕೊಂಡು ವ್ಯಾಪಾರ ಮಾಡುತ್ತಿದ್ದಾರೆ.

ಸಮುದಾಯ ಭವನದ ಬದಲು ಮೀನು ಮಾರುಕಟ್ಟೆ ನಿರ್ಮಿಸಿ ಎಂದು ಒತ್ತಾಯಿಸಿ ಮುದಗಾ ಸೀಬರ್ಡ್‌ ಕಾಲೊನಿ ನಿವಾಸಿಗಳು ಸೋಮವಾರ ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸಿದರು

ಕಾರವಾರ:  ‘ಜೀವನೋಪಾಯಕ್ಕೆ ಸೀಬರ್ಡ್ ನಿರಾಶ್ರಿತರು ಗೂಡಂಗಡಿ ನಿರ್ಮಿಸಿಕೊಂಡಿದ್ದು, ಇದನ್ನು ತೆರವುಗೊಳಿಸಿ ಸಮುದಾಯ ಭವನ ನಿರ್ಮಾಣ ಮಾಡುವುದು ಬೇಡ’ ಎಂದು ಒತ್ತಾಯಿಸಿ ತಾಲ್ಲೂಕಿನ ಮುದಗಾ ಸೀಬರ್ಡ್ ಕಾಲೊನಿಯ ನಿವಾಸಿಗಳು ಸೋಮವಾರ ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸಿದರು.

‘ನೌಕಾನೆಲೆ ಯೋಜನೆಗಾಗಿ ಮನೆ, ಜಮೀನುಗಳನ್ನು ಬಿಟ್ಟು ಮುದಗಾದ ಸೀಬರ್ಡ್ ಕಾಲೊನಿಯಲ್ಲಿ ವಾಸವಾಗಿದ್ದು, ಜೀವನೋಪಾಯಕ್ಕಾಗಿ ಕೆಲವರು ಗೂಡಂಗಡಿ ನಿರ್ಮಿಸಿಕೊಂಡು ವ್ಯಾಪಾರ ಮಾಡುತ್ತಿದ್ದಾರೆ. ಈ ಜಾಗದಲ್ಲಿ ಸಭಾಭವನ ನಿರ್ಮಾಣ ಮಾಡಲು ಸ್ಥಳೀಯ ಗ್ರಾಮ ಪಂಚಾಯ್ತಿ ಉದ್ದೇಶಿಸಿದ್ದು, ಜಾಗವನ್ನು ಬಿಟ್ಟುಕೊಡಲು ಆದೇಶಿಸಿದೆ. ಈ ಭಾಗ ದಲ್ಲಿ ಸಮುದಾಯ ಭವನದ ಅವಶ್ಯಕತೆ ಇಲ್ಲ. ಬದಲಾಗಿ ಸುಸಜ್ಜಿತ ಮೀನು ಮಾರುಕಟ್ಟೆ ನಿರ್ಮಾಣ ಮಾಡಬಹುದು ಅಥವಾ ಈಗಿರುವ ಗೂಡಂಗಡಿಯನ್ನು ಮುಂದುವರಿಸಲು ಅವಕಾಶ ನೀಡಬೇಕು’ ಎಂದು ಆಗ್ರಹಿಸಿದರು.

ಮೀನು ಮಾರುಕಟ್ಟೆ ನಿರ್ಮಾಣಕ್ಕೆ ಸೂಚಿಸಿ: ‘ಇಲ್ಲಿನ ಆಂಜನೇಯ ದೇವಸ್ಥಾನದ ಬಳಿ ಸಭಾಭವನವಿದ್ದು, ಅಲ್ಲಿ ಬೇಕಾದಷ್ಟು ಸ್ಥಳಾವಕಾಶವಿದೆ. ಅದನ್ನು ಅಭಿವೃದ್ಧಿ ಪಡಿಸಬೇಕು. ಈ ಗೂಡಂಗಡಿಗಳನ್ನು ತೆರವು ಗೊಳಿಸಿದರೆ ಜೀವನೋಪಾಯಕ್ಕೆ ಕಷ್ಟವಾಗುತ್ತದೆ. ಹಿಂದಿನ ಜಿಲ್ಲಾಧಿ ಕಾರಿ ಉಜ್ವಲ್‌ಕುಮಾರ್‌ ಘೋಷ್ ಸ್ಥಳ ಪರಿಶೀಲನೆ ನಡೆಸಿ, ಸುಸಜ್ಜಿತ ಮೀನು ಮಾರುಕಟ್ಟೆ ನಿರ್ಮಾಣಕ್ಕೆ ಒಪ್ಪಿಗೆ ನೀಡಿದ್ದರು. ಆದರೆ ಅದರ ಸ್ಥಾಪನೆಯ ಪ್ರಸ್ತಾವ ಅರ್ಧಕ್ಕೆ ನಿಂತಿದೆ. ಈಗಲಾದರೂ ಮೀನು ಮಾರುಕಟ್ಟೆ ಒಳಗೊಂಡು ಬಹುಮಹಡಿ ಕಟ್ಟಡ ನಿರ್ಮಾಣ ಮಾಡಿದರೆ ಗೂಡಂಗಡಿಯವರಿಗೂ, ಮೀನು ಮಾರಾಟ ಮಹಿಳೆಯರಿಗೂ ಅನು ಕೂಲವಾಗುತ್ತದೆ. ಈ ಬಗ್ಗೆ ಜಿಲ್ಲಾಡಳಿತ ಗ್ರಾಮ ಪಂಚಾಯ್ತಿಗೆ ಸೂಚನೆ ನೀಡಬೇಕು’ ಎಂದು ಒತ್ತಾಯಿಸಿದರು.

ಮನವಿ ಸ್ವೀಕರಿಸಿದ ಜಿಲ್ಲಾಧಿಕಾರಿ ಎಸ್.ಎಸ್.ನಕುಲ್ ಮಾತನಾಡಿ, ‘ಸ್ಥಳೀಯ ಗ್ರಾಮ ಪಂಚಾಯ್ತಿಯಲ್ಲಿ ಸಮುದಾಯ ಭವನದ ಬದಲು ಮೀನು ಮಾರುಕಟ್ಟೆ ನಿರ್ಮಾಣಕ್ಕೆ ಠರಾವು ಮಾಡಿದರೆ ಮಾತ್ರ ಅದರ ನಿರ್ಮಾಣ ಸಾಧ್ಯ. ಈ ಬಗ್ಗೆ ನಿಮ್ಮ ಗ್ರಾಮ ಪಂಚಾಯ್ತಿಯವರೊಂದಿಗೆ ಚರ್ಚಿಸಿ’ ಎಂದರು. ಮುದಗಾದ ನಿವಾಸಿಗಳಾದ ಉದಯ ತಾಂಡೇಲ್, ಪ್ರಜ್ವಲ್ ಶೇಟ್, ವಿಜಯ್ ಹರಿಕಂತ್ರ, ಚಂದ್ರಕಾಂತ ದುರ್ಗೇಕರ್, ತೇಕು ದುರ್ಗೇಕರ್, ಪರ್ಸು ಹರಿಕಂತ್ರ ಹಾಜರಿದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು
ಕುಮಟಾ–ಹೊನ್ನಾವರ ಕ್ಷೇತ್ರ: ಸಣ್ಣ ಜನಾಂಗದ ಅಭ್ಯರ್ಥಿಜಯದ ಪರಂಪರೆ

ಕಾರವಾರ
ಕುಮಟಾ–ಹೊನ್ನಾವರ ಕ್ಷೇತ್ರ: ಸಣ್ಣ ಜನಾಂಗದ ಅಭ್ಯರ್ಥಿಜಯದ ಪರಂಪರೆ

22 Apr, 2018

ಸಿದ್ದಾಪುರ
ಕಾಂಗ್ರೆಸ್, ಜೆಡಿಎಸ್‌ನಿಂದ ಭ್ರಮಾಲೋಕ: ಕಾಗೇರಿ

‘ ಕಾಂಗ್ರೆಸ್ ಹಾಗೂ ಜೆಡಿಎಸ್‌ ಮತದಾರರಲ್ಲಿ ಭ್ರಮಾಲೋಕ ಸೃಷ್ಟಿಸುವ ಕೆಲಸ ಮಾಡುತ್ತಿವೆ’ ಎಂದು ಶಿರಸಿ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ವಿಶ್ವೇಶ್ವರ ಹೆಗಡೆ ಕಾಗೇರಿ ಆರೋಪಿಸಿದರು. ...

22 Apr, 2018

ಸಿದ್ದಾಪುರ
ಮಹಾತ್ಮರು ಭಗವಂತನ ಮುದ್ರೆ

‘ಮಹಾಪುರುಷರು , ಮಹಾ ತ್ಮರು ಭೂಮಿಗೆ ಬರುವುದು ಅಪರೂಪ. ಅವರು ಭೂಮಿಗೆ ಬಂದರೆ ಭೂಮಿಯಲ್ಲಿ ಭಗವಂತನ ಮುದ್ರೆಯಾಗುತ್ತಾರೆ’ ಎಂದು ರಾಮಚಂದ್ರಾಪುರ ಮಠದ ರಾಘವೇಶ್ವರ ಭಾರತೀ...

22 Apr, 2018
ಬೇಸಿಗೆ ಶಿಬಿರದಲ್ಲಿ ಮಕ್ಕಳ ಚಿಲಿಪಿಲಿ

ಕಾರವಾರ
ಬೇಸಿಗೆ ಶಿಬಿರದಲ್ಲಿ ಮಕ್ಕಳ ಚಿಲಿಪಿಲಿ

21 Apr, 2018

ಹಳಿಯಾಳ
ಬಿಜೆಪಿ ಅಭ್ಯರ್ಥಿ, ಕೇಂದ್ರ ಸಚಿವರು ಕ್ಷಮೆ ಕೇಳಲಿ

‘ಕಾಳಿನದಿ ನೀರಾವರಿ ಯೋಜನೆಯನ್ನು ಸ್ವಂತ ಹಾಗೂ ಪ್ರಾಮಾಣಿಕ ಪರಿಶ್ರಮದಿಂದ ಮಂಜೂರು ಮಾಡಿಸಲಾಗಿದೆ. ಇದನ್ನು ಚುನಾವಣಾ ತಂತ್ರ ಎಂದು ಟೀಕಿಸಿರುವ ಕೇಂದ್ರ ಸಚಿವ ಅನಂತಕುಮಾರ ಹೆಗಡೆ...

21 Apr, 2018