ಹನುಮಸಾಗರ

ಕಡಲೆ ಬೆಳೆಯಲ್ಲಿ ಕೀಡೆಗಳ ಹಾವಳಿ

ಹೆಚ್ಚಿನ ಪ್ರಮಾಣದಲ್ಲಿ ಚಳಿ ಬಿದ್ದರೆ ಅಲ್ಪ ಪ್ರಮಾಣದಲ್ಲಿ ಬೆಳೆ ದಕ್ಕುವ ಸಾಧ್ಯತೆ ಇದ್ದು, ರೈತರಿಗ ಚಳಿಗಾಗಿ ಮೊರೆ ಇಡುತ್ತಿದ್ದಾರೆ

ಹನುಮಸಾಗರ ಭಾಗದಲ್ಲಿ ಕಡಲೆ ಬೆಳೆಗೆ ಕೀಡೆಯ ಹಾವಳಿಯಾಗಿದ್ದು ಶನಿವಾರ ಕಂಡು ಬಂತು

ಹನುಮಸಾಗರ: ಹಿಂಗಾರು ಬಿತ್ತನೆಯ ಆರಂಭದಲ್ಲಿ ಕೊಂಚ ಸುರಿದಿದ್ದ ಮಳೆಗೆ ಕಡಲೆ ಬಿತ್ತನೆ ಮಾಡಿದ್ದ ರೈತರು ಮಳೆಗಾಗಿ ಕಾತರಿಸಿದ್ದರು. ಆದರೆ ಹನಿ ಮಳೆಯಾಗದಿದ್ದರೂ ಕಪ್ಪು ಮಣ್ಣಿನಲ್ಲಿ ಬಿತ್ತನೆಯಾಗಿದ್ದ ಕಡಲೆ ಸಣ್ಣ ಪ್ರಮಾಣದಲ್ಲಿ ಬೆಳವಣಿಗೆಯಾಗಿ ಸದ್ಯ ಹೂವು, ಹೀಚಿನಿಂದ ತುಂಬಿಕೊಂಡಿದೆ. ಆದರೆ ಬೆಳೆ ಚನ್ನಾಗಿ ಕಾಣುತ್ತಿದ್ದರೂ ಎಲೆಗಳಲ್ಲಿ ಕೀಡೆ ಹಾವಳಿ ಹೆಚ್ಚು ಕಂಡು ಬರುತ್ತಿದೆ.

ಹೆಚ್ಚಿನ ಪ್ರಮಾಣದಲ್ಲಿ ಚಳಿ ಬಿದ್ದರೆ ಅಲ್ಪ ಪ್ರಮಾಣದಲ್ಲಿ ಬೆಳೆ ದಕ್ಕುವ ಸಾಧ್ಯತೆ ಇದ್ದು, ರೈತರಿಗ ಚಳಿಗಾಗಿ ಮೊರೆ ಇಡುತ್ತಿದ್ದಾರೆ. ವಾರದ ಹಿಂದೆ ಮೋಡ ಕವಿದ ವಾತಾವರಣದಿಂದಾಗಿ ಕಡಲೆ ಬೆಳೆಗೆ ಕೀಡೆಗಳ ಬಿದ್ದಿದ್ದು, ರೈತರು ಬಾರದ ಬೆಳೆಗೆ ಕೈಸುಟ್ಟುಕೊಂಡು ಕ್ರಿಮಿನಾಶಕ ಸಿಂಪಡಿಸುತ್ತಿರುವುದು ಕಂಡು ಬರುತ್ತಿದೆ. ಈ ಭಾಗದ ಹೂಲಗೇರಿ, ಅಡವಿಭಾವಿ, ಹನುಮನಾಳ, ಯರಿಗೋನಾಳ, ಮೀಯಾಪುರ ಭಾಗಗಳಲ್ಲಿ ವರ್ಷದ ವಾಡಿಕೆಗಿಂತ ಈ ಬಾರಿ ಹೆಚ್ಚಿಗೆ ಬಿತ್ತನೆಯಾಗಿದೆ.

ವಾತಾವರಣದಲ್ಲಿ ತೇವಾಮಶವಿಲ್ಲ, ಮಳೆಯ ಮೇಲಿನ ಭರವಸೆಯಂತೂ ಇಲ್ಲವೆ ಇಲ್ಲ, ಉತ್ತಮ ರೀತಿಯಲ್ಲಿ ಚಳಿ ಬಿದ್ದರೆ ನಾಲ್ಕು ಕಾಳು ಬಲಿಯುತ್ತವೆ. ಅಷ್ಟೊ ಇಷ್ಟೊ ಬೆಳೆ ಉಳಿಸಿಕೊಳ್ಳುವುದಕ್ಕೆ ಅನಿವಾರ್ಯವಾಗಿ ನಾವು ತುಟ್ಟಿ ಬೆಲೆಯ ಕ್ರಿಮಿನಾಶಕ ತಂದು ಸಿಂಪರಣೆ ಮಾಡಬೇಕಾಗಿದೆ ಎಂದು ರೈತ ಯಂಕಪ್ಪ ನಾಯಕ ಅಳಲನ್ನು ತೊಡಿಕೊಂಡರು.

ರೈತ ಸಂಪರ್ಕ ಕೇಂದ್ರದ ಕೃಷಿ ಅಧಿಕಾರಿ ಅರಣಕುಮಾರ ಮಾಹಿತಿ ನೀಡಿ, ಹದಿನೈದು ದಿನಗಳಿಂದ ಮೋಡಕವಿದ ವಾತಾವರಣ ಇರುವುದರಿಂದ ಸಹಜವಾಗಿ ಕಾಯಿಕೊರಕ ಹಾಗೂ ಎಲೆತಿನ್ನುವ ಕೀಡೆಯ ಹಾವಳಿ ಸದ್ಯ ಕಂಡು ಬಂದಿದೆ. ಕೂಡಲೆ ಉಪಶಮನ ಕಾರ್ಯಕ್ಕೆ ಮುಂದಾದರೆ ಪ್ರಾಥಮಿಕ ಹಂತದಲ್ಲಿರುವ ಕೀಡೆಬಾಧೆ ನಿಯಂತ್ರಿಸಬಹುದಾಗಿದೆ ಎಂದರು.

ಇಂತಹ ಬಾಧೆ ಕಂಡುಬಂದ ರೈತರು ಪ್ರತಿ ಲೀಟರ್‌ ನೀರಿಗೆ 2ಎಂ.ಎಲ್‌ ಕ್ಲೋರೊಫಾಸ್‌ ಇಲ್ಲವೆ ಪ್ರಪೊನೋಪಾಸ್‌ ಮಿಶ್ರಣ ಮಾಡಿ ಸಿಂಪರಣೆ ಮಾಡಬೇಕು. ಅಧಿಕ ಇಳುವರಿಗಾಗಿ ಬೆಳೆ ಶೇ. 50ರಷ್ಟು ಭಾಗ ಹೂಕಟ್ಟಿದ ನಂತರದಲ್ಲಿ ಪ್ರತಿ ಎಕರೆಗೆ 2ಕೆ.ಜಿ ಪಲ್ಸ್‌ಮ್ಯಾಜಿಕ್‌ ಸಿಂಪರಣೆ ಮಾಡಬೇಕು ಎಂದು ತಿಳಿಸಿದರು.

ಈ ಭಾಗದಲ್ಲಿ ಎರೆ ಭೂಮಿ ಹೊಂದಿರುವ ರೈತರು ಹಿಂಗಾರು ಹಂಗಾಮಿನಲ್ಲಿ ಕಡಲೆ ಬೀಜದ ಜೊತೆ ಜೋಳದ ಬೀಜ ಮಿಶ್ರಮಾಡಿ ಬಿತ್ತುವುದು ಸಂಪ್ರದಾಯ. ವಾಣಿಜ್ಯ ಬೆಳೆಯಾಗಿರುವ ಕಡಲೆ ಬೆಳೆ ಕೈಗೊಂದಿಷ್ಟು ಕಾಸು ಸಂಪಾದನೆ ಮಾಡಿಕೊಟ್ಟರೆ ಜೋಳದ ಬೆಳೆ ವರ್ಷಕ್ಕಾಗುಷ್ಟು ಅನ್ನ ದೊರಕಿಸುತ್ತದೆ ಎಂಬುದು ರೈತರ ಲೆಕ್ಕಾಚಾರವಾಗಿದೆ. ರೈತರು ಹೆಚ್ಚಿನ ಮಾಹಿತಿಗೆ 95386 05485 ಸಂಪರ್ಕಿಸಬಹುದು.

Comments
ಈ ವಿಭಾಗದಿಂದ ಇನ್ನಷ್ಟು
‘ಮಾತಿನ ಮೂಲಕ ದೇಶ ಕಟ್ಟುವವರು ಬೇಡ’

ಕೊಪ್ಪಳ
‘ಮಾತಿನ ಮೂಲಕ ದೇಶ ಕಟ್ಟುವವರು ಬೇಡ’

22 Apr, 2018

ಕನಕಗಿರಿ
‘ಅನುಭವ ಮಂಟಪ ವಿಶ್ವಕ್ಕೆ ಮಾದರಿ’

ಕನಕಗಿರಿ ಸಮೀಪದ ಹುಲಿಹೈದರ ಗ್ರಾಮದಲ್ಲಿ ಬಸವ ಜಯಂತಿ ನಿಮಿತ್ತ ಬಸವೇಶ್ವರರ ಭಾವಚಿತ್ರದ ಮೆರವಣಿಗೆ, ಉಪನ್ಯಾಸ ಹಾಗೂ ವಚನ ಸಂಗೀತ ಕಾರ್ಯಕ್ರಮ ಈಚೆಗೆ ನಡೆಯಿತು.

22 Apr, 2018

ಯಲಬುರ್ಗಾ
ಸುಳ್ಳು ಹೇಳಿ ರಾಯರಡ್ಡಿ ವಂಚನೆ

ಸಚಿವ ಬಸವರಾಜ ರಾಯರಡ್ಡಿ ಈವರೆಗೆ ಸುಳ್ಳು ಹೇಳಿ ಕ್ಷೇತ್ರದ ಜನರನ್ನು ವಂಚಿಸಿದ್ದಾರೆ ಎಂದು ಜಿಲ್ಲಾ ಪಂಚಾಯಿತಿ ಮಾಜಿ ಉಪಾಧ್ಯಕ್ಷ ಶಿವಶಂಕರರಾವ್ ದೇಸಾಯಿ ಆರೋಪಿಸಿದರು.

22 Apr, 2018

ಕೊಪ್ಪಳ
ಕೊಪ್ಪಳ: ವಿಧಾನಸಭೆ ಚುನಾವಣೆ ಹಿನ್ನೋಟ ಕೈಪಿಡಿ ಬಿಡುಗಡೆ

ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ವತಿಯಿಂದ ಮಾಧ್ಯಮದವರಿಗೆ ತಯಾರಿಸಲಾದ ಜಿಲ್ಲೆಯ ಐದೂ ವಿಧಾನಸಭಾ ಕ್ಷೇತ್ರಗಳ 1957ರಿಂದ 2013ರವರೆಗಿನ ಚುನಾವಣಾ ಅಂಕಿ-ಅಂಶದ ವಿವರವುಳ್ಳ ಚುನಾವಣೆ...

22 Apr, 2018

ಕಾರಟಗಿ
ಕ್ಷೇತ್ರದ ಅಭಿವೃದ್ಧಿಗೆ ಶ್ರಮಿಸಿದ್ದೇನೆ: ತಂಗಡಗಿ

ಕನಕಗಿರಿ ವಿಧಾನಸಭಾ ಕ್ಷೇತ್ರದಲ್ಲಿ ಸಾಕಷ್ಟು ಅಭಿವೃದ್ಧಿ ಕಾರ್ಯಗಳನ್ನು ಮಾಡಲಾಗಿದೆ ಎಂದು ಶಾಸಕ ಶಿವರಾಜ್ ತಂಗಡಗಿ ಹೇಳಿದರು.

21 Apr, 2018