ದಿನದ ನೆನಪು

ಸೋಮವಾರ 04 ಡಿಸೆಂಬರ್, 1967

ಮಹಾರಾಷ್ಟ್ರ–ಮೈಸೂರು– ಕೇರಳ ಗಡಿವಿವಾದದ ಬಗ್ಗೆ ನೇಮಕವಾಗಿದ್ದ ಮಹಾಜನ್‌ ಆಯೋಗವು ಸಲ್ಲಿಸಿರುವ ವರದಿಯನ್ನು ಯಾವ ಮಾರ್ಪಾಟುಗಳೂ ಇಲ್ಲದೆ ಕಾರ್ಯಗತಗೊಳಿಸಲು, ಸಾರ್ವಜನಿಕ ಸಭೆಯೊಂದು ಇಂದು ಇಲ್ಲಿ ಕೇಂದ್ರ ಸರ್ಕಾರವನ್ನು ಒತ್ತಾಯಪಡಿಸಿತು.

ಸೋಮವಾರ 04 ಡಿಸೆಂಬರ್, 1967

ಮಹಾಜನ್‌ ವರದಿ ಅನ್ವಯಕ್ಕೆ ನಗರದ ಸಭೆಯಲ್ಲಿ ಕರೆ

ಬೆಂಗಳೂರು, ಡಿ. 3– ಮಹಾರಾಷ್ಟ್ರ–ಮೈಸೂರು– ಕೇರಳ ಗಡಿವಿವಾದದ ಬಗ್ಗೆ ನೇಮಕವಾಗಿದ್ದ ಮಹಾಜನ್‌ ಆಯೋಗವು ಸಲ್ಲಿಸಿರುವ ವರದಿಯನ್ನು ಯಾವ ಮಾರ್ಪಾಟುಗಳೂ ಇಲ್ಲದೆ ಕಾರ್ಯಗತಗೊಳಿಸಲು, ಸಾರ್ವಜನಿಕ ಸಭೆಯೊಂದು ಇಂದು ಇಲ್ಲಿ ಕೇಂದ್ರ ಸರ್ಕಾರವನ್ನು ಒತ್ತಾಯಪಡಿಸಿತು.

ಗವೀಪುರ ಗುಟ್ಟಹಳ್ಳಿಯ (ಸಮೀರಪುರ) ಕನ್ನಡ ಸಾಹಿತ್ಯ ಕುಟೀರವು ಸಂಸ್ಕೃತ ಕಾಲೇಜಿನಲ್ಲಿ ಏರ್ಪಡಿಸಿದ್ದ ಸಭೆಯ ಅಧ್ಯಕ್ಷತೆಯನ್ನು ಗಡಿಸಮಿತಿ ಅಧ್ಯಕ್ಷ ಶ್ರೀ ಎಸ್‌.ಎಸ್‌. ಮಳಿಮಠ್‌ ಅವರು ವಹಿಸಿದ್ದರು.

**

ಮೈಸೂರು–ಮಹಾರಾಷ್ಟ್ರದಲ್ಲಿ ಕ್ರಾಂತಿಯಾಗಲಿ, ಕಾಂಗ್ರೆಸ್‌ ಅಳಿಯಲಿ: ಜೋಷಿ

ಕೊಲ್ಲಾಪುರ, ಡಿ. 3– ಮಹಾರಾಷ್ಟ್ರ ಮತ್ತು ಮೈಸೂರುಗಳಲ್ಲಿನ ಕಾಂಗ್ರೆಸ್‌ ಆಡಳಿತವನ್ನು ಮಾನ್ಯ ಮಾಡಬಾರದೆಂದು ಆ ರಾಜ್ಯಗಳ ಜನತೆಗೆ ಎಸ್‌.ಎಸ್‌.ಪಿ. ಅಧ್ಯಕ್ಷ ಶ್ರೀ ಎಸ್.ಎಂ. ಜೋಷಿ ಇಂದು ಕರೆಯಿತ್ತರು.

ಮಹಾರಾಷ್ಟ್ರ ಬಂದ್‌ಗೆ ಸಂಬಂಧಿಸಿದ ನಿರ್ಣಯವೊಂದರ ಬಗ್ಗೆ ಇಲ್ಲಿನ ಗಡಿ ಸಮಸ್ಯೆ ಸದನದಲ್ಲಿ ಮಾತನಾಡುತ್ತಿದ್ದ ಅವರು ನ್ಯಾಯವಾದ ಸೂತ್ರದ ಆಧಾರದ ಮೇಲೆ ಮೈಸೂರು– ಮಹಾರಾಷ್ಟ್ರ ಗಡಿ ವಿವಾದವನ್ನು ಪರಿಹರಿಸಬೇಕಾದುದು ಅತ್ಯಗತ್ಯ ಎಂದರು.

ಮೈಸೂರು ಮತ್ತು ಮಹಾರಾಷ್ಟ್ರಗಳಲ್ಲಿನ ಕಾಂಗ್ರೆಸ್‌ ಸರ್ಕಾರಗಳನ್ನು ಉರುಳಿಸಲು ಜನರಿಗೆ ಕರೆಯಿತ್ತ ಅವರು, ಕಾಂಗ್ರೆಸ್‌ ನಿರ್ಮೂಲವಾಗದಿದ್ದರೆ ದೇಶದಲ್ಲಿನ ಯಾವ ಸಮಸ್ಯೆಯೂ ಇತ್ಯರ್ಥವಾಗುವುದಿಲ್ಲ ಎಂದರು.

ಪ್ರಥಮ ಬದಲಿ ಹೃದಯ

ಕೇಪ್‌ಟೌನ್‌, ಡಿ. 3– ನಿನ್ನೆ ರಾತ್ರಿ ಕಾರ್‌ ಅಪಘಾತದಲ್ಲಿ ಸತ್ತ 24 ವರ್ಷ ವಯಸ್ಸಿನ ಯುವತಿಯ ಹೃದಯವನ್ನು ತೆಗೆದು 56 ವರ್ಷ ವಯಸ್ಸಿನ ಪುರುಷನೊಬ್ಬನಿಗೆ ದಕ್ಷಿಣ ಆಫ್ರಿಕದ ಶಸ್ತ್ರ ವೈದ್ಯರ ತಂಡವೊಂದು ಇಂದು ಯಶಸ್ವಿಯಾಗಿ ಅಳವಡಿಸಿತು.

ಒಬ್ಬರ ಹೃದಯವನ್ನು ಇನ್ನೊಬ್ಬರಿಗೆ ಯಶಸ್ವಿಯಾಗಿ ಅಳವಡಿಸುವ ಅತ್ಯಂತ ಮಹತ್ವದ ಶಸ್ತ್ರಚಿಕಿತ್ಸೆ ನಡೆದುದು ವಿಶ್ವದಲ್ಲಿ ಇದೇ ಮೊದಲನೆಯ ಬಾರಿ.

ಹೃದಯ ಅಳವಡಿಸಿಕೊಂಡ ವ್ಯಕ್ತಿಯ ಹೆಸರು ವಾಸ್ಕನ್‌ಸ್ಕಿ. ಅದಕ್ಕಾಗಿ ರಾತ್ರಿ 1 ರಿಂದ ಬೆಳಿಗ್ಗೆ 6 ರವರೆಗೆ ಶಸ್ತ್ರಕ್ರಿಯೆ. ಹೃದಯ ತೀವ್ರವಾಗಿ ಕೆಟ್ಟು, ಅದು ಸರಿಯಾಗಿ ಕೆಲಸ ಮಾಡದಿದ್ದುದರಿಂದ ಒಂದು ತಿಂಗಳ ಹಿಂದೆ ಅವನು ಆಸ್ಪತ್ರೆಗೆ ಸೇರಿದ್ದ.

ಹೊಂದಿಕೆಯಾಗುವಂತಹ ಹೃದಯವೊಂದು ಸಿಕ್ಕಲಿ ಎಂದು ವೈದ್ಯರು ಕಳೆದ ನಾಲ್ಕು ವಾರಗಳಿಂದಲೂ ಕಾದಿದ್ದರು. ಅವರ ನಿರೀಕ್ಷೆ ನಿನ್ನೆ ಕೈಗೂಡಿತು.

Comments
ಈ ವಿಭಾಗದಿಂದ ಇನ್ನಷ್ಟು

50 ವರ್ಷಗಳ ಹಿಂದೆ
ಬುಧವಾರ, 19–6–1968

ಉತ್ತರ ವಿಯಟ್ನಾಂ ಮೇಲೆ ಅನಿರ್ಬಂಧಿತ ಬಾಂಬ್ ದಾಳಿಯನ್ನು ಅಮೆರಿಕ ಪುನಃ ಆರಂಭಿಸಬಹುದು. ಬಾಂಬ್ ದಾಳಿಯನ್ನು ತೀವ್ರಗೊಳಿಸಲು ವಾಷಿಂಗ್‌ಟನ್ ಹಾಗೂ ಸೈಗಾನಿನ ಮಿಲಿಟರಿ ಸಲಹೆಗಾರರು ಜಾನ್‌ಸನ್...

19 Jun, 2018
ಮಂಗಳವಾರ 18–6–1968

50 ವರ್ಷಗಳ ಹಿಂದೆ
ಮಂಗಳವಾರ 18–6–1968

18 Jun, 2018
ಶನಿವಾರ, 15–6–1968

ದಿನದ ನೆನಪು
ಶನಿವಾರ, 15–6–1968

16 Jun, 2018

50 ವರ್ಷಗಳ ಹಿಂದೆ
ಭಾನುವಾರ, 16–6–1968

ಎರಡನೆ ವರ್ಗದ ಯುದ್ಧನೌಕೆ ನಿರ್ಮಾಣ ಕಾರ್ಯ ಮಜಗಾವ್ ಹಡಗುಕಟ್ಟೆಯಲ್ಲಿ ಪ್ರಾರಂಭವಾಗಿದೆ. ಕೇಂದ್ರ ರಕ್ಷಣಾ ಉತ್ಪಾದನೆ ಶಾಖೆ ಸಚಿವ ಎಲ್.ಎನ್. ಮಿಶ್ರ ಅವರು ಇಂದು ಇಲ್ಲಿಗೆ...

16 Jun, 2018

ದಿನದ ನೆನಪು
ಭಾನುವಾರ, 16–6–1968

ಮಜಗಾವ್ ಡಾಕ್‌ನಲ್ಲಿ ಯುದ್ಧನೌಕೆ ನಿರ್ಮಾಣ ಕಾರ್ಯಾರಂಭ

16 Jun, 2018