ಟೆಸ್ಟ್‌ ಕ್ರಿಕೆಟ್‌

ಕೊಹ್ಲಿ ಬಳಗದ ಬಲೆಯಲ್ಲಿ ಲಂಕನ್ನರು

ನಿರಂತರ ದಾಖಲೆಗಳ ಮಳೆ ಸುರಿಸುತ್ತಿರುವ ವಿರಾಟ್ ಕೊಹ್ಲಿ  ಭಾನುವಾರ ತವರಿನ ಅಂಗಳದಲ್ಲಿ  ಬೆಳಗಿದರು. ಅವರ ಮಿಂಚಿನ ಬ್ಯಾಟಿಂಗ್ ನೆರವಿನಿಂದ ಭಾರತ ತಂಡ ಶ್ರೀಲಂಕಾ ಎದುರಿನ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಉತ್ತಮ ಮೊತ್ತ ಗಳಿಸಿದೆ.

ಕೊಹ್ಲಿ ಬಳಗದ ಬಲೆಯಲ್ಲಿ ಲಂಕನ್ನರು

ದೆಹಲಿ: ನಿರಂತರ ದಾಖಲೆಗಳ ಮಳೆ ಸುರಿಸುತ್ತಿರುವ ವಿರಾಟ್ ಕೊಹ್ಲಿ  ಭಾನುವಾರ ತವರಿನ ಅಂಗಳದಲ್ಲಿ  ಬೆಳಗಿದರು. ಅವರ ಮಿಂಚಿನ ಬ್ಯಾಟಿಂಗ್ ನೆರವಿನಿಂದ ಭಾರತ ತಂಡ ಶ್ರೀಲಂಕಾ ಎದುರಿನ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಉತ್ತಮ ಮೊತ್ತ ಗಳಿಸಿದೆ.

ಫಿರೋಜ್ ಶಾ ಕೋಟ್ಲಾ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದ ಎರಡನೇ ದಿನ ಕೊಹ್ಲಿ ಗಳಿಸಿದ 243 ರನ್‌ಗಳ ಬಲದಿಂದ ಭಾರತ 536 ರನ್ ಗಳಿಸಿ ಡಿಕ್ಲೇರ್ ಮಾಡಿತು. ಮೊದಲ ಇನಿಂಗ್ಸ್ ಆರಂಭಿಸಿದ ಶ್ರೀಲಂಕಾ ಮೂರು ವಿಕೆಟ್‌ಗಳಿಗೆ 131 ರನ್‌ ಗಳಿಸಿದೆ. ಭಾರತದ ಮೊದಲ ಇನಿಂಗ್ಸ್ ಮೊತ್ತ ದಾಟಬೇಕಾದರೆ ತಂಡದ ಇನ್ನೂ 405 ರನ್‌ ಗಳಿಸಬೇಕಾಗಿದೆ.

ವಾಯುಮಾಲಿನ್ಯದಿಂದ ಆರೋಗ್ಯ ಸಮಸ್ಯೆ ಕಾಡುತ್ತಿದ್ದು ಫೀಲ್ಡಿಂಗ್ ಮಾಡಲು ಸಾಧ್ಯವಿಲ್ಲ ಎಂದು ಪ್ರವಾಸಿ ತಂಡ ಎರಡು ಬಾರಿ ದೂರಿದ್ದರಿಂದ ಭೋಜನ ವಿರಾಮದ ನಂತರ ಆಟಕ್ಕೆ ಅಡ್ಡಿಯಾಯಿತು. ಕೊನೆಗೆ ವಿರಾಟ್ ನಿರೀಕ್ಷೆಗೆ ಮೊದಲೇ ಇನಿಂಗ್ಸ್‌ ಡಿಕ್ಲೇರ್ ಮಾಡಿದರು.

ಶನಿವಾರ 20ನೇ ಶತಕ ಸಿಡಿಸಿ ಔಟಾಗದೇ ಉಳಿದಿದ್ದ ವಿರಾಟ್ ಕೊಹ್ಲಿ ಬ್ಯಾಟಿಂಗ್ ವೈಭವ ಎರಡನೇ ದಿನವೂ ಮುಂದುವರಿಯಿತು.  ಒಟ್ಟು ಏಳೂವರೆ ತಾಸು ಕ್ರೀಸ್‌ನಲ್ಲಿದ್ದ ಅವರು 25 ಬೌಂಡರಿಗಳನ್ನು ಸಿಡಿಸಿದರು. ಭಾನುವಾರದ ರಜೆ ಕಳೆಯಲು ಕ್ರೀಡಾಂಗಣಕ್ಕೆ ಬಂದಿದ್ದ ಕ್ರಿಕೆಟ್ ಪ್ರಿಯರು ವಿರಾಟ್ ಆಟಕ್ಕೆ ಮುದಗೊಂಡರು. ನಾಯಕನಾಗಿ ಆರು ದ್ವಿಶತಕ ಗಳಿಸಿದ ಮೊದಲ ಆಟಗಾರ ಎಂಬ ದಾಖಲೆಯನ್ನು ತಮ್ಮದಾಗಿಸಿಕೊಂಡರು. ಅವರ ಎಲ್ಲ ದ್ವಿಶತಕಗಳು ಕಳೆದ 17 ತಿಂಗಳಲ್ಲಿ ದಾಖಲಾಗಿವೆ.

ಕೊಹ್ಲಿ–ರೋಹಿತ್ ಆಕರ್ಷಕ ಜೊತೆಯಾಟ: ಕೊಹ್ಲಿ ಅವರ ಜೊತೆ ಐದನೇ ವಿಕೆಟ್‌ಗೆ 135 ರನ್‌ ಸೇರಿಸಿದ ರೋಹಿತ್ ಶರ್ಮಾ ಅರ್ಧ ಶತಕ ಗಳಿಸಿದರು. 102 ಎಸೆತಗಳಲ್ಲಿ 65 ರನ್ ಗಳಿಸಿದ ಅವರು ಎರಡು ಸಿಕ್ಸರ್ ಸಿಡಿಸಿದ್ದರು. ಏಳು ಬಾರಿ ಚೆಂಡನ್ನು ಬೌಂಡರಿ ಗೆರೆಯಾಚೆ ಅಟ್ಟಿದ್ದರು. ಲಕ್ಷಣ್‌ ಸಂಡಗನ್ ಅವರ ಎಸೆತವನ್ನು ಲಾಂಗ್ ಆಫ್‌ ಮೇಲಿಂದ ಸಿಕ್ಸರ್‌ಗೆ ಅಟ್ಟಿದ ರೋಹಿತ್‌ ಅವರು ಪೆರೇರ ಎಸೆತವನ್ನು ಸಿಕ್ಸರ್‌ ಹೊಡೆದು ಅರ್ಧಶತಕ ಪೂರೈಸಿದರು. ಈ ಮೂಲಕ ಟೆಸ್ಟ್ ಕ್ರಿಕೆಟ್‌ನಲ್ಲಿ ನಿರಂತರ ಐದು ಅರ್ಧಶತಕ ಗಳಿಸಿದ ಸಾಧನೆ ಮಾಡಿದರು.

ರೋಹಿತ್, ರವಿಚಂದ್ರನ್ ಅಶ್ವಿನ್ ಮತ್ತು ಕೊಹ್ಲಿ 23 ರನ್‌ಗಳ ಅಂತರದಲ್ಲಿ ಔಟಾದರು. ವೃದ್ಧಿಮಾನ್ ಸಹಾ ಮತ್ತು ರವೀಂದ್ರ ಜಡೇಜ 13 ರನ್‌ಗಳನ್ನು ಜೋಡಿಸಿದ್ದಾಗ ಗೊಂದಲದ ವಾತಾವರಣದಲ್ಲಿ ಇನಿಂಗ್ಸ್‌ಗೆ ತೆರೆ ಬಿತ್ತು.

ಮೊದಲ ಎಸೆತದಲ್ಲೇ ಆಘಾತ

ಶ್ರೀಲಂಕಾ ತಂಡಕ್ಕೆ ಮೊದಲ ಎಸೆತದಲ್ಲೇ ಮಹಮ್ಮದ್‌ ಶಮಿ ಆಘಾತ ನೀಡಿದರು. ದಿಮುತ್ ಕರುಣರತ್ನೆ ಅವರನ್ನು ವೃದ್ಧಿಮಾನ್‌ ಸಹಾ ಅವರ ಮುಷ್ಠಿಯಲ್ಲಿ ಬಂಧಿಯಾಗಿಸಿದರು. ತಂಡದ ಮೊತ್ತ 75 ರನ್ ಆಗುವಷ್ಟರಲ್ಲಿ ಧನಂಜಯ ಡಿ ಸಿಲ್ವಾ ಮತ್ತು ದಿಲ್ರುವಾರನ್ ಪೆರೇರ ಕೂಡ ಪೆವಿಲಿಯನ್ ಸೇರಿದರು.

ಏಂಜೆಲೊ ಮ್ಯಾಥ್ಯೂಸ್ (57; 118 ಎ, 2 ಸಿ, 8 ಬೌಂ) ಮತ್ತು ನಾಯಕ ದಿನೇಶ್‌ ಚಾಂಡಿಮಲ್‌ (25; 81 ಎ, 3 ಬೌಂ) ನಾಲ್ಕನೇ ವಿಕೆಟ್‌ಗೆ 56 ರನ್ ಸೇರಿಸಿ ಸೋಮವಾರಕ್ಕೆ ಬ್ಯಾಟಿಂಗ್ ಕಾಯ್ದಿರಿಸಿದ್ದಾರೆ.

**

ಕೊಹ್ಲಿ ಅವರಿಗೆ ಇನಿಂಗ್ಸ್ ಡಿಕ್ಲೇರ್ ಮಾಡಲು ಒತ್ತಡ ಇರಲಿಲ್ಲ. ತಂಡ 550 ರನ್‌ ಗಳಿಸುವ ಗುರಿ ಹೊಂದಿತ್ತು. ಆದರೆ ಪರಿಸ್ಥಿತಿಯ ಕಾರಣ ನಿರೀಕ್ಷೆಗೂ ಮೊದಲು ಡಿಕ್ಲೇರ್ ಮಾಡಬೇಕಾಯಿತು.

–ಭರತ್ ಅರುಣ್‌ ‌, ಬೌಲಿಂಗ್ ಕೋಚ್‌

Comments
ಈ ವಿಭಾಗದಿಂದ ಇನ್ನಷ್ಟು
ರೋಹಿತ್ ಶರ್ಮಾ ಭರ್ಜರಿ ದ್ವಿಶತಕ: ಶ್ರೀಲಂಕಾಗೆ 393 ರನ್‌ಗಳ ಗೆಲುವಿನ ಗುರಿ

ಮೊಹಾಲಿ
ರೋಹಿತ್ ಶರ್ಮಾ ಭರ್ಜರಿ ದ್ವಿಶತಕ: ಶ್ರೀಲಂಕಾಗೆ 393 ರನ್‌ಗಳ ಗೆಲುವಿನ ಗುರಿ

13 Dec, 2017
ಎರಡನೇ ಏಕದಿನ ಪಂದ್ಯ: ಫೀಲ್ಡಿಂಗ್‌ ಆಯ್ಕೆ ಮಾಡಿಕೊಂಡ ಶ್ರೀಲಂಕಾ; ತಾಳ್ಮೆಯ ಆಟ ಪ್ರದರ್ಶಿಸುತ್ತಿರುವ ಭಾರತೀಯ ಬ್ಯಾಟ್ಸ್‌ಮನ್‌ಗಳು

ಮೊಹಾಲಿ
ಎರಡನೇ ಏಕದಿನ ಪಂದ್ಯ: ಫೀಲ್ಡಿಂಗ್‌ ಆಯ್ಕೆ ಮಾಡಿಕೊಂಡ ಶ್ರೀಲಂಕಾ; ತಾಳ್ಮೆಯ ಆಟ ಪ್ರದರ್ಶಿಸುತ್ತಿರುವ ಭಾರತೀಯ ಬ್ಯಾಟ್ಸ್‌ಮನ್‌ಗಳು

13 Dec, 2017

ಚೆನ್ನೈ
ವಿಶ್ವ ಸ್ಕ್ವಾಷ್‌: ಮೂರನೇ ಸುತ್ತಿಗೆ ಸೌರವ್‌

ಅಮೋಘ ಆಟ ಆಡಿದ ಭಾರತದ ಸೌರವ್‌ ಘೋಷಾಲ್‌, ಇಂಗ್ಲೆಂಡ್‌ನ ಮ್ಯಾಂಚೆಸ್ಟರ್‌ ನಲ್ಲಿ ನಡೆಯುತ್ತಿರುವ ವಿಶ್ವ ಸ್ಕ್ವಾಷ್‌ ಚಾಂಪಿಯನ್‌ಷಿಪ್‌ನಲ್ಲಿ ಮೂರನೇ ಸುತ್ತಿಗೆ ಲಗ್ಗೆ ಇಟ್ಟಿದ್ದಾರೆ.

13 Dec, 2017
ದೃಷ್ಟಿ ಕಸಿದ ಪವರ್‌ ಕಟ್‌; ಬಾಳು ಬೆಳಗಿದ ಕ್ರಿಕೆಟ್‌

ಭಾರತ ಅಂಧರ ಕ್ರಿಕೆಟ್ ತಂಡದ ನಾಯಕ ಅಜಯ್‌ ಕುಮಾರ್‌ ರೆಡ್ಡಿ
ದೃಷ್ಟಿ ಕಸಿದ ಪವರ್‌ ಕಟ್‌; ಬಾಳು ಬೆಳಗಿದ ಕ್ರಿಕೆಟ್‌

13 Dec, 2017

ಭಾರತದಲ್ಲಿ ಆಯೋಜನೆ
ಅಫ್ಗಾನಿಸ್ತಾನ ಟೆಸ್ಟ್‌: ಸಿಒಎ ಸ್ವಾಗತ

ಅಫ್ಗಾನಿಸ್ತಾನದ ಚೊಚ್ಚಲ ಟೆಸ್ಟ್ ಪಂದ್ಯವನ್ನು ಭಾರತದಲ್ಲಿ ಆಯೋಜಿಸಲು ಮುಂದಾಗಿರುವ ಬಿಸಿಸಿಐ ನಿರ್ಣಯವನ್ನು ಆಡಳಿತಾಧಿಕಾರಿಗಳ ಸಮಿತಿ ಅಧ್ಯಕ್ಷ ವಿನೋದ್ ರಾಯ್‌ ಸ್ವಾಗತಿಸಿದ್ದಾರೆ.

13 Dec, 2017