ಮೂಡಿಗೆರೆ

ಮೂಡಿಗೆರೆ: ಅಘೋಷಿತ ಬಂದ್‌ ವಾತಾವರಣ

‘ಕೊಟ್ಟಿಗೆಹಾರದಲ್ಲಿ ಊಟಕ್ಕೆ ಬಿಡಬೇಕಾಗಿತ್ತು. ಅಲ್ಲಿ ಹೋಟೆಲ್‌ ಬಂದ್‌ ಆಗಿದ್ದರಿಂದ ಮೂಡಿಗೆರೆಯಲ್ಲಿ ಬಿಡುತ್ತೇವೆ ಎಂದು ಕರೆ ತಂದರು. ಇಲ್ಲಿಯೂ ಊಟವಿಲ್ಲ. ಇದೀಗ ಚಿಕ್ಕಮಗಳೂರಿನಲ್ಲೂ ಊಟವಿಲ್ಲ ಎನ್ನುತ್ತಿದ್ದಾರೆ.

ಮೂಡಿಗೆರೆ: ದತ್ತ ಜಯಂತಿ ಅಂಗವಾಗಿ ಮುನ್ನೆಚ್ಚರಿಕೆ ಕ್ರಮವಾಗಿ ಜಿಲ್ಲಾಡಳಿತವು ತಾಲ್ಲೂಕಿನಲ್ಲಿ ರಾಷ್ಟ್ರೀಯ ಹೆದ್ದಾರಿ ಇಕ್ಕೆಲದ ಹೋಟೆಲ್‌, ಅಂಗಡಿಗಳನ್ನು ಬಂದ್‌ ಮಾಡಿಸಿದ್ದರಿಂದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಭಾನುವಾರ ಅಘೋಷಿತ ಬಂದ್‌ ವಾತಾವರಣ ಸೃಷ್ಟಿಯಾಗಿತ್ತು.

ಪಟ್ಟಣದ ಸೇರಿದಂತೆ ಬಿದರಹಳ್ಳಿ, ಹೊರಟ್ಟಿ, ಸಬ್ಬೇನಹಳ್ಳಿ, ಬಣಕಲ್‌, ಕೊಟ್ಟಿಗೆಹಾರಗಳಲ್ಲಿ ಮುಂಜಾನೆಯಿಂದ ರಾತ್ರಿಯವರೆಗೂ ಹೋಟೆಲ್‌ ಹಾಗೂ ಅಂಗಡಿಗಳನ್ನು ಬಂದ್‌ಮಾಡಿಸಿದ್ದು, ಇದರಿಂದ ದತ್ತಭಕ್ತರು ಮಾತ್ರವಲ್ಲದೇ, ಹೋಟೆಲ್‌ಗಳನ್ನೇ ಆಶ್ರಯಿಸಿರುವ ಕಾರ್ಮಿಕರು, ಆಟೊ ಚಾಲಕರು, ಸಾರಿಗೆ ಸಿಬ್ಬಂದಿ ಪ್ರಯಾಣಿಕರು ಇಡೀ ದಿನ ಊಟವಿಲ್ಲದೇ ಪರದಾಡಿದರು. ಪಟ್ಟಣದ ಒಳಭಾಗಗಳಲ್ಲೂ ಭಾನುವಾರ ಹೋಟೆಲ್‌, ಅಂಗಡಿಗಳು ಸಂಪೂರ್ಣವಾಗಿ ಮುಚ್ಚಿದ್ದವು.

ಪ್ರತಿದಿನ ಸುಮಾರು 25 ಕ್ಕೂ ಅಧಿಕ ಬಸ್‌ಗಳು ಪಟ್ಟಣದ ಬಸ್‌ ನಿಲ್ದಾಣದಲ್ಲಿ ಊಟಕ್ಕೆ ಬಿಡುತ್ತಿದ್ದು, ಭಾನುವಾರ ಹೋಟೆಲ್‌ ಬಂದ್‌ ಆಗಿರುವ ಮಾಹಿತಿಯಿಲ್ಲದೇ, ಊಟಕ್ಕಾಗಿ ಬಂದ ಪ್ರಯಾಣಿಕರು, ಹಿಡಿ ಶಾಪ ಹಾಕುತ್ತಾ ಹಿಂದಿರುಗುತ್ತಿದ್ದ ದೃಶ್ಯ ಕಂಡು ಬಂದಿತು.

‘ಕೊಟ್ಟಿಗೆಹಾರದಲ್ಲಿ ಊಟಕ್ಕೆ ಬಿಡಬೇಕಾಗಿತ್ತು. ಅಲ್ಲಿ ಹೋಟೆಲ್‌ ಬಂದ್‌ ಆಗಿದ್ದರಿಂದ ಮೂಡಿಗೆರೆಯಲ್ಲಿ ಬಿಡುತ್ತೇವೆ ಎಂದು ಕರೆ ತಂದರು. ಇಲ್ಲಿಯೂ ಊಟವಿಲ್ಲ. ಇದೀಗ ಚಿಕ್ಕಮಗಳೂರಿನಲ್ಲೂ ಊಟವಿಲ್ಲ ಎನ್ನುತ್ತಿದ್ದಾರೆ. ಬಸ್‌ನಲ್ಲಿರುವ ಮಕ್ಕಳು ಹಸಿವು ಎಂದು ಅಳುತ್ತಿದ್ದಾರೆ. ಇನ್ನು ಜಿಲ್ಲಾ ಗಡಿ ದಾಟಲು ಕನಿಷ್ಠ 3 ಗಂಟೆ ಬೇಕು. ಅಲ್ಲಿಯವರೆಗೂ ಮಕ್ಕಳು ಹಸಿದಿರಲು ಸಾಧ್ಯವೇ, ಕನಿಷ್ಠ ಜಿಲ್ಲಾಡಳಿತವೂ ಮೊದಲೇ ಮಾಹಿತಿ ನೀಡಿದ್ದರೆ ಪ್ರಯಾಣವನ್ನು ಕೈಗೊಳ್ಳುತ್ತಿರಲಿಲ್ಲ ಎಂದು’ ಬಿಸ್ಕೇಟ್‌ಗಾಗಿ ಪಟ್ಟಣದಲ್ಲಿ ಅಲೆದಾಡುತ್ತಿದ್ದ ರಾಣಿಬೆನ್ನೂರಿನ ಶಿವಕುಮಾರ್‌ ಆಕ್ರೋಶ ವ್ಯಕ್ತ ಪಡಿಸಿದರು. ಊಟಕ್ಕಾಗಿ ಬಸ್‌ ಚಾಲಕರು ಹಾಗೂ ಪ್ರಯಾಣಿಕರ ನಡುವೆ ವಾಗ್ವಾದ ನಡೆಯುತ್ತಿದ್ದ ದೃಶ್ಯ ಕಂಡು ಬಂದಿತು.

‘ಮುಂಜಾನೆ 4 ಕ್ಕೆ ಹೋಟೆಲ್‌ಗೆ ಬಂದ ಪೊಲೀಸರು, ಹೋಟೆಲ್‌ಗಳನ್ನು ಬಂದ್‌ ಮಾಡಿಸಿದರು. ಇದರಿಂದ ಮುಂಜಾನೆ 8ರ ವರೆಗೂ ವ್ಯಾಪಾರ ಮಾಡೋಣವೆಂದು ಸಿದ್ಧಪಡಿಸಿಕೊಂಡಿದ್ದ ಆಹಾರ ಪದಾರ್ಥವೆಲ್ಲವೂ ನಷ್ಟವಾಯಿತು. ಇಡೀ ದಿನ ಆಟೊ ಚಾಲಕರು, ವ್ಯಾನ್‌ ಚಾಲಕರು ಊಟಕ್ಕಾಗಿ ಬಂದಿದ್ದರು. ಇಂದು ಅವರಿಗೂ ಊಟ ಇಲ್ಲದಂತಾಯಿತು’ ಎಂದು ಬಸ್‌ ನಿಲ್ದಾಣದ ಸಮೀಪವಿರುವ ಹೋಟೆಲ್‌ ಮಾಲೀಕರೊಬ್ಬರು ಅಳಲು ತೋಡಿಕೊಂಡರು.

Comments
ಈ ವಿಭಾಗದಿಂದ ಇನ್ನಷ್ಟು
ನೀರಿಗೆ ಅನುದಾನಕ್ಕೆ ಸಿ.ಎಂಗೆ ಪತ್ರ: ದೇವೇಗೌಡ

ಚಿಕ್ಕಮಗಳೂರು
ನೀರಿಗೆ ಅನುದಾನಕ್ಕೆ ಸಿ.ಎಂಗೆ ಪತ್ರ: ದೇವೇಗೌಡ

20 Jan, 2018
ಬಿಜೆಪಿ, ಕಾಂಗ್ರೆಸ್‌ ವಿರುದ್ಧ ಜೆಡಿಎಸ್‌  ಹೋರಾಟ: ಎಚ್‌.ಡಿ.ದೇವೇಗೌಡ

ಚಿಕ್ಕಮಗಳೂರು
ಬಿಜೆಪಿ, ಕಾಂಗ್ರೆಸ್‌ ವಿರುದ್ಧ ಜೆಡಿಎಸ್‌ ಹೋರಾಟ: ಎಚ್‌.ಡಿ.ದೇವೇಗೌಡ

20 Jan, 2018
ಭಯದ ನೆರಳಲ್ಲಿ ದಿನ ಕಳೆಯುವ ಮಕ್ಕಳು

ಚಿಕ್ಕಮಗಳೂರು
ಭಯದ ನೆರಳಲ್ಲಿ ದಿನ ಕಳೆಯುವ ಮಕ್ಕಳು

19 Jan, 2018

ಚಿಕ್ಕಮಗಳೂರು
‘₹ 16 ಕೋಟಿ ವಿಮಾ ಮೊತ್ತ ವಾಪಸ್‌’

‘ ಫಸಲ್‌ ಭಿಮಾ ಯೋಜನೆ ಕೇಂದ್ರ ಸರ್ಕಾರದ್ದು, ಇದನ್ನು ಅನುಷ್ಟಾನದ ಹೊಣೆ ರಾಜ್ಯ ಸರ್ಕಾರ ನಿರ್ವಹಿಸಬೇಕು. ರಾಜ್ಯ ಸರ್ಕಾರವು ಯೋಜನೆಯ ಹೊಣೆಗಾರಿಕೆಯನ್ನು ಸರಿಯಾಗಿ ನಿರ್ವಹಿಸುತ್ತಿಲ್ಲ’ ...

19 Jan, 2018

ಶೃಂಗೇರಿ
ಸೂಕ್ತ ಉದ್ಯೋಗ ಪಡೆಯುವುದು ಸವಾಲು

‘ನಮ್ಮ ದೇಶದಲ್ಲಿ ಅನಕ್ಷರತೆ ಮಾಯವಾಗುತ್ತಿದ್ದು, ವಿದ್ಯಾವಂತ ಯುವಕರಿಗೆ ಉದ್ಯೋಗದ ಕೊರತೆಯು ತೀವ್ರವಾಗಿ ಕಾಡುತ್ತಿದೆ. ನಿರುದ್ಯೋಗವು ಸಮಾಜದಲ್ಲಿ ಕೆಟ್ಟ ವಾತಾವರಣ ಸೃಷ್ಟಿಗೆ ಅವಕಾಶ ಕೊಡುತ್ತದೆ'.

18 Jan, 2018