ಬಸವಾಪಟ್ಟಣ

ಸಂಭ್ರಮದ ಗದ್ದುಗೇಶ್ವರಸ್ವಾಮಿ ರಥೋತ್ಸವ

ಭಕ್ತರು ಇಂತಹ ಧಾರ್ಮಿಕ ಸ್ಥಳಗಳಲ್ಲಿ ನಡೆಯುವ ಸಾಮೂಹಿಕ ವಿವಾಹ ಮಹೋತ್ಸವದಲ್ಲಿ ಮಕ್ಕಳ ಮದುವೆ ನಡೆಸಬೇಕು. ಸರಳತೆಯ ಜೊತೆಗೆ ದುಂದುವೆಚ್ಚ ಕಡಿಮೆ ಮಾಡಿ ಇತರರಿಗೆ ಮಾದರಿಯಾಬೇಕು

ಬಸವಾಪಟ್ಟಣ ಸಮೀಪದ ಕೂಲಂಬಿಯಲ್ಲಿ ಸೋಮವಾರ ನಡೆದ ಗದ್ದುಗೇಶ್ವರಸ್ವಾಮಿ ರಥೋತ್ಸವದಲ್ಲಿ ಸಹಸ್ರಾರುಜನ ಭಕ್ತರು ಭಾಗವಹಿಸಿದ್ದರು

ಬಸವಾಪಟ್ಟಣ: ಸಮೀಪದ ಹೊನ್ನಾಳಿ ತಾಲ್ಲೂಕಿನ ಪ್ರಸಿದ್ಧ ಕ್ಷೇತ್ರ ಗದ್ದುಗೇಶ್ವರಸ್ವಾಮಿ ಕಾರ್ತೀಕ ಮಹೋತ್ಸವ ಭಾನುವಾರ ಮತ್ತು ಸೋಮವಾರ ವೈಭವದಿಂದ ನೆರವೇರಿತು. ಉತ್ಸವದ ಅಂಗವಾಗಿ ಭಾನುವಾರ ರಾತ್ರಿಯಿಂದ ಸೋಮವಾರದವರೆಗೆ ಕೂಲಂಬಿಗೆ ಭಕ್ತಸಾಗರ ಹರಿದುಬಂದಿತ್ತು.

ಸೋಮವಾರ ಮುಂಜಾನೆ ನಡೆದ ಗದ್ದುಗೇಶ್ವರಸ್ವಾಮಿ ರಥೋತ್ಸವದಲ್ಲಿ ವಿವಿಧ ಭಾಗಗಳಿಂದ ಬಂದ ಭಕ್ತರು ಭಾಗವಹಿಸಿದ್ದರು. ಕಾರ್ಯಕ್ರಮದ ಅಂಗವಾಗಿ ನಡೆದ ಉಚಿತ ಸಾಮೂಹಿಕ ವಿವಾಹ ಮಹೋತ್ಸವವನ್ನು ಹೊನ್ನಾಳಿ ಶಾಸಕ ಡಿ.ಜಿ.ಶಾಂತನಗೌಡ ಉದ್ಘಾಟಿಸಿ ವಧೂ ವರರನ್ನು ಆಶೀರ್ವದಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಶಾಂತನಗೌಡ ಅವರು, ‘ಭಕ್ತರು ಇಂತಹ ಧಾರ್ಮಿಕ ಸ್ಥಳಗಳಲ್ಲಿ ನಡೆಯುವ ಸಾಮೂಹಿಕ ವಿವಾಹ ಮಹೋತ್ಸವದಲ್ಲಿ ಮಕ್ಕಳ ಮದುವೆ ನಡೆಸಬೇಕು. ಸರಳತೆಯ ಜೊತೆಗೆ ದುಂದುವೆಚ್ಚ ಕಡಿಮೆ ಮಾಡಿ ಇತರರಿಗೆ ಮಾದರಿಯಾಬೇಕು. ಗದ್ದುಗೇಶ್ವರಸ್ವಾಮಿಯ ಸನ್ನಿಧಿಯಲ್ಲಿ ವರ್ಷ ವರ್ಷವೂ ಹೆಚ್ಚಿನ ಸಂಖ್ಯೆಯಲ್ಲಿ ಮದುವೆಗಳು ನಡೆಯುತ್ತಿರುವುದು ಸ್ವಾಗತಾರ್ಹ’ ಎಂದರು.

ಬಿಜೆಪಿ ನಾಯಕ ಎಂ.ಪಿ.ರೇಣುಕಾಚಾರ್ಯ ಮಾತನಾಡಿ, ‘ನೂರಾರು ವರ್ಷಗಳ ಇತಿಹಾಸವಿರುವ ಗದ್ದುಗೇಶ್ವರರ ಸನ್ನಿಧಿ ಹೆಚ್ಚಿನ ಸಂಖ್ಯೆಯ ಭಕ್ತರನ್ನು ಹೊಂದಿದೆ. ಸಹಸ್ರಾರು ಮಹಿಳೆಯರು ದೀಪಗಳೊಂದಿಗೆ ಮೆರವಣಿಗೆಯಲ್ಲಿ ಬಂದು ಸ್ವಾಮಿಗೆ ಕಾರ್ತೀಕೋತ್ಸವ ನಡೆಸುವ ನೂರಾರು ವರ್ಷಗಳಿಂದ ನಡೆಸುತ್ತಿರುವುದು ಧಾರ್ಮಿಕತೆಗೆ ಮೆರುಗು ನೀಡಿದೆ’ ಎಂದರು.

ಹೊನ್ನಾಳಿ ತಹಶೀಲ್ದಾರ್‌ ನಾಗರಾಜ್‌, ಜಿಲ್ಲಾ ಪಂಚಾಯ್ತಿ ಸದಸ್ಯೆ ರೂಪಾ ಜಗದೀಶ್‌, ದೇವಸ್ಥಾನ ಸಮಿತಿ ಉಪಾಧ್ಯಕ್ಷ ಬಿ.ಟಿ.ಮುರಿಗೆಪ್ಪ, ಗ್ರಾಮ ಪಂಚಾಯ್ತಿ ಅಧ್ಯಕ್ಷೆ ಗಾಯತ್ರಿ ಪ್ರಶಾಂತ್‌ ಮಾತನಾಡಿದರು.

ವಧೂ ವರರಿಗೆ ಗಣ್ಯರು ಮದುವೆಯ ಉಡುಪುಗಳನ್ನು ನೀಡಿದರು. ದೇಗುಲ ಸಮಿತಿ ಅಧ್ಯಕ್ಷ ಟಿ.ಎಸ್‌.ಸೋಮಶೇಖರ್‌ ಅಧ್ಯಕ್ಷತೆ ವಹಿಸಿದ್ದರು. ಕಾರ್ಯದರ್ಶಿ ವೈ.ಎಂ.ಬಸವಲಿಂಗಪ್ಪ ಸ್ವಾಗತಿಸಿದರು. ಬಿ.ಎಸ್‌.ಲಿಂಗರಾಜ್‌ ನಿರೂಪಿಸಿದರು. ಹೇಮಂತರಾಜ್‌ ವಂದಿಸಿದರು.

ಭಾನುವಾರ ರಾತ್ರಿ ನಡೆದ ಕಾರ್ತೀಕೋತ್ಸವದಲ್ಲಿ ಮಹಿಳೆಯರು ಗದ್ದುಗೇಶ್ವರಸ್ವಾಮಿಗೆ ದೀಪ ಬೆಳಗಿಸಿ ಕಾರ್ತೀಕೋತ್ಸವ ನಡೆಸಿದರು. ಗ್ರಾಮದ ಕೆರೆಯಲ್ಲಿ ಬೆಳದಿಂಗಳಿನಲ್ಲಿ ಗದ್ದುಗೇಶ್ವರಸ್ವಾಮಿಯ ತೆಪ್ಪೋತ್ಸವ ಏರ್ಪಡಿಸಲಾಗಿತ್ತು. ಭಜನಾ ತಂಡಗಳಿಂದ ಅಹೋರಾತ್ರಿ ಭಜನೆ ನಡೆಯಿತು. ಸೋಮವಾರ ಸಂಜೆ ಸ್ವಾಮಿಯ ಹೂವಿನ ಪಲ್ಲಕ್ಕಿ ಉತ್ಸವ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ನಡೆಯಿತು.

Comments
ಈ ವಿಭಾಗದಿಂದ ಇನ್ನಷ್ಟು
ಅಧಿಕಾರಕ್ಕೆ ಬಂದರೆ ರೈತರ ಸಾಲ ಸಂಪೂರ್ಣ ಮನ್ನಾ

ಮಾಯಕೊಂಡ
ಅಧಿಕಾರಕ್ಕೆ ಬಂದರೆ ರೈತರ ಸಾಲ ಸಂಪೂರ್ಣ ಮನ್ನಾ

24 Jan, 2018

ದಾವಣಗೆರೆ
ನಗರ ದೇವತೆ ಜಾತ್ರೆ: ಹಂದರ ಕಂಬಕ್ಕೆ ಪೂಜೆ

ದೇಗುಲದ ಹೊರಗೆ ಹಂದರ ಕಂಬ ನೆಟ್ಟು ಹಾಲು ತುಪ್ಪ, ಪಂಚಲೋಹ ಹಾಕಿ ವಿಶೇಷ ಪೂಜೆ ಸಲ್ಲಿಸುವ ಮೂಲಕ ನಗರ ದೇವತೆ ಜಾತ್ರೆಯ ಕಾರ್ಯಕ್ಕೆ ಚಾಲನೆ...

24 Jan, 2018

ಚನ್ನಗಿರಿ
ಹಿಂದುತ್ವ ಉಳಿವಿಗೆ ಶಿವಾಜಿ ಕೊಡುಗೆ ಅಪಾರ

‘ದೇಶಕ್ಕಾಗಿ ಪ್ರಾಣತೆತ್ತ ಕ್ಷತ್ರಿಯ ಮರಾಠ ಸಮಾಜ ಪ್ರಸ್ತುತ ಪ್ರವರ್ಗ 3 ‘ಬಿ’ನಲ್ಲಿದೆ. ಇದನ್ನು ಪ್ರವರ್ಗ 2 ‘ಎ’ಗೆ ಸೇರಿಸಬೇಕು’ ಎಂದು ಅವರು ಸರ್ಕಾರವನ್ನು ಒತ್ತಾಯಿಸಿದರು. ...

24 Jan, 2018
ರುಚಿ ಮೊಗ್ಗು ಅರಳಿಸಿದ ವಿದ್ಯಾರ್ಥಿಗಳು

ದಾವಣಗೆರೆ
ರುಚಿ ಮೊಗ್ಗು ಅರಳಿಸಿದ ವಿದ್ಯಾರ್ಥಿಗಳು

23 Jan, 2018

ದಾವಣಗೆರೆ
ತೇಪೆ ರಾಜಕಾರಣ ಬೇಕಿಲ್ಲ; ಭರವಸೆ ಈಡೇರಿಸಿ

ಸ್ವಾತಂತ್ರ್ಯ ಬಂದಾಗ ಅಸ್ತಿತ್ವಕ್ಕೆ ಬಂದ ಸರ್ಕಾರಕ್ಕೆ ಸಮಾಜವನ್ನು ಮುಂದಕ್ಕೆ ಕರೆಯೊಯ್ಯುವ ಕನಸುಗಳಿದ್ದವು. ಆದರೆ, ಸಮಾಜವೇ ಹಿಂದಕ್ಕೆ ಹೋಗಲು ಯತ್ನಿಸುತ್ತಿತ್ತು.

23 Jan, 2018