ಸಮಾಜದ ಕಟ್ಟಕಡೆಯ ವ್ಯಕ್ತಿಗೂ ಎಚ್ಐವಿ ಅರಿವು ಮೂಡಿಸಿ

ಇಲ್ಲಿನ ಸರ್ಕಾರಿ ಆಸ್ಪತ್ರೆಯ ಸಭಾಂಗಣದಲ್ಲಿ ವಿವಿಧ ಸಂಘ ಸಂಸ್ಥೆಗಳ ಆಶ್ರಯದಲ್ಲಿ ವಿಶ್ವ ಏಡ್ಸ್ ದಿನಾಚರಣೆ ಅಂಗವಾಗಿ ಶುಕ್ರವಾರ ನಡೆದ ಸಭಾ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

2002ರಿಂದ ಅಕ್ಟೋಬರ್ 2017 ರವರೆಗೆ ರಾಜ್ಯದಲ್ಲಿ ಎಚ್.ಐ.ವಿ ಸೋಂಕಿತರು 3,59,821 ಇದ್ದಾರೆ. ದೇಶದಲ್ಲಿ ಎಚ್‌ಐವಿ ಭಾದಿತರಲ್ಲಿ ರಾಜ್ಯ 8ನೇ ಸ್ಥಾನದಲ್ಲಿದ್ದು, 1,48,545 ಮಂದಿ ಎ.ಆರ್.ಟಿ ಪಡೆದು ಬದುಕುತ್ತಿದ್ದಾರೆ.

ತಾಲ್ಲೂಕು ಸರ್ಕಾರಿ ಆಸ್ಪತ್ರೆಯ ಆಡಳಿತ ವೈದ್ಯಾಧಿಕಾರಿ ಡಾ.ಎಲ್ದೋಸ್ ಟಿ ವರ್ಗೀಸ್  ಎಚ್.ಐ.ವಿ, ಏಡ್ಸ್ ನ ಇತಿಹಾಸ, ಮೂಲ ಮಾಹಿತಿ ಎಚ್.ಐ.ವಿ ಯ ಬಗ್ಗೆ ಸಮಾಜದಲ್ಲಿರುವ ಅಪನಂಬಿಕೆಗಳ ಬಗ್ಗೆ ದೃಶ್ಯ ಮಾಧ್ಯಮದ ಮೂಲಕ ವಿವರಿಸಿದರು.

ಶಿವಮೊಗ್ಗದ ಹಿರಿಯ ಆರೋಗ್ಯ ನಿರೀಕ್ಷಕ ಎಂ.ಪಿ ವರ್ಗೀಸ್ ಮಾತನಾಡಿ, ಎಚ್.ಐ.ವಿ ಸೋಂಕಿತರಿಗೆ ಸಮಾಜದಲ್ಲಿ ಉಂಟಾಗುವ ಕಳಂಕ, ತಾರತಮ್ಯದ ಬಗ್ಗೆ, ಪೋಷಕರಿಂದ ಮಕ್ಕಳಿಗೆ ಹರಡುವ ಸೋಂಕಿನ ಬಗ್ಗೆ, ಎಚ್.ಐ.ವಿ ಸೋಂಕನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಸರ್ಕಾರ ಕೈಗೊಂಡ ಕ್ರಮಗಳ ಬಗ್ಗೆ ವಿವರಿಸಿದರು.

ಕ್ಷೇತ್ರ ಆರೋಗ್ಯ ಶಿಕ್ಷಣಾಧಿಕಾರಿಗಳಾದ ವೈ.ಎಂ.ಲಲಿತಾ , ಪಿ.ಪಿ.ಬೇಬಿ, ಪ್ರಯೋಗಶಾಲಾ ತಂತ್ರಜ್ಞ ಪ್ರಶಾಂತಕುಮಾರ್, ತಾಲ್ಲೂಕು ಕಾರ್ಯಕ್ರಮ ವ್ಯವಸ್ಥಾಪಕ ಕಿರಣ್ ಕುಮಾರ್, ಹಿರಿಯ ಆರೋಗ್ಯ ನಿರೀಕ್ಷ ಪ್ರಭಾಕರ್, ನಾಗಲತಾ, ಸರ್ಕಾರಿ ಪದವಿಪೂರ್ವ ಕಾಲೇಜು ವಿದ್ಯಾರ್ಥಿಗಳು, ಪುಷ್ಪ ನರ್ಸಿಂಗ್ ಶಾಲೆಯ ವಿದ್ಯಾರ್ಥಿಗಳು, ಆಶಾ ಕಾರ್ಯಕರ್ತರು ಭಾಗವಹಿಸಿದ್ದರು.

ಎಚ್.ಐ.ವಿ ಸೋಂಕಿತರಿಗೆ, ಕ್ಷಯರೋಗಿಗಳಿಗೆ, ನಿರ್ಗತಿಕರಿಗೆ , ಬಡಮಕ್ಕಳಿಗೆ, ಮದ್ಯವ್ಯಸನಿಗಳಿಗೆ ನಿಸ್ವಾರ್ಥ ಸೇವೆ ಸಲ್ಲಿಸುತ್ತಿರುವ ಸೋಷಿಯಲ್ ವೆಲ್‌ಫೇರ್‌ ಸೊಸೈಟಿಯ ಸಿಸ್ಟರ್ ಚಾರ್ಲ್ಸ್ ಅವರನ್ನು ರೋಟರಿ ಸಂಸ್ಥೆಯಿಂದ ಅಧ್ಯಕ್ಷ ಕೆ.ವಿ.ವಸಂತ್ ಕುಮಾರ್ ಸನ್ಮಾನಿಸಿದರು.

ಅಂಕಿ ಅಂಶ

ಜಿಲ್ಲೆಯಲ್ಲಿ 4.33 ಲಕ್ಷ ಮಂದಿ ಪರೀಕ್ಷೆಗೆ ಒಳಪಟ್ಟಿದ್ದಾರೆ.

5947 ಎಚ್‌ಐವಿ ಸೋಂಕಿರು

1945 ಜನ ಎ.ಆರ್.ಟಿ ಚಿಕಿತ್ಸೆ ಪಡೆಯುತ್ತಿರುವವರು ಎನ್.ಆರ್‌.ಪುರ ತಾಲ್ಲೂಕು

4,553 ಎಚ್.ಐ.ವಿ ಪರೀಕ್ಷೆಗೆ ಒಳಗಾದ ಪುರುಷರು

5,328 ಮಹಿಳೆಯರು ಪರೀಕ್ಷೆಗೆ ಒಳಗಾದವರು

109 ಜನ ಸೋಂಕಿತರು

11 ಸೋಂಕಿತ ಗರ್ಭೀಣಿಯರು